Isaiah 37

ningthouna Isaiahgi paaoutaak loujaba  

(2 Ning 19:1-7)

1 Ningthou Hezekiahna makhoyna tamliba paaodu taarabada maphi shegaairammi. Een maanba phina mashaadu kupsilladuna Ningnashangda changjarammi.

2 Konung pannariba Eliakim, laairik pansinba Sebna, amadi ahan oiraba purohit shingnachingbashingbu een maanba phi sethalduna Amozgi machaanupa waa taakthokpa Isaiahgi maphamda thaarammi.

3 Makhoyna maangonda haayrammi " Hezekiahna asumna haayjarammi," Ngasi kouba nongsi awaaba, mina thina ngaangba, emaay phiruk khumba numitni. Ngasi kouba nongsida kayagi matik awaaba taaba haayruduna kaannade. Angaang pokkadouribashingna angaang taanaba sangba ngamdre.

4 Shinaaidba Eeshorbu noknariba Assyriagi ningthouna thaarakpa Rabshakehgi waashingsi nahaakki Eeshorna shoydana tabiramgani ning-e. Nahaakki Eeshorna taakhraba micheishingsi mahaakna haanna hanna cheiduna leigadouri. Maramsina leihouriba eremkhakshinggidamak nahaak ebungngogi maphamda haayjabiyu.

5 Ningthou Hezekiahgi manaaishingna Isaiahgi manaakta laakpasida

6 Isaiahna makhoyda haaykhi, "nakhoygi nabungngoda haayyu, Eeshorna asumna taakpiri: Assyriagi ningthougi manaaina eibu leikha tana ngangkhriba waaduda nakhoy kiba yaade. Yeng-u, eina toknga amaa shaandokkani. madu mahaakki manaada taarabada mareibaakta shoydana hankhigani. Mareibaakta hallaba matungda mahaak thanggi mayada chatnanaba eina thousin amaa sin-gani."

Assyriana makha taana kihanba  

(2 Ning 19:8-19)

8 Rabshakeh mareibaakta hankhi. Mareibaakta hankhraba matungda Assyriagi ningthoudu Libnahgi mishingga lan thingnaduna leiramba urammi. Matangduda Lachish thaadoktuna ningthou laan thengnaba chatkhre haayba taarammi.

9 "yeng-u, mahaak nahaakki mayokta laan thengnaba chatkhre." haayba Egyptki ningthou Tirhakahgi maramda Assyriagi ningthouna hek taaba matamda ningthouna mi thaaduna Hezekiahda haayhallammi.

10 "Judahgi ningthou Hezekiahda nakhoyna asumna haaygadabani," Assyriagi ningthou makhutta Jerusalembu pithokloi haayna nakhoygi Eeshorna minamba waa haayribadu thajaruganu.

11 Tumna maanghanba ngamba Assyriagi ningthouna maalemsida leiriba leibaakshingda toukhiba matoudu nahaakna taaraba nattra?

12 Haayriba leibaakshingsigi laaishingduna makhoygi mareibaaktu kanba ngamkhibra? eigi epaana Joy touramba leibaakshing Gozan, Haran, Rezeph, Telassarda leiba Eden-shingbu makhoygi laaishingduna kanba ngamkhibra?

13 Hamathki ningthou, Arphadki ningthou, Sepharvaimgi ningthou, Henagi ningthou amadi Ivvahgi ningthoushingdu kadaayda leikhre?

14 Hezekiahna chithidu paao puba nupaadugi makhuttagi phanglammi. Chithidu mahaakna parammi. Hezekiahna Eeshorgi ningnashangda chatlammi aduga Eeshorgi maangda chithidu thamlammi.

15 Hezekiahna Eeshorgi khuyaakhaada nollukna punemjarak-e, "cherubimgi

16 Mathakta shadong oinaa ngaanthoibiriba Israelgi Eeshor, maalemsida leiriba pot pumnamakki marakta Nahaakkhaktani ashengba Mapu oiriba. Ebungngo nahaakna koirou nongmadon amadi maalemsibu shembikhibani.

17 He Eeshor, ebungngogi naakongmakna haayjariba pumnamaksi tabiyu. He Eeshor, ebungngogi mitna touriba pumnamaksi yengbiyu. shinaaidba Eeshor, ebungngobu ekaaiba pinanaba haayduna shennacheribna erakliba chithisi tabiyu.

18 Achumbani he Eeshor ebungngo, Assyriagi ningthouna leibaak kayaamarum tumna manghankhre.

19 Makhoygi laaishingdu meida thaakhre. Makhoydi ashengba laidi nattabani. Khutna shaabani. Nung amadi una shaabani. Maramsina makhoyna haayribashingsibu maanghanba ngamkhi.

20 Assyriagi ningthougi makhuttagi kanbiyu nanaai eikhoybu, he eikhoygi Eeshor, ebungngogi khuyaakhaada nanaaina punemjari. Adu oirabadi he Eeshor maalemsida leiriba jaat pumnamakna ebungngokhakta mapuni haaybadu khanggani."

Isaiahna ningthouda thaaba paao

 (2 Ning 19:20-37)

21 Matangduda Amozgi machaanupa Isaiahna paao amaa Hezekiahda thaarammi. Mahaakna haayrammi, " Israelgi Eeshorna asumna taakpiri, " Assyriagi ningthou shennacheribki matangda nahaakna eigi ephamda haayjabadu eina taare.

22 Eeshorna mahaakki maramda phongdokkhiba waaheishingdu asini: Mahaakna nahaakpu hanthana yeng-e cheibi thina nahaakpu mahaakna, he Ziongi mamomloisa, nomli makok natungda leptuna mahaakna nahaakki, he Jerusalemgi mamomloisa.

23 Nahaakna noknariba amadi laaknaribadu kanaagi maphamdano? kanaagi mathakta nahaakna nakhonjen waangna laaokhatlibano? kanaagi maphamdano nahaakna namit khana yenglibadu? Israelgi shengthoiraba mapudugi mathaktani.

24 Nahaakna paao thaarakpa nupaaduna Eeshorbu karemnari, mahaakna haayri, “eigi dolaishinggi mapaanna, kare eina awaangba loibi kayagi matonda, chatle Lebanangi mapham khuding shinba thungna, maasida houriba deodar paambidu tuhalle eina, maanghalle masigi shangdutana leiba udu,.

25 Eina guha touduna laaija eeshing thaknanaba langjei. Ekhonggi khuyasina netpadata Egyptki eeshing khong loina kanghanba ngammi.

26 Tadribra nahaakna toujaribadu eina touhange haayna ningkhibani, thaaina mamaangeidagi houna maasi thoknaba haayduna shinkhibani, adubu maasi houjikta oihallibasini. Nahaakki napaanggalna chekpan khajilliba saahar kayaa utki mapei oinaa tumhnkhre haayna ningkhi.

27 Lam lamda leiriba mishingdu mapaanggal hanthahanduna, lammuknahankhi, toupham khanghankhide eina nakhoybu loubukta houba anouba paambigi matougumhankhi, oihankhi nakhoybu eina anouba chongkhatlakpa napigi matou. Churida houba naapi mathen phadringeida maanghanbagum eina nakhoybu phuktokkhidra?

28 Yeng-u, eina nahaakna phamba, chatpa amadi laakpa khudingmak loina khang-e, khang-e eina nahaakna eigi ethakta touriba pumnamak,

29 Nahaakna eigi ethakta shaaobadu eigi enasina loina taare, maramsina nahaakki nanatonda eina khoi lengani, nahaakki nareida khoiri amaa thugani, nahaakna laakkhiba laambeldugi matung ennaa eina nahaakpu taanthokkani.

30 Haayribasi thoraklamdaaida tourakkadaba khudamdi asini: Kumsidi loubukta houba potshingdu nakhoyna chaaba phanggani. Ollakpa chahida khokman loktuna chaagani. Ahumshuba chahidana nakhoyna maru amuk hungani. madugi maheidusu nakhoy chaaba phanggani.

31 Adubu Judahgi lemhouba eremkhakshingdu maalemsida maru taagani aduga leimaaythakta maheiga loynanaa enkhatlakkani.

32 Yeng-u, Jerusalemdagi eremkhak amaa thorakkani. Zion chingdagi hinghouraba mi kaangbu amaa thorakkani. Eeshorgi matik mayaaiduna haayribasi tougadouribani.

33 Maramsina Assyriagi ningthougi maramda Eeshorna asumna haayri, "haayriba saaharsigi mamaangda mahaak laakpa ngamloi. Maphamduda mahaak ten kappa matik natte. Masigi mamaangda chunggoi paayduna amadi shaajen touduna leppa ngamloi.

34 Mahaakna laakpa laambeldumaktada mahaak amuk hankhigani. Eeshorna taakpiri mahaak saaharsigi manungda changba ngamloi.

35 Saaharsi shoydanaba eina ngakkani. Haayribasi eina eigi eming amadi enaai Davidki yengduna tougadouribani."

36 Eeshorgi dut laaktuna Assyriagi laanbanda leiriba laanmi 85,100 Haatkhi. Makhoygi mishingna ayuk hougatlakpada haayribashingsi sina phanglammi.

37 Marmsina Assyriagi ningthou shennacheribna laanban thaadoktuna mareibaakta hankhraga Ninevehda leikhi.

38 Mahaakna ningjariba laai Nisroch khurumduna leiringeida mahaakki machaanupa Adrammelech amadi Sarezerna mashaamakki thangna kaktuna haatkhi. Makhoy animak mahaakpu haatlamlaga Araratki lamda chenkhi. Mahaakki mahutta Esarhaddonna ningthou oiduna paankhi.