Acts 24
Leibakki mapu Philiski mangda Paul bu wayelba
24 Numit manganigi matungda purohitlen Ananiasna kana kanagumba ahallamansing amasung kanagumba wanomheiba Tartullaga loinana kumtharaktuna, Paulgi mathakta leibak ngakpagi maphamda makhoina wakatle.
2 Aduga Paul bu kouraga Tartullana mangonda theijinba hourak-i: He matik chaoraba Philiks, Ibungogi mapanna eikhoina thoidokna ingthaba phangjaba amasung Ibungogi wakhanna jat asigi damak phattaphattaba chumthokpiba maramna, 3 Eikhoina yamna thagatchabaga loinana maram pumnamakta amasung mapham pumnamakta yajaba oire. 4 Touigumsung eina Ibungogi matam kuina changdananaba, Ibungogi chanbibana eikhoigi wa khara tabinanaba nonjari.
5 Maramdi nipa asi mangtaknaba touba, taibangpal apumbada leiba Jewssing pumnamakki marakta leibak wathok houhanba amasung Nazarethsinggi khutpugi luchingba oiba mini haiba eikhoina phangle. 6 Mana Ishor ningnashangbu manghannanaba hotnare; amasung mabu eikhoina phare. (Amasung eikhoigi wayel yathang adugi matung inna mahakpu wayel touninglammi. 7 Amasung mahakki theijinbasingbu Ibungogi mangda chatlu haiduna yathang pi.) 8 Eikhoina mangonda theijinba waram pumnamak asigi marida Ibungo makna mahakpu hangbiraga mangondagi khangbiba ngamgani.
9 Amasung hairiba wa asi asum oibani haina lepnaduna Jewssingnasu mahakka wa tinnare.
10 Amahiksung leibak ngakpana mahakpu wa ngangnaba nason tourabada, Paulna Khumlak-i: Ibungona chahi kuina jat asigi wayel mapu oibirakpani haina eina khangjaduna, eigi ngakthockchanba wa haraona khumjari.
11 Eina Jerusalemda Ishor Khurumjananaba kajarubadagi numit taranithoini hendri haiba Ibungona khangbiba ngammi; 12 Amasung kanagumba miga eiga ningai tounaba, nattraga miyambu eina wa thok-hanba Ishor ningnashangdasu, loishang loishangdasu, shardasu makhoina phangde. 13 Makhoina houjik eingonda theijinba waram adu Ibungogi maphamda praman piba ngamloi.
14 Touigumsung asi eina Ibungogi maphamda haidokchari, haibadi, wayel yathang adugi matung inna leiriba amasung Ishorgi wa takthoppasinggi lairikta ikhiba pumnamak adu thajaduna, makhoina kutpu kouba lambi adugi matung inna eina eikhoigi ipa ipusinggi Ishor adubu ningjari; 15 Dharmachenbasingnasu chendabasingnasu hinggatpa oigani haiba makhoi asimaknasu yajaba adu eina Ishorlomda tarang tarang khangna ningba thamjari. 16 Asigi maramna einasu Ishorgi amasung mishinggi maphamda matam leiba khibikta langjaba thoktaba pukchel leijananaba isana hotnajei.
17 Aduga chahi kharagi matungda eina eigi jatta dan amasung katnaba pot puraknanaba lakchare. 18 Marak aduda miyamgasu loinadana, ninnabasu toudana Ishor ningnashangda ei isabu sengdokchakhraba phibamda makhoina phangle. Touigumsung Asiadagi Jewssing kharasu leirammi.
19 Makhoina eingonda theijingadaba karigumba leiramlabadi, mapham asida Ibungogi mangda leptuna eingonda theijillamgadabani. 20 Nattabanina mishing asimakna eina ahallup mangda leppa matamda aranba touba phangba adu haisanu. 21 Asibasingna hinggatpagi marida numit asida nakhoigi mangda eibu wayel touribani haiba khonjel asitadi eina makhoigi marakta leptuna laojakhi.
Philiksna wayel adu matam yeithokpa
22 Touigumsung Philiksna lambi adugi maramda khara henna sengna khangba aduda, LUzziah, athoiba luchingbana kumlakpada, eina nakhoigi wayel toubigani haiduna wa adu yeithokle. 23 Aduga mahakpu maining tamna thamduna ngaksennaba amasung mahakpu thougan touriba mahakki marupsing
24 amatabusu numitkharagi matungda, Philiksna mahakki nupi Jews ningon Drusillaga loinana laklaga, Paul bu kouhalluduna, Christa Jesusda thajabagi marida mangondagi wa tare. 25 Aduga dharmachenbagi, masa mathantabu khudum chanbagi amasung lakkadaba wayelgi maramda mahakna nganaglakpada, Philiksna kirakladuna khumlak-i, houjikti chatlo; aduga eina khudong chaba matam phanglabada, nangbu kourakkani. 26 Marak asida Paulna mangonda shen pijagani haina mahakna ningsu ninglammi. Maram adunasu mahakpu toina toina koukhattuna mahakka ngangnarammi.
27 Touigumsung chahi ani houkhrabada Porkiya Phestna Philikski mahut sille; amasung Philiksna Jewssingdagi chanbiba phangningduna, Paul bu thadoktana thanamle.