Ezekiel 32
Egyptki ningthouga gumbhirga chaangdamnaba
1 Taraanithoishuba chahigi taraanithoishuba thaagi nongma panbada Eeshorna eingonda taakpikhiba waashing:
2 He nupaa, Egyptki ningthou Paharaohgi mathakta tengthaao.
Maangonda asumna haaybiyu: Jaatshinggi marakta nahaak hongsani haayna ningjari, adubu nahaakti samudrada leiriba hingchabagummi. Nahaakki leibaaktagi chellakliba eeshingduda neiri nahaakna, nakhongduna eeshingdu neikhaairi, aduga makhoygi tureldu nahaakna mangthok-e
3 Eeshorna asumna taakpiri: miyaam amaa nahaakpu laakshinnaba purakkani, madu nahaakki nathakta lang kupshinbagi matougum oigani, marakta nahaakpu chingduna pugani.
4 Leimaaida nahaakpu taahangani, ahaangba loubukta nahaakpu eina chingduna pugani nongmadonda paairiba uchekshingna nahaakki nathakta tongani, lamlakta leiba shaashingna nahaakki nathakta kagani,
5 Loibi chingda nahaakki shadongdu langthokkani, tampaakta nahaakki ashibaa nashaadu thadagani.
6 Nahaakki nashaadugi chentharakliba eeduna loibi chingya phaaoba youhn-gani, laaija eeshingkhongshingda nahaakki shadong ngaakta ngaihan-gani,
7 Eina nahaakpu nanghanba matamda nongmadonsi phiruk khumhn-gani maasida leiriba thawaan-michakshingdu mangaan thokhalloi. Koirouhanbasi leichinna kupsinhn-gani, thajasu mangaan thokloi.
8 Nongmadonda leiriba mangaan shingsi, nahaakkidamak mamna thok-han-gani eina, nahaakki leibaaktuda amaambana mapham khuding shinba thunghan-gani. Masimak Eeshorna taakpiriba waaphamni.
9 Nahaakna mashak khangdaba lamda eina nahaakpu bandi oinaa puba matamda auba mishinggi pukning nungnaanghan-gani.
10 Miyaamna nahaakpu yenglaga khoiraang khoisaohan-gani, makhoygi ningthoushingnasu nahaakpu yenglaga epa pakhaathan-gani. Makhoyda eigi thaangshaangdu utpa matamda mikup khuding makhoy nikkani. Nahaakna marai chaithaba numittuda mi khudingmak mathawaay kanjanaba hotnagani.
11 Eeshorna asumna taakpiri: Babylongi ningthougi thaangshaangdu nakhoygi nathakta taagani. 12 Jaatshinggi marakta Khwaaidagi henna tamthiba akanba mishinggi makhutta paairiba thanggi mayada nahaakki miyaamdu tumna maanghan-gani. Makhoyna Egypt leibaakki napaldu arembada taahangani, maasida leiriba miyaamdu tumna maanghan-gani.
13 Ishing mapaanda leiriba shaashingdu eina maanghan-gani, maasida taaibang kanaasu changloi, shaashingsu maasida changloi
14 Matamduda makhoygi eeshingdu shenghan-gani, makhoygi tureldu thaogi matougumna chelhn-gani. Masimak Eeshorna taakpiriba waaphamni.
15 Eina Egypt leibaakpu leikangla oihanba matamda, maasida leiriba minachingbashingdu Eina tumna maanghanba matamda, makhoyna eisi Eeshorduni haayba khanggani.
16 Masimak tengthaaron oinaa mishingna shaknagani. Jaatshinggi mathakta leiriba mamomloi oiribashingduna maasibu shaknagani tengthaaron oina. Egypt amadi maasida leiriba mishinggi mathakta maasibu makhoyna tengthaaron oinaa shaknagani. Masimak Eeshorna taakpiriba waaphamni. "
Ashibashinggi asiten
17 Taraanithoi shubaa chahigi ahaanba thaagi taraamangani paanba numitta Eeshorna eingonda waa haaybirammi:
18 He nupaa, nahaakka loynanaa Jaatshinggi leishaabishingduga tinnaraga Egyptta leiriba miyaam amadi masigi phamnaaibashinggi mathakta tengthaabiyu. Nakhoybu eina khamnungda puduna chatlagadabani. Makhoy maphamduda leibashingduga loynanaa leiragani.
19 Nahaakpu ateidagi henna lunaa tougadabagi karamba nagun chenbage? kumtharo aduga un kaktabashingduga leiruro asithenda.
20 Thanggi mayada chatkhibashingdugi marakta makhoy taagani. Masiga loynanaa maasida leiriba mishingdusu maphamduda leigani.
21 Mapaanggal kallaba luchingbashingduna makhoybu mateng pangbikhibashingduga loynaraga asithendagi makhoygi maramda waa haayrakkani: un kaktaba thanggi mayada chatkhibashingdu maphamsida laaklaga houjik phaaoba potthaaduna leiri. Makhoysu maphamsida laakledo,"
22 Assyriada maphamsida leire. Mahaakka loynarambashing, mahaakki akoybada thanggi mayada chattuna phumkhibashingdu leire maphamsida.
23 Makhoygi mongphamdu asithengi Khwaaidagi manung hanjinba maphamda leire mahaakka loynanaa lairambashingdusu mahaakki mongpham manaakta leire. Haayribashingsi taaibang-paanda leiringei matamda akibaa thabak kayaa toukhibashingni. Adubu thanggi mayada chatpa maramna maphamsida taarabani.
24 Elam maphamsida leire. Mahaakka loinakhiba miyaamdusu maphamsida leire. Makhoyshingsi thanggi mayada taaduna un kaktuna asithenda takhibashingni. Taaibangda leiringei matamda makhoyna akibaa phanglaba thabak kayaa tourammi. Makhoyna toukhiba ekaaiba yaraba thabakshingduna maram oiduna asithenda taarabani.
25 Makhoyna mahaakki mongpham mahaakka loinakhibashinga shembikhi. Mahaakki loinakhibashingdugi mongphamdu mahaakki Mongpham manaakta leiri. Haayribashingsi un kaktaba thanggi mayada takhibashingni. Makhoyna taaibang-paanda leiringeida akibaa phanglaba thabak kayaa toukhi. Asithenda taarabashingduga makhoyga mannaba maramna ekaaiba yaraba makhoyna toukhiba thabakshingdugi mahei puduna laakle maphamsida. Maramsida makhoybu haattuna ashibashinggi marakta taahallibani.
26 Mesech amadi Tubalsu maphamsida leire. Makhoyga loinakhiba miyaamdugi mongphamsu makhoygi akoybada leire. Makhoyshingsisu un kaktaba thanggi mayada chatkhibashingni. Matam amada makhoysu taaibang-paanda leiringeida akibaa phanglaba thabak kayaa tourammi. 27 Makhoy mamaangeida shikhiba mapaanggal mathouna leiraba mishingduga leiminnade. Thaainagi mishingdudi asithenda chatpa matamda makhoyna paayba khutlai puduna chatkhi. Makhoyna pairamba thangdu thangdu lukhumda thamkhi. Makhoyna pairamba chunggoiduna makhoygi sarugi mathakta thambikhi. Haayriba akanbaashingsisu taaibang-paanda leiringeida akibaa phanglaba thabak kayaa tourammi.
28 Adubu nakhoysu un kaktabashinggi marakta matam leibada leiba taai. Thanggi mayada takhibashingduga loynanaa leigadabani.
29 Edom maphamsida leire. Masigi ningthoushing amadi ningthou machaashingdu makhoyna toukhiba akan athougi thabakshingduna maram oiduna thanggi mayada chatpashingduga leire. Un kaktaba asithenda leirambashingdugi marakta makhoy leigadabani.
30 Awaang haaram paangbada paankhiba ningthou machaashingdusu maphamsida leire. Leire maphamsida Ziongi mishingdusu. Makhoygi mapaanggal mathounana toukhiba akan athougi thabakshingdugi mahei oinaa thanggi mayada chatpashingduga loynanaa leiri. Thanggi mayada takhibashingduga loynanaa makhoy un kaktana leiri. Asithenda taarabashingduga loynanaa leiminnaduna makhoyna toukhiba thabakshingdugi mahei ekaaibadu khaangduna leiri.
31Pharaohna makhoybu ubaa matamda leiramliba miyaamdu yengduna shoydana nungaaigani. Pharaoh amadi mahaakki laanmi thanggi mayada tagadouribashingduna shoydana haraaogani. Masimak Eeshorna taakpiriba waaphamni.
32 Taaibangda mahaakna akibaa phanglaba thabak kayaamarum toukhi. Thanggi mayada chatkhiba un kaktabashing Pharaoh amadi mahaakki miyaamga phumbipham thok-e. Masimak Eeshorna taakpiriba waaphamni.