1 Peter 5
Ensinbibagi waa
1 Maram aduna ahallaman oiminnaba, Christagi awaa khaangbagi saakhi amasung phonggadouriba matik mangaangi sharuk phangminnaba oijaba eina nakhoygi narakta leiba ahallaman shingbu enshinjari.
2 Tangaaiphadana nattaduna touningba toubana, aduga sendong karamdaduna pukning changna, nakhoygi narakta leiriba Eeshorgi yaao shanggu adu senbiyu;
3 Aduga nakhoyda shinnakhibashing adugi mathakta mapugum oidaduna, yaao shanggu adugi paandam nakhoy oiyu.
4 Amasung athoiba yaaoshenba phongdoknaba matamda, nakhoyna manthaarakpa naaidaba luhup phanggani.
5 Adugumduna, nakhoy nahaa oibasa, ahallaman shinggi makha pollu. Hoy, nakhoy pumnamak amanaa amagi thougan tounaba nollukpana khwang pullu; maramdi Eeshorna chaao-thokpa shingbu thing-e, adubu nollukpa shingda thouial pibi.
6 Maram aduna Eeshorna matani chaana nakhoybu chaaohanbinanaba, ebungngo mahaakki paanggalba khutki makhaada nollukchou;
7 Nakhoygi laangtaknaba pumnamak ebungngo maangonda pumlang langsillu, maramdi ebungngo mahaakna nakhoygi damak ningbi.
8 Pukning laaksillu, mitsheng khang u; nakhoygi yeknaba diyaabolna khongliba nongsagumna kanaagumbabu chaathoknanaba thiduna koychat chatli.
9 Nakhoy thaajabada chettuna maabu maioknou, maramdi adugumba mannaba awaa-anaang khaangba adu taaibang-paanda leiriba nachin nanaaoshingdasu thokkhrabani haayba nakhoyna khang-u.
10 Amasung ebungngo mahaakki loyba naaidaba matik mangaangi damak Christada nakhoybu koubiraba, thoujaal pumnamakki Eeshor ebungngo mahaakmakna, nakhoyna matam khara awaa khanglaga, nakhoybu changkhonhanbigani, chethanbigani amasung kalhanbigani.
11 loyba naaidaba phaaoba paanba adu ebungngo maangonda oisanu. Amen.
12 Thaajaba yaaba oinaa eina shingthaanajaba eikhoygi echin-enaao Silbhanagi mapaanna nakhoyda shamna ejare, haaybadi, eina enshinduna, asi Eeshorgi achumba thoujaanni haayna saakhi pijari; nakhoyna thoujaal asida chetna leppu.
13 Babylonda leibi khan-gatminnabina amasung echaa-nupaa Markna nakhoybu khurumjei.
14 Nungshibagi chupnabaga loynanaa amanaa amabu khurumnou. Christada leiriba nakhoy pumnamakta engthaba oisanu.