Romans 14
Khanjanaabashinggi damak khangbiba
1 Touegumsung Thaajabada sholliba mahaak adubu nakhoyna loushinbiyu, adum oinamakpu mahaakki khanjanababu waayennabagi damak natte.
2 Pot pumnamak chaaba yaai haaybagi mi amagi thaajaba lei, adubu asonba mahaaknadi manaa-mashing chaay.
3 Achaaba mi aduna chadaba mi adubu usittaba toudasanu, aduga chadaba mi aduna achaaba mi adubu waayendasanu; maramdi Eeshorna mahaakpu loushinbire.
4 Atei amagi manaaibu waayenba nang kanaano? Mahaakmakki mabungngogi maangda mahaak leppi nattraga taay hoy, mahaakpu lephanbiba ngammi.
5 Mi amanaa numit amadagi numit amabu henna ningi; mi atei amanaa numit khudingmak eman maannana ning-e. Mi khudingna maagi maagi pukningda shengna khangduna leppa oisanu.
6 Numitpu ngaakpa mahaak aduna Eeshorgi damak madu ngaakpani; aduga chaaba mahaak aduna Eeshorgi damak chaabani, maramdi mahaakna Eeshorbu thaagatchei; aduga chadaba mahaak aduna Eeshorgi damak chadana Eeshorbu thaagatli.
7 Maramdi eikhoy kanaa amatana mashaamakki damak hingba natte, aduga kanaa amatana mashaamakki damak shiba natte.
8 Maramdi eikhoyna hingba oirabasu Eeshorgidamak hingbani; eikhoyna shiba oirabasu Eeshorgi damak shibani.
9 Maram aduna eikhoyna hinglabasu shirabasu Eeshorgini. Maramdi Christana ashibashing amasung hinglibashing animakki Eeshor oinanaba, maram asigidamak sisu sibire, hingsu hinggatle.
10 Touegumsung nangna karigi nachin nanaaobu waayenbano? Nattraga nangnasu karigi nachin nanaaobu usittaba toubano? maramdi eikhoy pumnamakna Eeshorgi waayel phambei maangda lepkani.
11 Maramdi maasi ekhre, Eeshorna haay, eina hinglibanina, khuk-u khudingmakna eingonda nonjagani, aduga leitol khudingmakna Eeshorbu thaagat chaagani.
12 Adunadi eikhoy mi khudingna Eeshorda masha mashaagi maram pijagani.
13 Maram aduna eikhoyna amanaa amabu amuk haanna waayel tounaganusi; adugi shaarukpudi mahaak mahaakki machin manaaogi lambida khudi thinaba nattraga tunaba pot thamdanaba asi pukning leppu.
14 Pot mashaamakta mangba karisu leite haayba eina khangsu khang-e, ebungngo Jesusgi mapaanna thasu thaajei; karigumba pot amaa maangi haayna khanjaba mi adutana pot adu mangbani.
15 Maramdi chaanaba potki maramna nanggi nachin nanaaobu pukning waahallabadi, nangna nungshibagi matung ennaa chattre. Christana mahaakki mahutta sibikhiba mahaak adubu nanggi chaanaba potna manghan-ganu.
16 Adunadi nakoigi aphaba adubu thina ngangnadasanu.
17 Maramdi Eeshorgi leibaakti chana-thaaknaba natte, adubu thawaay ashengbada dharma chenba, engthaba amasung haraaobani.
18 Maramdi Christada asumna khanjariba mahaak aduda Eeshorna penbani, amasung mishingna yabani.
19 Maram aduna engthaba oihanba amasung eikhoy amanaa amabu shemgatnaba thabakki matung ennaa chatsi.
20 Chaanaba potkidamak Eeshorgi thabak manghan-ganu. Pot pumnamak ashengbani, adubu mibu khudi thihanbaga loynanaa chaaba mi adugi damak phattabani.
21 shaa chaabana, yu thakpana nanggi nachin nanaaobu khudi thinaba karisu toudaba phei.
22 Nanggi thaajaba leijaba adu Eeshorgi maangda nathantamakki oisanu. Mahaakna yajakhraba aduda masha mathantabu waayenjadaba mahaak adu yaaiphabani.
23 Adubu chingnaba mahaak aduna chaarabadi araanba taabani, maramdi madu thaajabadagi natte; amasung thaajabadagi nattaba makhei paapni.