Colossians 3
Christaga loynanaa hinggatminnabagi mahei
1 Aduna nakhoy Christaga loynanaa hinggatminnarabadi, mathaklom aduda leiba pot adu thiyu, maduda Christana Eeshorgi yet-thangbada phamlibani.
2 Mathaklomda leiba pot aduda nakhoygi pukning thammu, prithibida leiba aduda thamganu.
3 Maramdi nakhoy shire, aduga nakhoygi thawaay Eeshorda Christaga lotminnari.
4 Eikhoygi thawaay oiriba Christa adubu phongdokpiba matam adudi nakhoybusu ebungngoga loynanaa matik mangaanda phongdokpigani.
5 Maram aduna Prithibigi mathakta leiriba nakhoygi hakchaang kaayat sihallu; haaybadi, marumbi thamba, shengdaba, apaaybada thawaay luppa, phattaba paamba, amasung latpa oiba karamba sihallu;
6 Paap asigi maramna haayba endabagi machaashinggi mathakta Eeshorgi ashaaoba laak-e.
7 Nakhoyna thabakshing aside pallingeida, nakhoysu maduda mamaangeida chatsu chatlammi; 8 Adubu houjikti nakhoynasu pumnamak asi: haaybadi, ashaaoba, meihouna shaaoba, kallakpa, thina ngaangba, nachin nachindagi akamba ngaangba thaadok-u;
9 Amanaa amada chin thiganu; maramdi nakhoyna ariba mi adubu maagi thabakshingga loynanaa louthokkhre,
10 Aduga maabu shembiriba ebungngo mahaakki murti matung ennaa ekhang khangba phaaoba nouhanbiba anouba mioi adu nakhoyna setkhre.
11 Anouba mi asida Greek amasung Jewish, un kakpa amasung kaktaba mireibakki mi, Skuthia, minaai amasung mapu elei leite; touegumsung Christadi pumnamak oi, amasung pumnamakta lei.
12 Maram aduna Eeshorgi khan-gatlaba, ashengba amasung achaanba mishinggumna, nungshiheibagi pukchel, chanbiba matou, pukning nemba, pukning tappa, kuina khangba, nakhoyna setlu;
13 Amaga-amaga khangnaduna, kanaagumba amanaa kanaagumba amagi mathakta nungaainadaba leirabadi, amaga-amaga koknou; Eeshorna nakhoybu kokpikhiba adugumduna nakhoynasu tou;
14 Amasung pumnamak asigi mathakta changkhonbagi punnaba oiriba nungshibana pullu.
15 Aduga Christagi engthaba aduna nakhoygi thamoinungda waayenba oisanu; nakhoybu madugidamak hakchaang amaa oinaa kousu koubire; aduga nakhoyna thasu thaagatlu.
16 Christagi waa aduna nakhoygi nungda maraang kaina leibisanu; loushing pumnamakna amanaa amabu tambiduna amasung waarakpiduna, dharma eshei, thaagatpa eshei, amasung thawaaygi oiba eshei thoujaanga loynanaa nakhoygi thamoi nungda Eeshorgi maphamda shak-u.
17 Amasung ebungngo Jesusgi mapaanna mapaa Eeshorbu thaagat-chaaduna, waaheida oirabasu, thabakta oirabasu, nakhoyna touba pumnamak ebungngogi mingda tou.
Christian emunggi mipal
18 Yumnairabisa, Eeshorda matik chaaba oibagumna, nakhoygi napuroyba shinggi makha ponna leiyu.
19 Mapuroibasa, nakhoygi nupishingbu nungshiyu, amasung makhoygi mathakta akhaba oibiganu.
20 Angaangsa, thabak pumnamakta napaa namaagi haayba ellu, maramdi asi Eeshorgi maphamda penbani.
21 Mapasa, nakhoygi nachaashingna pukning hanthaba thoktaananaba, makhoybu langnaganu.
22 Minaaisa, mibu pelhanbashingumma mityenggi thougan nattana, pukchel tingna, Eeshorbu kiduna, thabak pumnamakta hakchaanggi matung ennaa nakhoygi mapu oibashinggi haayba ellu.
23 Mishinggi maphamda nattaduna, Eeshorgi maphamda toubagumna, nakhoyna touba makhei thawaay yaaonatou;
24 Phangpham thokpa adu Eeshordagi nakhoyna mahei oinaa phangjagani haayba khang-e; nakhoyna Eeshor Christabu khanjabani.
25 Maramdi araanba touba mahaak aduna mahaakki toukhiba araanba adu amuk phangjagani; amasung mishak mimaay yengba leite.