Leviticus 5
Ayon-aran-gi thou thouthokkadouba thoudoksing
5 Makhada piriba thoudoksingsida ayon aranggi thou touthoktaba yade. Madudi kanagumba nupa amabu loishangdagi paojen che thaduna mahakna ukhiba amadi takhiba thoudok amagi maramda sakhi pinaba koukhatpa matamda mahakna chumna sakhi pidrabadi, mahak aranba thabak toure haina lougani aduga aranbadugi maheidu mahakna phangpham thok-i.
2 Kanagumba nupa amana dharmagi oina sengde haina khangnaraba asiba shagi masadu soklurabadi, mahak magle aduga amangbasi mahakna toukhiba thabaktu hek khanglakpa mikuptumaktada mapung phare.
3 Mida soknapaknaba yadaba amangba leibadu sokningna soktrabasu sokpu soklabadi, mahakna toukhiba thabaktu hek khanglakpaga mitkuptumaktada mahak mangle.
4 Kanagumba nupa amana ithou thousadana wasaklaga sakkhiba wasakttu ngakna chattrabadi, thoudok amagibu oirabasu amagibu oirabasu mahakna toukhiba thabaktu hek masana khanglakpa matamda maran leiraba mi amani haibasi khanggadabani.
5 Kanagumba nupa amana maral leire haibasi khanglabadi, mahakna marandu phongdokkadabani 6 Mahakna toukhiba ayon arandugi mahei oina Eshorgi mamangda hameng nattraga yao amom ama thougi potlam oina katthokkadabani. Purohitna hairiba nupadugi ayon-aran-gi oina hairibasi katthokpigadoubani.
7 Kanagumba nupa amana hameng nattraga yao ama piba ngamdrabadi, adugumba nupaduna Eshorgi maphamda lamkhunu nattraga yum khunu ani puraktuna mahakna toukhiba marandugi mahei oina amana meida thaduna touba thougi oina aduga atoppa amaduna ayon-aran-gi thougi potlam oina katkadabani. 8 Masida ihan hanna meida thaduna katthokpigadouriba purohittugi manakta mahakna masi purakkadabani. Mahakna mangak thadatpadi toudana leikhaigadabani. 9 Masidagi tarakpa ee kharadi phankhonggi nakan amada tahangadabani. Aremba eeduna phankhonggi phambaktugi mathakta heidokkadabani. Masi ayon aran koknaba thou amani. 10 Masigi matungda mahakna anisuba uchektu meida thaduna thou oina katthokpigadoubani. Masisu magi hounabi pathapsingdu kaina touba yade. Asumna purohituna nupadugi ayon aran koknaba thou katthokpigadoubani. Asumna tourabada mahakki aranbadu kokkani.
11 Karigumba adugumba nupaduna lamkhunu ani nattraga yumgi khunu puthokchaba ngamdrabadi, adugumba nupaduna yam kilo ama ayon-aran-gi thougi potlam oina purakkadabani. Mahakna masida Chorphon-gi thao nattraga karigumba manam nungsiba amatta happa yade. Maramdi masi ayon-aran-gi thougi potni. Mahei maronggi thou natte. 12 Eshorgi maphamda pujarakliba pumnamak loina katlabani haibasigi khudam oina purohittuna khuya ama louraga phankhongda chakluk thadokpa oina meida thadokkadabani. Masi ayon aran koknaba thou amani 13 Matou asum touna purohittuna nupadugi ayon arandu koknaba thou touthokpigadabani. Asumna tourabatada mahakki marandu kokpigani. Lemhouba yamdu purohitki saruk oigadoubani. Masimak mahei maronggi thougi matougumgani.
Laman tondanaba thou
14Eshorna Mosesda hairammi, 15 "Kanagumba nupa amana pot thamu hairaga Eshorgi maphamda thoidokna senglaba pottu mahakna handrabadi, hankhidaba pottugi mahut oina Eshorgi makada asoi angam leitaba yao laba nattraga hameng ama purakkadabani. Matam matamdugi yanaba thakta masigi mamal lepkkadabani. 16 Mahakna thamba pottu hanjinba ngamdabanina pottugi mamal oina saruk manga thokpagi ama haplaga purohitta sinnagani. Tinkok laikokki katlariba yaoduna purohittuna maran leiraba nupadugi ayon aran koknaba thou toubigadabani. Adu oirabadi mahakki marandu kokpigani.
17 Eshorna touganu haina yathang pikhre haibasi khangduna kanagumba nupa amana aranba thabak tourabadi mahak maran leigani. Mahakna touruba aranba thabaktugi maheidu mahakna phanggani. 18 Shanggulaktagi mahakna soinaidaba yao ama katkadabani. Masida nakhoina tinkok laikok thou ama pangthokpada kaya yamna changgani haibadu lepthokpigani. Purohitna nupaduna toururiba marandu koknaba ayon-aran-gi thou pangthokpigadabani. 19 Mahak Eshorgi maphamda maran leiraba mi amani. Maramsina asigumba thousibu tinkok laikokki thouni haina lougani.