Deuteronomy 29
Moabki lamda Eshorna Israelgi warepnaba
29 Moabki lamda Israelgi mishing amadi Ibungogi marakta leinagadouba areppa wasakki yanaronsingdu Mapu Ibungona Mosesda pibikhi. Hairibasingsi Mapu Ibungona makhoiga Sinai chingda yanakhibadugi mathaktani.
2 Mosesna Israelgi mishingbu kousilladuna asumna hairak-i, Mapu Ibungona Egyptki ningthou, mahakki phamnaibasing, amadi mahakki leibak sinbathungna kari kari toubikhibage haibadu nakhoi namitmakna ukhrabani. 3 Mapu Ibungona maphamduda thok-han-khiba akiba phanglaba laichat, angakpa kaya, amadi chaoraba angakpa thabak kaya marum nakhoina ukhre. 4 Ngasi phaoba nakhoina ukhitakhibasingdu Ibungona nakhoibu khanghanbide. 5 Chahi niphu chupna Mapu Ibungona nakhoibu leikangla oiraba lamdamda chingbikhi aduga nakhoigi naphi amadi khongup segaikhide. 6 Nakhoigi chanaba tal amadi thaknaba drakha mahi leikhide adubu Eshor-na nakhoigi awatpa pibiduna Ibungobu Mapu Ibungoduni haibasi takpikhi. 7 Eikhoina maphamsi yourakpa matamda Heshbon-gi ningthou Shihon amadi Bashan-gi ningthou Ogna eikhoigi mayokta landarakkhi. Adubu eikhoina makhoibu maithiba pikhi. 8 Eikhoina makhoigi lamsingdu lousillaga Ruben-gi salaising, Gad amadi Manassehgi salaisingda yenthokpikhi. 9 Nakhoina touruba hiram khudingda namai paknaba areppa wasaksigi yanaronsingsi kaidana chatlu.
10 "Ngasidi napuroi Mapu Ibungogi mangda nakhoigi luchingbasing, phamnaibasing, aduga nakhoigi nupasing 11 Nupising amadi angangsing aduga nakhoigi narakta leiriba nakhoigi sing amadi ishing punnariba lamlanbasingsu yaona leplre. 12 Ngasi maphamsida nakhoina leiribasi napuroi Eshor-na nakhoiga yanaduna leinagadouriba areppa wasaksi ngakna chatnabagidamak yanaron khangduna thoudang yannabagidamakni. 13 Nakhoida amadi napa napu Abraham, Isaac amadi Jacobta wasakpikhibadugi matung inna Lainingthou Ibungona nakhoibu Ibungogi mishing oinanaba areppa khangnanaba talli. 14 Mapu Ibungona changnagadou-riba areppa wasakki yanaronsi nakhoi khaktaga leinagadouba natte. 15 Ibungo mahakna ngasi maphamsida tilliba miyam amadi tungda lakkadouba eikhoigi charon surongasu yanabasi leinagadouribani.
16 "Nakhoina matou karamna Egyptta punsi lenkhi haibadu khangle. Atoppa jatsinggi lam phaoduna lakpadana karam toukhi haibasi nakhoina khangle. 17 Nakhoina miramda leiriba tukkacharaba una, nungna, lupana amadi sanana saba laisingdu ure. 18 Ngasi maphamsida lepliba nupa amadi nupising aduga salaisingsina eikhoigi Ipuroi Mapu Ibungobu thadoktuna jat ateigi laisingbu khurum-loidoubani haibasi cheksinna khangbigadabani. Karigumba asumna touba thoklabadi akhaba amadi hu yaoba u-panga pankhak oigani. 19 Ngasi maphamsida tilliba mishinggi marakta asigumba aruba pangthoktaba yadraba hiramsingsi hum-doktuna mana mana apamba touduna loinaba iphapharani haibasi thoktanaba cheksillu. Kanagumbana hairibasimaktouba thoklabadi, aphaphatta animak chap mannana mangminnagani. 20 Eshor-na asigumba midu ngakpiroi. Thoinadum Eshor-gi asaobadu nupadugi mayokta achakpa meirigi matougumna oirakkani aduga Eshor-na nupadubu mapung phana manghandriba phaoba Lairiksida iriba laichatsingsi tharakpa leploi. 21 Mapu Ibungona adugumba nupadubu Israelgi salai singgi mangda khudam ama oihangani. Mapu Ibungona takpikhiba paotaksing isillaba lairiksida iriba changnakhiba wareppa kaibagi sap phangadoubadu amatta chitthadana phanghan-gani.
22 "Tungda lakkadouba charon suron amadi athappa lamda leiriba lamlanbasingna Mapu Ibungona nakhoigi nathakta tahanbigadouriba mangtakpasingdu ugani. 23 Loubuksingdu mahei thaba yadaba kantruk amadi thumna thallaba mapham oihangani. Karigumba pot amatta thaba yaroi. Napi phaoba houroi. Nakhoigi lamdu Eshor-na mei thokna saoraba matamda manghanbikhiba Sodom, Gomorrah, Admah amadi Zeboyimgi saharsinggi matougumgani. 28 Matamduda malemsi sinbathungna nakhoigi naramda hangnagani,"Eshor-na makhoigi lamduda matou asumna karigi toukhribano? Ibungona mei houna saokhribasigi maram karino?" 25 Paokhumdi asumna oigani, masigi maramdi makhoigi mapa mapusingna ninglaba Mapu Ibungodu-bu Egypttagi makhoibu puthorakpa matamda Mapu Ibungogi mishingni haina leiraga changnakhiba areppa wasaktu kaina chatkhi. 26 Eshor-na makhoida khurumba yade haina thingkhiba makhoinasu keidoungeidasu khurumkhidriba laisingdu makhoina khurumkhi. 27 Maramsina Mapu Ibungona Ibungogi mishinggi marakta saokhi aduga makhoigi lamduda lairiksigi manungda iriba laichat pumnamak tahan-khi. 28 Mapu Ibungodi haininggai leitana saokhi maramsina Ibungogi asaobadugi meiriduna mangoinaraduna makhoigi leibaktudagi tanthoktuna mireipakta langsinkhi. Maphamduda makhoi ngasi phaoba leiribasini.
29 "eikhoigi Ipuroi Mapu Ibungona phongdoktaba kharasu leiri. Adubu Ibungo mahakna chatnaronsingdudi takpire maramsina eikhoi amadi eikhoigi echa isusingna matam leibada masi ingadabani.