Revelation 17
Oktabi nupi amasung lamsagi maramda uhanbiba
1 Amasung tenggot taret leiba swargadut taret adugi amanaa laaklaga eigaa ngnagaduna haay, asida laak-u, achoubi oktabi, eeshing mayaamgi mathakta phamlibi adubu waayenba eina nangonda uhan-ge.
2 Maaga prithibida paallibashingbu maagi marumbi thabakki yuna ngaohalle.
3 Maduda mahaakna eibu thawaaygi mapaanna lamjaaoda puthokle; amasung Eeshorbu thouoidaba mingna thanba, makok taret, machi taraa paanba ngangsang ngaangba shaagi mathakta phambi nupi amaa eina ure.
4 Aduga nupi aduna memaanba amasung ngnagsang ngaangba phi thonduna, sanaana, manina amasung muktana leitengi; makhutta tukkachabana thanba, haaybadi maagi marumbi thabakki shengdaba potna thanba, sanaagi tenggot paay,
5 Amasung maagi maraibakta athuppa wa, Babylon achouba, oktabishinggi amasung Prithibigi tukkachaba potki mama, haayba ekhraba ming asi lei.
6 Amasung ashengbashinggi aduga Jesusgi damak haatkhiba saakhishinggi eena ngaobi nupi adubu eina ure. Aduga eina maabu ubada, haayningngai leitana ngakle.
7 Amasung swargadut adtma eingonda haay, kari maramgi damak nahaakna ngaklabano? Eina nangonda nupi adugi, amasung maabu puriba shaa, makok taret, machi taraa paanba adugi athuppa waa adu tambige.
8 Nahaakna uraba shaa adu oirammi, aduga oidre, amasung madi makha naaidaba komdagi thoklakkadouri, aduga manaa amaangbada chatli. Aduga taaibang-paal houngeidagi hingbagi laairikta maming esindaba prithibida paallibashingna shaa adu karamna oiramba, amasung laakkadaba haayba makhoyna ubada ngakkani.
9 Asida loushing leibagi pukning adu lei. Makok taret adudi nupi aduna phamliba ching taretni;
10 Amasung makok adushingdi ningthou taretni; mangaadi takhre, amadi leiri, atei adudi laaktri; aduga manaa laaklaga, matam khara leiba taai.
11 Amasung oiramba aduga oidraba shaa aduna mashaamak nipaan shubani, amasung taret adudagini, aduga manaa amaangbada chatli.
12 Amasung nahaakna uaraba machi taraa adu mareibaak houjik phaaoba phangdriba ningthou taraani; adubu makhoyna ningthoushinggumna shaa aduga loynanaa pung amagi damak matik phang-e.
13 Asishingna pukning amata oi, aduga makhoyna makhoygi paanggal amasung matik shaa aduda pi.
14 Asishingna yaao machaa adugi mathakta laan shoknagani, aduga yaao machaa aduna makhoybu ngamgani, maramdi ebungngodi Eeshorshinggi Eeshor, amasung ningthoushinggi ningthouni; aduga ebungngoga loynaba, kouraba, khallaba amasung thaajaba yaaba makhoynasu ngamgani.
15 Amasung mahaakna eingonda haay, oktabina phamliba nahaakna uraba eeshing mayaam adu mishing, miyaam-shing, Jaatshing amasung lol mayaam oibani.
16 Amasung nahaakna uraba machi taraa aduga shaa adu, asishingna oktabi adubu tukkachaaduna maabu mangtakpa amasung phi shettaba oihallaga, mashaasu chaagani, maabu meina tumna chaksu chaak-han-gani.
17 Maramdi Eeshorgi waa khibik thungdriba phaaoba,ebungngo mahaakki ningba tounnanaba, pukning amata oiraknanaba, amasung shaa aduda makhoygi leibaak pinanaba Eeshorna makhoygi pukningda haapchinbire.
18 Amasung nahaakna uraba nupi adudi Prithibigi ningthoushinggi mathakta paalliba achouba saahar aduni.