Ezekiel 38
Mapuna Gogpu shijinnaba
1 Eeshorna eingonda haaybikhiba waashing:
2-3 He nupaa, Magogki lamda leiba Ros, Mesek, amadi Tubalgi ningthou oiriba Gogna leiriba maaykeida namai onduna waa khara phongdok-u. Maangonda haayyu, "Eeshorna asumna taakpiri: yeng-u, Mesek amadi Tubalgi ningthou machaashinggi marakta athoiba oiriba he Gog, nahaakki mayokta eihaak leirabani.
4 Eina emaay leiraktuna nahaakki nakhadaangda khoi lenggani, eina nahaakka loynanaa nahaakki laanmi mapei, shagol, amadi shagol laanmishingdu chunggoi amadi thang paihallaga thok-han-gani.
5-6 Persia, Cus amadi Putta leiribashingdusu chunggoi amadi laangi tupinachingba uphanduna thok-han-gani. Gomer amadi masigi laanmi mapei, Beth Togarmah kouba awaang haramda leiribadusu mashaagi laanmishingduga loynanaa nahaakka lephan-gani.
7 Nahaakka loynanaa leigadouriba laanmishingdu puduna shemshaaro.
8 Matam khara leiraga nakhoybu mashing thihn-gani. Matam khara leiraga mang taklaba leibaak amada nakhoybu thaagani. Matam yaamna kuina mang taklaba Israelgi chingda punshinbiraba jaat amagi mathakta nakhoyna laandagadabani. maasida taariba mishingdu atoppa Jaatshinggi maraktagi puthoktuna mara tana nungaaina palli.
9 Nonglei nungshitki matouguna nakhoyna makhoybu laakshin-gadabani. Leichin thaabagi matougumna nakhoyna leibaaksida shaandokkadabani, nahaakka loynariba mishingduga loynaraga makhoybu neikhaaygadabani.
10 Eeshorna asumna taakpiri: Adugumba numittuda nakhoygi napukningda waakhan amaa laakkani, maramsina nakhoyna phattaba thabak paaykhatnaba khujin thouraang tougani.
11 Nakhoyna haaygani, 'choina taariba khunshingsida chatlaga lut touge, chekpan khagattana ningaidana leiriba mishingsigi mathakta laandaruge. Maramdi makhoydi thonggal pande pouron hapte.
12 Nakhoyna lut touninggani. Mapot maran munninggani mi taramdabagi houjik mi taraknaba lamsi nakhoyna amuk haanna tumna maanghange ningani. Maalemsigi mayaaida khuntaduna leiriba shaa-san amadi mapot machei yaamna khomjinjaduna paalliba Jaatshinggi maraktagi houjikta punna laakchariba mishingsigi mathakta ot nainingani.
13 Seba amadi Dedan aduga Tarsiski lalon-itik toubashing amadi masigi khunggangshingda leibashingna nakhoyda haaygani, 'Nakhoy lan thum lut touba laakpraa? Ot-neibadagi phanglakpa potshingdu punnaba mi thouraang tourabra? Silver amadi sanaa, shaa-san amadi pot cheinachingba loina punba mi laanglabra?'
14 Maramsina he nupaa, Gogki maphamda waasi haayyu: Eeshorna asumna taakpiri: eigi mi oiriba Israelgi mishingna mara tana nungaaina paanba matamda nahaak khoiraang khoisaogani.
15 Awaang haaram pangbagi aroiba ngamkheida paalliba nahaakna shagol laanmi mashing yaamna puduna mapaanggal leiraba kaangbu amaaga loynanaa
16 Leichinna maalembu kupshinbagi matougumna eigi mi oiriba Israelgi mishinggi mathakta laandagani. Tungda laakkadouriba numit shingda he Gog, nahaakki napaanna makhoygi mamaangda eigi shengthoiraba etiksigi laman shingba matamda Jaatshingna haayriba waaphamsi ephong phongna khangnanaba nahaakpu eigi laipaksigi mayokta houhn-gani.
Mapuna Gogpu awaapham taahanba
17 Eeshorna asumna taakpiri: Makhoygi mathakta laandahange haayna thoukhiba kumja kayaada eigi enaai Israelgi waa taakthokpa shingda phongdok-hankhibadu nahaakna?
18 Eeshorna taakpiri Israelgi leibaaksigi mathakta Gogna lanhourakpa matamda eigi ashaaoba Meirisisu kahn-gani.
19 Eigi etik eyaai amadi mei houna shaaoraba phibhamsida Amukka haanna haayribasini adugumba numittuda Israelgi leibaaksida thak thak nikpa amaa thokkani.
20 Eigi emangda samudrada leiriba lemlei ngashing, nongthakta paairiba cheklaashing, loubukta chaktariba shaashing, maalemthakta chatliba mapukna sitpa jibaashing, maalem-sida leiriba taaibang mishingsi thak thak nikkani. Loibi chingshingdu ningkhaaigani. Lokchapshingsi phunkhigani. Chekpan pumnamak leimaayda kaayduna taagani.
21 Eeshorna taakpiri Gog ki mathakta akibaa aroiba naaidana taahangani. Machin manaao khaktana thangna yaan-nahan-gani.
22 laaichat amadi ehing naihing tahanduna eina mahaakpu waayen-gani. Atatpa leitana nong amadi mahaakki mathakta lennachingba tahanduna mahaakka loynariba miyaamdu awaaba pigani.
23 Matou asumna Jaatshinggi mamaangda eigi etik eyaai amadi shengthoiraba egundu utkani. Matamduda makhoyna eisi Eeshorduni haayba khanggani.