Ezra 4
Ningnashang shaabada athingba piba
1 Judah amadi Benjamingi Yeknabashingna Israelgi Eeshorgidamak ningnashang amaa laanpha oinaa chatlubashingna shaagatle taarabada
2 Makhoyna Zerubbabe amadi yumburen-shinggi maphamda chatlaga haaykhi: eikhoysu ningnashang shaaba pangjage. Maramdi nakhoyna toubagumba eikhoysu nakhoygi napuroidubu khurumjei. Assyriagi ningthou Esarhaddonna eikhoybu maphamsida purakkhiba numittudagi houjik phaaoba eikhoydu Eeshor mahaakki makada erat thounijaraklibani.
3 Maduda Zerubbabel, Joshua amadi yumburen-shingna haayrammi, "Eikhoina eikhoygi epuroigidamak ningnashang shaabada nakhoygi nathou leite. Persiagi ningthou Cyrusna toukhiba yaathang matung ennaa Israelgi Eeshorgi ningnashangsi eikhoytana sagani."
4 Judahda leiba atoppa mishingdu waaphamsi taabada pukning hanthakhi. Aduga kisu kihallammi.
5 Maramsina makhoyna Persiagi ningthou Cyruski matamdagina Persiagi ningthou Dariusna paanba matamdu phaaoba paangthokpa ngamnabagidamak mi ne klammi.
6 Maramsina Xerxesna paanba hourakpa matamda Israelgi yeknabashingna Judah amadi Jerusalemgi mathakta aiba che thaaduna leiribashingduda maraal sirammi.
7 Persiagi ningthou Artaxerxeski matamda Bislam, Mithredath, Tabil amadi marupshing tannaraga maangonda chithi amaa Aramaic londa erammi. Chithidu Aramaic londa laaona paathokkhi.
8 Leibaakngakpa Rehum amadi laairik sindokpa Simsaayna ningthou Artaxerxeski maphamda Jerusalemgi maramda makhaagi asumna erammi:
9 "Leibaak ngaakpa Rehum, khorjei paayba Simsai, loynanaa marupshing, waayenbashing, atei leibaakngakpashing, lammit tumit yengbashing, phamnaaiba makokshing, Erech, amadi Babylonda leiba mishing, Susada leiba,
10 Elamshing, aphaoba Asurbanipalna loi thaakhiba mishing, Samariada khundaduna leiriba amadi Euphrateki turenda waangmada leiriba mishingna ejari:
11 Chithigi marondi ” ningthou Artaxerxeski maphamda Euphrate turenda waangmada leiriba nahakki manaaishingdagi
12 Ningthougi maphamdagi laakkhiba Jewishhingdu houjikti Jerusalemda yourakle aduga makhoyna phattaba amadi laman khumgallaba saahardu shaagatli. Waaphamsi eningthou khangbiyu. Makhoyna chekpan shaagatpa amadi yum-pham thonba loigadoure.
13 Eningthouna waaphamsida khangbigadoubadi karigumba saaharsigi chekpannachingba shaaba loirabadi makhoyna ningthouda loipot nattraga khaajana piraroi.
14 Eikhoy ningthougi maraan-mathum chaaba maramna ningthouna ekaaiba nanggadoubadu yengjaba ngamloi. Maramsina ningthoubu maangjounana khanghanjaribani.
15 Maramdi ningthouna napaabungshinggi hattaktagi leiraklaba thoudok esinba laairiktu phaktuna waaphamsi yengnabagidamak hanggatchari thoudok esinba laairiktagi haayriba saaharsi laman khumganba amadi ningthou amadi leibaakki mangnaba touba amani haayna phang-e. Maasi eningthouna khangbipham thok-e. Aduga makhoygi phattaba asi thaainadagi leiraklabani. Maramsina saaharsi maangkhibani.
16 Eikhoyna ningthouda masisu khanghanjaningi madudi karigumba saaharsigi chekpannachingba shaaba loirabadi ningthouna Euphrate turenda waangmada khut thingjinba ngamloi."
17 Ningthouna makhaagi asumna paaokhum pirakhi: Luchingba Rehum amadi laairik sindokpa Simsai amadi Euphrate turelgi waangmada leiriba mishing amadi Samariada leiriba mi pumnamakta khurumjari.
18 Nakhoyna thaarakpa chithidu eina phangle.
19 Eigi yaathang matung ennaa thijillubada haayriba saahardu thaainadagi houna ningthoushinggi mathakta laan hougalli haayba khangle. Makhoygi laan houganba amadi phattaba pumnamak phajanaa eduna leiri.
20 Ningthou kayaamarumna Jerusalemda paanba matamgi wasu thengnare. Euphrate turelgi waangmada leiba leibaakshingbu khudum chanduna paallammi. Matamdudadi makhoyna khaajana, loipot amadi pipham thokpa pumnamak pirammi.
21 Mishingdu thingnnaba yaathang amaa tou. Makhoybu saahardu shaagathanganu. Eigi yaathang ngaaiduna leiyu.
22 Nakhoygi nathou phajanaa paangthok-u nattrabadi leibaakki oinaa amaang ata thokpa yaai."
23 Ningthou Artaxerxeski chithi phanglabada Rehum, laairik sindokpa Simsai amadi makhoygi loynabashinggi mamaangda paraga thuna chatkhiduna Jerusalemda leiba Jewishshingbu thabak makha chatthahankhide.
24 Masigi matungda Eeshorgi ningnashang Jerusalemda shaagatliba adu lepkhi. Persiagi ningthou Dariusna paanba matamgi anishuba chahidu phaaoba thabak lepkhi.