Deuteronomy 18
1 "Israelgi manungda Levigi shaageigi mishingna lam phangba yaade. Masigi mahutta makhoygidi Eeshorgi maphamda katlaba thougi potshingdu makhoygi oigadoubani.
2 Atei tribeshingna toubagumna makhoygi lam sharuk thungba yaade. Makhoygi sharuk haaybabu Eeshorgi yaathang matung ennaa seba chatchabasini.
3 "Saa-san nattraga yaaonachingba katpa matamda purohit shingna shaadugi maphaigan, makok amadi manunggi shaa phangadabani.
4 Makhoyna mahei maronggi angur mahi, Chorphongi thao, amadi samtunachingba ahaanba sharuk tamlakpadu lougadabani.
5 Tribeshinggi manungda nakhoygi Eeshorna Levi tribepu matam leiba khibikta purohit oinanaba khandokkhrabani.
6 "Israelgi manungda leiriba saaharshinggi manungdagi kanaagumba Levina thamoida chap yungna khanjaraduna khurumjanaba khandokkhraba ningnashangduda laaklaga,
7 Maphamduda seba changjariba Levishinggumna mahaaksu mahaakki Mapuroi Eeshorgi seba changjaba yaai.
8 Atei purohit shinggumna mahaakki machinjaak matik chaana thunggadoubani. Mahaakna mayumdagi thaarakpashingdu thamjinba yaai.
Aatoppa Jaatshingna khurumbagum toudanaba takpa
9 "Napuroi Eeshorna nakhoyda pibigani haayriba lamduda laaklaba matamda maphamduda leiriba Jaatshingna touriba tukkachaningai oiriba lamchat-shingdu enba yaade.
10 Phaankhong mathakta pukhattuna nachaashingbu meida thaaduna thou katthokpa yaade. Nakhoyga mishinggi marakta laaibao taba, khutlou phakpa, mantranachingba,
11 Amadi sumhatnaba thabakshingsi touhalloidoubani. Makhoyna ashibaa mishinggi thawaayga maangdaduna waa tabanachingba touroidabani.
12 Nakhoygi napuroi Eeshorna asigumba thabak toubasi yaamna tukkachana yengbani. Nakhoyna asum changsillakpaga loynanaa ebungngo mahaakna atei Jaatshingbu taanthoklibasi masina thoidokpa maram oiribani.
13 Eeshordagi napukning hongba touganu.
Maaichou amaa thaarakkani haaybagi waashak
14 "Masi haayba matungda Mosesna haayrammi, "nakhoyna loushingadouriba lamdudadi laaibao phaaoba ngambashinggi amadi khutlou phakpashinggi paaoutaak mishingna lounabani. Adubu napuroi Eeshorna nakhoydi makhoyna toubadu-gumna touba yaaroi haayri.
15 Nakhoygi napuroi Eeshorna nakhoyna mishinggi maraktagi maaichou amaa thokhallakkani. Mahaak eigum oigani. Nakhoyna mahaakna haaybadu en-gadabani.
16 "Sinai chingda nakhoy punshinba matamda napuroi Eeshorda nakhoyna haayjakhibadugi matung ennaa haayribasi thokkhibani. Nakhoyna maphamduda asumna haaykhi," eikhoygi epuroi Eeshorgi yawaadu amuk haanna taaraganusi. Aduga mei oinaa Eeshorna shaak utpiduna eikhoyda uhanbibadusu uraganusi. Maramdi maasi ubaa thoklabadi eikhoy shiba yaai."
17 Maramsina Eeshorna eingonda haayrammi. "Makhoyna haayribasi achumbani.
18 Makhoygi mishinggi maraktagai nahaakkumba maaichou amaa thabirakkani. Eina maangonda kari kari taakpigani haaybadu phongdokpigani aduga eina pikhiba yaathangshingdu mahaakna mishingda haaydokpigani.
19 Mahaakna eigi minglen panduna waa haaygani aduga Eina mahaakna haayba waashing endaba shingdu awaapham taahangani.
20 Kanaagumba maaichou-shingna Eina khandokpa nattana mahaakna haayjaningduna waapaao phongdokpa taarabadi, Asigumbasi toubagidamak mahaak shigani. Matou asigumna atei laaishinggi maming panduna waa phongdokpa maaichoushingdu shigani."
21 "Maaichou amanaa ngaanggadou-riba waadu Eeshorgi laaktabani nattraga laakpani haaybadu nakhoyna karamna haayba ngamgadage haaybasi khanbada ngaakna thoklamgani. Karigumba maaichouduna Eeshorgi maming panduna waa haayrakpa matamda, mahaakna haayriba waadu chum-drabadi, waapaaodumak Eeshorna haayrakpa natte haaybasi khanggani. Adugumba maaichouduna mapukningdagi haayningba khara haaykhibani. Aduga mahaakpu kipham leite.