Jeremiah 42
Miyamna Jeremiahda laikhurumbinaba haijaba
42 Masigi matungda lanmishinggi makok oiribasing, Kareahgi machanupa, Johanan, Heshaiahgi machanupa, Azariah amadi khwaidagi pikpadagi houraga khwaidagi chaoba mishing loinaba punna laklaga 2 Wa takthokpa Jeremiahda hairammi, "Eikhoina haijaribasi tabiyu. Nahakki Mapu Ibungo Lainingthouda nanai eikhoigidamak haijabiyu. Maramdi Ibungona namitmakna ubiribasi mangai eikhoigi irakta iremkhak oina mi kharata mareihoure. 3 Nahakki Mapu Ibungo Eshor-na nanai eikhoina chatchagadaba lambidu uhanbiyu. Eikhoina toujagadaba thabaktusu eikhoida khanghanbisanu." 4 Wa takthokpa Jeremiahna makhoida hairammi, "Eina nakhoina haijariba pumnamak tare. Yengu, nakhoigi Mapu Ibungo Eshor-gi maphamda eina nakhoigidamak punembigani. Eshor-na eingonda takpirakpa pumnamak nakhoida haigani. Eina nakhoida karisu lotloi. " 5 Matangduda makhoina Jeremiahda hairammi," Karigumba eikhoina nahakki Mapu Ibungo Lainingthouna tourakpa yathangdu inna chattrabadi Eshor-na achumba amadi aranba leitraba askhi eikhoigi ithakta oibisanu. 6 Aphaba oirabasu, phattaba oirabasu nahakpu laibao laikhai tabinabagidamak eikhoina thajariba eikhoigi Mapu Ibungo Lainingthougi yathangdu eikhoina hiktokcharoi. Eikhoigi Mapu Ibungo Eshor-gi yathang injabaduna eikhoigi aphaba oigani.
Jeremiahna haijabadu Lainingthouna tabiba
7 Numit tarani houkhraba matungda Jeremiahda Eshor-na laibao laora klammi. 8 Matangduda mahakna Kareahgi machanupa Johanan amadi mahakka loinana leiriba lanmishinggi makoksingdu kourammi. Makhoiga loinana apikpa amadi achouba mishingsu laklammi. 9 Jeremiahna makhoida hairammi, Laibao laikhai tannaba nakhoina eibu thakhiba matung inna Israelgi Ibungo Eshor-na asumna takpiri. 10 Nakhoina leibaksida leirabadi eina nakhoibu semgatkani aduga nakhoibu leikha tahalloi. Eina nakhoibu sougat-kani. Aduga nakhoibu namai khuhalloi. Maramdi houjikti eina nakhoida toukhiba phattabasingdugi maramda yamna nu-ngaitre. 11 Babylon-gi ningthoubu nakhoina yamna kiribadu thoina kiruganu.Eshor-na Takpiri mahakpu kiruganu. Maramdi mahakki makhutta nakhoibu kanbinaba amadi hundokpinaba eihak nakhoiga loinaduna leiri. 12 Mhakna nakhoibu luna tounanaba nakhoigi nathakta eina thoujalgi irik tahanbigani maram-sina nakhoi nareipakta asum leiyu. 13 Adubu karigumba nakhoina "eikhoi leibaksida leiraroi hairabadi, nakhoigi Mapu Ibungo Eshor-gi yathangdu indaduna 14 Aduga lan-gi asaba pao, lan-gi pungjao thinbagi makhon taroidaba chara helloidaba mapham Egypt leibakta chattuna eikhoi leiruge hairabadi, he Judahgi iremkhak oina leihouribasing, taro Eshor-gi yathangdu. Israelgi Mapu Ibungo nongthak nongkha anigi Eshor-na asumna takpiri: Karigumba nakhoina namai onduna Egyptta leirurage haina chatlabadi, 16 Nakhoina kina touriba thangduna Egyptki lamda nakhoigi aroiba oigani. Nakhoina kina chatliba chak tangbadu Egypt leibak youraba matamda yamna thina thokkani. Aduga mapham-duda nakhoi soidana sigani. 17 Egyptta leiruge haina ningduna mamai ollaba mishingdu maphamduda thanggi mayada chatkani, chak tangba nangduna sigani. Aduga makhoigi mathakta marai taduna aroiba sordu haongani. Makhoigi mathakta eina thok-hangadouriba awabasidagi makhoigi marakta iremkhak oina leihounaba kanasu leiroi.
18 Maramdi Israelgi Mapu nongthak nongkha anigiEshor-na asumna takpiri: Jerusalemda leiba mishinggi mathakta eigi mei thokna saobadugi mahei nanghankhibagumna, nakhoina Egyptta chatpa matamda eigi asaobadu nakhoigi nathakta tahan-gani. Nakhoi mangal thiraba, akibagi masak phanglaba, sap toupham oiraba, amadi mina noknapham oiraba potki matougumgani. Nakhoina maphamsi amuk hanna uraroi. 19 He Judahgi iremkhaksig, Eshor-na nakhoida asumna takpiri: Egyptta chatkanu. Tasengna khangjaro ngasi kouba nongsida nakhoida eina waphamsi haikhrabani. 20 Nakhoi nathawai mangnabagi aroiba pungphamdu lakle haiba khangu. Nakhoigi Mapu Ibungo Eshor-gi makada eibu thakhi. Nakhoina eingonda haikhi, "eikhoigi Mapu Ibungo Eshor-gi maphamda eikhoigidamak haijabiyu. Eikhoigi Mapu Ibungo Eshor-na eibu nakhoida hairiba waphamsi khanghallu haina tharaklabasu inbadi toude. 22 Maramsina houjikti tasengna khanglo nakhoina chatluba mapham mapham khudingda nakhoi thanggi mayada chatkani. Chak tangba nangduna sigani. Marai taduna sigani."