Job 41
1 Ngaagi khoidu hingchaba Levisthanbu phaaba ngambra? Thourina mahaakki mareidu punba ngambra?
2 Manaatonda nareng hutpa ngambra? Maya yari phaona khoina lengba ngambra?
3 Mahaakna chatningba maphamda chatnanaba nangondagi yaathang lougadra? Thoujaanbiyu haayna mahaakna nangonda haayjaragadra?
4 Mahaakka yaanaba amaa thamduna Mapunsi chuppa nahaakki seba touge haaygadra?
5 Yumda yokpa uchekkumna mahaakpu punba ngamgadra? minaai nupishing haraaonaba phaaduna thamba ngambra?
6 Nga phaabashingna mahaakpu phaaraga yonba ngambra? Lalonba mishingna matum matum kaklaba maasibu yonbara?
7 Mahaakki lotphamduda khoishing thaktuna thamba ngambra?
Mahaakki makokta tana lengba ngambra?
8 Mahaakpu amuktang shoknaba hotnou adu oirabadi mahaakki manaak amuk naklaroi.
9 Leviathanbu thengnaraba mishingna kiduna maru lukpa ngaktani.
10 Mahaakpu laaklabadi shaaorak-e, kanaasu mahaakki maangda leppa ngamde.
11 Mahaakpu shingnaruba kanaana Mapunsi hingkhibage? taaibangsida leiriba kanaana maasi touba ngamde?
12 Levisthanggi makhongdu karino haaybadu haayge taao, mahaak kayagi matik kanbano haayge tajou.
13 Mahaakki maundu kanaana shegaaiba ngamde. Mahaakki maundu pahudoknaba khutlai leite.
14 Akibagi mashak phanglaba mayashing paalliba machindu kanaana phaodokpa ngambage?
15 Nunggumna kallaba chunggoigumba akanba shaarukna mahaakki manangalda pareng lengduna leiri.
16 Amaga-amaga tainaphamdu asukki matik kungi marakta khudonbi enshinba yaade.
17 Makhoy asukki matik phajanaa pareng lengkhre madudi kanaanasu mapham lenghanba ngamde.
18 Hakthi khanba matamda mangaan nongthaang kuppi, Thorakpada ngaairiba numitkumna mamit anidu langi.
19 Machindagi meiri thorak-e, meirigumna langlaba erikshing paithorak-e.
20 Manaatondagi meikhu thorak-e, chaphu meida thaanggatpa matamda makhaadagi thorakpa meikhugummi.
21 Mahaakki shordu hondorakpada achakta mei thorak-e, machindagi meiri thokhalli.
22 Mahaakki mangaktu ubada mipum tingna kidaba leite.
23 Mahaakki maunduda asonba mapham amatta leite, yotkumna akanba mapham ngaktani.
24 Chakri nunggumna mahaakki thamoidu kalli, akibaa leite.
25 Mahaakna hougatlakpa matamda Khwaaidagi akanbaadu phaaoba kidaba leite.
26 Mahaakpu kakpa yaaba thang leite, ta amadi tenna mahaakpu shokhanba ngamde.
27 Maangondadi yotsu charugumbani, pithraaisu akhakpa ugumbani.
28 Tenna thaaduna mahaakpu chelhanba ngamde, Maangonda hajinkhiba numgdu charu managumbani.
29 Cheitha amadi maangonda karisu natte, mina ta hunjinba matamda mahaakna nok-e,
30 Mabukta paalliba humdangshingdu cheironggummi. Langolgumna leikhomda khoigaiba ngammi.
31 Mahaakna epaakta neiduna eeshing asaba thok-hanba ngammi, asaba thaao yaaoba patrada shoubagumna shouhanba ngammi.
32 Mahaakki khonggul chatkhiba maphamda leihouwi. Epaaktu mahaakna neikhaayduna shanggom anouba machu malhanba ngammi.
33 Maalemsida mahaakka chaangdamnaba yaaba amatta leite, adiba leitba sadi mahaaktani.
34 Khwaaidagi maril leire haayriba shaadu mahaakki manaaini, Lamda leiba shaasigi marakta mahaakna ningthouni.