2 Samuel 24

Davidna Mikok thiba

 (1 Miron 21:1-17)

1 Eeshorna Israelbu Amukka haanna shaaorammi. Maramsina Ebungngona  Davidpu shijinnaduna makhoygi mathakta awaaba pirammi. Eeshorna haayrammi, "Israel amadi Judahgi mishingbu Mashing thiyu."

2 Maramsina laanmigi luchinglen oiriba Joabta asumna yaathang pikhi: "Dandagi Beer-seba phaaobada leiriba Israelgi jaat khudingmakki mikok thirak-u. Mi kayaa shure haaybadu khangning-e."

3 Joabna ningthouda paaoukhum pirammi. " eningthouna hinglingeida ubaa amadi taaba phangnanaba napuroi Eeshorna houjik leiriba mishingsi sharuk chaamma hen-gathanbiba oisanu. Adubu eningthouna mishing thirak-u haayribasibu maram karigino"?

4 Makhoyna haayjabadu ningthouna taakhide maramsina Joab amadi mahaakki makhaada leiriba mishingdu ningthougi yaathang enba taarammi amasung makhoyna Israelgi mishing thiba hourammi.

5 Makhoyna Jordan laanduna Aroerdagi mishing thiba hourammi. Tampaakki mayaaimaktada leiriba saaharsidagi houraga Gad amadi Jazer yourammi.

6 Masigi matungda makhoyna Hittigi lam Gilead amadi Kades taanna thirammi. Makhoyna maphamsidagi Danda laaklaga Sidonda chatlammi. 7 Mathangda makhoyna shorgi laanban sariba maphamduda chatlammi. Maphamdudagi makhoyna Hittigi amadi Canaan-gi saahar-shingda mishingthiba hourammi. Maasi loiraba matungda Judahgi saahar Negev amadi Beersebada laaklammi.

8 Makhoyna leibaak shinba thungna mikok thiruraba matungda Jerusalemda laaklammi. Chatkhiba numittagi hallakpa numit phaaobasida thaa mapaanga numit kunni changlammi.

9 Joabna ningthouda mishing lankhatkhi. Matamduda Israelgi manungda laanmi oiba yaaba mishing 800,000 oirammi. Judahgi manungdana 500,000 oirammi.

10 Mikok thiraba matungda David mathawaay nungaaitaba houraklammi. Maramsina Davidna Eeshorda haayrammi, "mikok thibasida thoidokna achouba eran leiraba thabak amaa toukhre. Adubu he Eeshor, nanaaina haayjari nanaaina araanba thabak toukhibasi kokpiyyu."

11 Gad kouba maaichoududa Eeshorna paao amaa thaaraklammi aduga Gadka Davidka ayuk angaanbada unarammi. Mahaakna haaykhi.

12 Chatlaga Davidta haayyu: Eeshorna asumna taakpiri madudi eina nangonda waa ahum haaygani. Ahumdugi manungda amaa khallu. Mahaakna khanjaba apaambadu eina tougani."

13 Paaosi puraduna Gad Davidki maphamda laaklammi amasung masimak Davidta tamlammi. Mahaakna haayrammi, "chahi ahum chaak tangba amaa, nattraga nahaakki yeknabashingna thaa ahum ot-neiba aduga makhoyna nakhoybu thangna kakpa nattraga numit humni laaichat thok-hanba ama. Houjikti khallo aduga Eeshorgi maphamda kari paaodamsige haaybadu eibu khanghallo."

14 Davidna Gadta haayrammi, "eihak pukning yaamna waare maramsina eihaak Eeshorgi cheiraktu phangjage. Ebungngodi thoujaal amadi ngaakpiheiba ebungngoni. Mikhutta eibu taahanbiganu."

15 Eeshorna haayriba ayuktudagi numit humni chuppa laaichat thok-hankhi. Dandagi Beerseba youba phaaoba punna mi 70,000 shikhi.

16 Eeshorgi dutna Jerusalembu maanghallage tourakpa matamda mishingda awaaba taribasi okle khalladuna Eeshorgi pukning hongkhi aduga duttuda haayrammi, "toklo, maduna yaare." Duttu matamduda Jebusigi Araunah kouba nupaadugi louyeiphamda leptuna leirammi.

17 Davidna laaichat thokhalliba dut adu urammi maramsina mahaakna Eeshorda haayrammi, "eihak eran leiba mini. Phattaba thabak toukhibadu eini. Maraibak thiraba mishingsina kari araanba toukhrabage? nanaaina haayjari ebungngogi pibigadouba cheiraktu eihaak amadi eigi emungda taahanbiyu."

18 Numittuda Gadna Davidki manaakta laaklaga haayrammi," Jebusigi Araunahgi louyeiphamda Eeshorgidamak phaankhong amaa shaaduna katlu."

19 Gadki yaathang matung ennaa Davidna maphamduda chatlammi. Maasi Eeshorna taakpikhiba matung ennani.

20 Araunahna yengthorakpada ningthoubu ujakhi. Ningthouga loynanaa phamnaaibashingsu laaklammi. Araunah chenthoraktuna dandabat touduna ningthoubu khurumjakhi.

21 Araunahna haayrammi, " eningthouna nanaaigida lengbiraklibasida nanaaina kari seba toujagani?"

Davidna maangonda haayrammi, "nahaakki lou yeiphamsi eingonda piro. Maphamsida Eeshorgidamak phamkhong amaa shaaba taare. Adu oirabadi laaichat thoklibasi phakhigani."

22 Aaronna Davidta haayrammi, "louphamsi eningthouda katchaare. Eningthouna pibiningba asina matik chaay haaybadu nanaaida hekta pinabiyu. Maphamsida meida thaaduna tougadouba thougidamak sanlaabashing leire. Cheirong amadi potpu langolsina shing oibiba yagani.

23 Pumnamaksi he ningthou, nanaaina ebungngoda kat chaarabani. makha taana Araunahna haayrammi, “Eningthou napuroi Eeshorda katpa pot pumnamak latnaba leitana loushinba oisanu."

24 Maasida ningthouna haayrammi, 'eina nangonda mamal pigani. Epuroi Eeshorgi khuyaakhaada mamal pidaba pot amatta eina katloi. Davidna asumna lou yeipham amadi sanlaabashingdu silver shekels 50 Da leirammi.

25 Davidna maphamduda Eeshorgi oinaba phaankhong amaa shaarammi. Meida thaaduna katpa amadi lamdaai shumdaaigi thounachingba katcharammi. Asumna thounachingba katthoktuna leibaak miyaam houduna haayjaraba matungda Israelgi mathakta laaichat thoklambadu Eeshorna phahanbikhi.