Romans 7
Luhongbagi paandam
7 He echin-enaaosa, mina hinglingei adupki makhei waayel yaathang aduna khudum chanbani haayba nakhoyna khngdabra? (maramdi waayel yaathang khngba misingda eina ngaanglibani.) 2 maramdi mapuroiba leiba nupi adubu hingliba mapuroiba aduda waayel yaathangna pullibani; touegumsung mapuroida aduna siragadi, mahaakpu mapuroibagi waayel yaathang adudagi thaadokpire. 3 adunadi mapuroida aduna hinglingeida, mahaakna atoppa nupaa amada yum pallagadi, mahaakpu warannabi kougani. adubu mapuroiba aduna siragadi, mahaak waayel yaathang adudagi maning tamle, aduna mahaakna atoppa nupaa amada yum pallagasu mahaakti warannabi oide.
4 Adugumduna, he echin-enaaosa, nakhoyna atoppa amagi, haaybadi, asiba-singgi maraktagi hinggatlaba ebungngo-gi oinabagidamak, nakhoysu Christagi hakchaanggi mapaanna waayel yaathanglomda sihallabani, asi eikhoyna Eesor-gi maphamda mahei yaan-nanabani. 5 maramdi eikhoyna hakchaangda leiramba matamda, waayel yaathang adugi mapaanna oiba paapki apaibana sibada mahei yaan-nanaba eikhoygi hakchaang kaayatta thabak tourammi. 6 adubu houjikti eikhoybu pulamba aduba sirabanina, waayel yaathang adudagi eikhoybu thaadokpire; aduna laairikki aribana nattana, thawaaygi anoubana eikhoyna khanjari.
Waayel yaathang amasung paap; mioibagi anirongba mahousa
7 adunadi eikhoyna kari haaygadage? waayel yaathang adu paapla? maadu khak oidasanu! adubu waayel yaathanggi mapaanna nattanadi eina paap khanglamloidabani; maramdi nangna karampharoi haayna waayel yaathang aduna haairamdrabadi, eina karamba khanglamloidabani. 8 touegumsung khudong chaaba phangduna, paapna karamba makhal pumnamak yaathang asigi mapaanna eingonda ensille; maramdi waayel yaathang yaaodabada paapti sibani
9 Amasung eina matam amada waayel yaathang yaaodana hinglammi, adubu yaathang adu laaklabada, paap hinggatle amasung ei sire; 10 adugaa hingnabagi oiba yaathang asimak eigidamak sinaba thokle. 11 maramdi paapna khudong chaaba phangduna, yaathanggi mapaanna eibu namthaak toure, aduba masigi mapaanna eibu haatle. 12 maram aduna waayel yaathang adudi seng-e, amasung yaathang adu sengsu seng-e, dharmasu chelli, amasung phasu phei.
13 adunadi aphaba aduna eingonda sinaba oirakpraa? maadu khak oidasanu! adubu paap adudi paapni haayna utna-naba, aphaba adugi mapaanna paapna haayna eingonda sinaba thabak touduna eingonda sinaba oirakle; asi yaathanggi mapaanna paapna thoidak hendokna paap-chenba oiraknanabani. 14 maramdi waayel yaathang adudi thawaaygi oibani haayba eikhoyna adubu eidi hakchaanggi oibani amasung paapki maakha ponna yonthokkhrabani. 15 maramdi eina touba adu eina khangde; maramdi eina touningba adu eina touriba natte, adubu eina tukkachaba adu eina touwi. 16 touegumsung eina touningdaba adu eina tourabadi, waayel yaathang adu aphaabani haayna waayel yaathang adugaa eina yaaminnabani. 17 aduna maadu touba adu houjik amuk eina natte, adubu eingonda leiriba paapnani.
18 maramdi eingonda, haaybadi eigi hakchaang manungda, aphaba leite haayba eina khngjei. maramdi ningba adu eigaa loynanaa lei, adubu aphaba adu tounaba leite. 19 maramdi eina touningba aphaba adu eina toude, adubu eina touningdaba phattaba adu eina touribani. 20 touegumsung eina touningdaba adu eina tourabadi, maadu touba adu amuk eina natte, adubu eingonda leiriba paapnani.
21 adunadi eina waayel yaathang asi phang-e, haaybadi, eina aphaba toujaningbada, phattaba eigaa loynanaa lei. 22 maramdi manung thangba mi adugi matung ennaa Eesor-gi waayel yaathangda ei haraaojei; 23 touegumsung eigi pukninggi waayel yaathangbu yeknaduna laal soknariba amasung eigi hakchaang kaayat manungda leiba paapki waayel yaathanggi maakha ponna aapha apun oinaa eibu purakliba atoppa waayel yaathang amaa eigi hakchaang kaayatta eina ui. 24 Tollaba minida, ei! siba asigi hakchaangdagi eibu kanaana kanbigadage? 25 eikhoygi ebungngo Jesus Christagi mapaannani haayduna Eesor-bu thaagat-chari. adunadi ei isamak eigi pukningna Eesor-gi waayel yaathangbu khanjari; adubu hakchaangna paapki waayel yaathangbu khanjari.