Zephaniah 3
Jerusalemgi aranba amadi kanbiba
3 Amotpa, phattaba amadi tamthibana thallaba sahar,
2 Kanagi khonjel mana takhide, kanagi paotaksu mana loukhide, Lainingthoubusu mana thousakhide, Lainingthoubusu mana thajakhide, mapugi nakta mana changjade.
3 Magi phamnaibasingna nongshagi matougumna laoduna mishing otli. Magi leibak ngakpasing tamda leiba nongnganba ngaingamdaba keisalgummi,
4 Magi wa takthokpasingdu chumdaba ngaktani, magi purohitsingna ningnashang manghankhrabani, aduga yathangdu ngakna chattaba ngaktani.
5 Touigumsung Lainingthoudi masigi marakta karisu lande, aranba amatta chatte, numit khudinggi mana wayelbi. Nongmatasu madu kaina chatte.
6 Napan toubasingbu eina namthakhre, makhoigi lalong kannahandre, makhoigi saharda kanasu leitre ngamnamak maroi maran takhalle.
7 Mana eigi paotaksing ningsingani haibasigi asa touduna eina hairi, "thabak touba khudingda eibu kiyu, eigi cheiraktu thamoida thammu." Adubu makhoina madu thaoidaduna phattaba thabak toukhre
8 Maramsina Lainingthouna hairi "Eibu ngaiyu, Eina nahakpu dandi pigadaba numittu ngaiduna leiyu, eigidi jattising amadi leibaksingdubu khomjingadabani, aduga eigi asaobagi matingdu makhoida khanghangadabani, adudata makhoina madu sandokkani, eigi asaobagi meiridana makhoibu tumna manghan-gani.
9 Thamoi amatta oina, Lainingthougi minglenbu sonjanaba, eina mishingda asengba wa nganghangani.
10 Machoi machoi tahankhraba, Sudan-gi turel wangmada leiriba eigi bhaktasingdu eingonda mangkat purakhanggani.
11 Adugumba numittuda, hai Jerusalem, nangna toujakhiba thabaksingdugidamak nangna eibu langsekkhrabasu, nanggi napan touraba apangba prajasingdu eina thadokpigani,
12 Adudagidi eigi asengba chingdonda leiduna amuk hanna napan touroidabani.
Adubu eina nangbu yamna awa ana amadi anangbaga loinana thadokkani.
13 Israelgi hinghouba mishingdu Lainingthougi mingda changjapham phanggani, makhoi aranba touraroi, minambasu nganglaroi, minambagi wa ama phaoba makhoigi machindagi thorakloi, maramdi makhoi awatpa leitana chagani, Nungngaina pothagani. Kananasu makhoibu ot-neibiraroi.
Haraobagi ishei
14 Zion, haraona ishei sakchou, hey Israel, Langam ishei laona sak-u, thamoi penna harao tayamjou, hey Jerusalemgi mamomloising,
15 Lainingthouna nakhoigi pap kokpikhre, nakhoigi yeknabasu mahakna tanthokkhre. Lainingthou Ibungo nakhoigi narakta ningthou oibi, hei Israel, nang amuk hanna awa ana nanglaroi.
16 Adugumba numittuda Jerusalemda lakkadaba aphaba wapaodu asumna oigani, kiganu, hey Zion, nakhut solhanganu,
17 Lanmigi matougumna nakhoibu ngaknabagidamak nakhoigi nabungo Lainingthouna nakhoigi narakta leibire, mahakna nakhoibu penbire aduga nungngaire nakhoida magi nungsibadu utpirakkhini, houkhiba matamda toukhibagumna mana haraobagi khonjel pibirakkani.
18 Awabagi sor hollibadu eina phahangani, adu oirabadi masigi awabadu nakhoi khanglaroi.
19 Adugumba matamdu laklabada yengu, nangbu ot-neikhibasingdu eina matik chana laknagani. Kana leijadaba amadi neihatpirabasingbu eina kanbigani. Eigi mishingbu matam amada tukkatchana toukhibasinggi mamangda eina makhoibu wangna thanggattuna thanggatnaba hotnakhi.
20 Eina nakhoibu pullap khonjillaga nayumda pubigani. malemsida leiriba jati khudinggi marakta eina nakhoibu masak khanghangani aduga thagathan-gani. Eina nakhoida yaiphabadu pibirabada nakhoina madu ugani. Pumnamaksi Lainingthouna haikhiba ngaktani.