Amos 8
8 Yengu, Mapu Ibungona ollangthagi uhei thumuk ama eingonda uhallammi. 2 Mapu Ibungona takpirammi, "Amos, nahak kari kari ubage?" maduda eina ollangthagi uhei thumuk ama ui haina paokhum pirammi. Adudagidi Ibungona takpirammi," Israel haina kouba eigi mishinggi mathakta aroibadu lakle.
3 Eina makhoibu lemna toklaroi. Lainingthou Ibungona amukkasu takpirak-i madudi taibang mapuna lenglakkadaba numittuda sonnapunggi Laison ishei ngamnamak mikup miraokholgi khonjel oihan-gani. Mikap miraokhol taba numittuda asiba hakchanggi mashing lakngamlaroi. Mapham mapham khudingda manin maha tahandana asiba mashasingdu langthokkani.
Israelgi aroiba
4 Masisu tajou hey leitabasingbu noihatlibasing, aduga malemgi lairabasingbu tuhatlibasing,
5 Nakhoinadi haijaba sari keidoungei loikhigaba anouba pankhatlakpa thado, yonjanaba mahei marong thamoi penna. Adugumba potthaba numittuda ephahbu pikhallaga, shekelbu chaohangadaba eikhoina gehu ining tamna yonba phangadaba, namthak touduna ser phala ongadaba numittu keidoungei lakkadage haina haijari.
6 Leita lairabasingbu lupa sangba amadi khongup mapu amaga sinnaduna leiba yanaba, phouham phougai oiraba gehubu yonnaba potthaba numittu keidou-ngei lakkadage hainasu nakhoina langjari.
7 Adubu Mapu Ibungona Jacobki napal uraga wasakkhre madudi eina makhoina toujakhiba thougaising keidou-ngeida kaoraroi.
8 Thoudoksida malem pumba nikoidaba kari leibage? Tengbanda leiba mi pumbana hikna hikna karigi tengtha naoiroidabage? Yengu, pumnamaksi Egypt leibakki Nile haina kouba turelgi matougum ihouraktuna pangai langai thokpa, ithak ipom houba, adubu ikhang hek khanghoudana leikrak chatpamakhei ikang kangadabani.
9 Mapu Ibungona asumna takpiri, madudi eigi ningba matung inna wayel katiga loinagadaba numittuda koirouhanbabu kokton lomba matamda tahanduna, nungthin pobopta malem leimabu sukna mamba ahingum oihangani.
10 Nakhoigi harao tayamjabaga loinana chakkhang heikhangjabasingdu mikap miraokholna thallaba awaba sakpham oihangani. ishei nongmai pumbasu tengtha naoibagi khonjelgumhangani. Khwai khangda phijet phigai ngakta sethan-gani lawai koirel lenphudu irang langbamakhei tanghangani. Adugumba koirou nongjadu Madom satchaba mapari setnabagi meichakna kap laobagi matougumhan-gani. Asigumba mapugi numittugi aroiba pan-kheidi ima laoba numitki pangkhak oihan-gani.
11 "Cheksinjou, adugumba koirou no-ngjadu ngamnamak laklare" Haina Mapu Ibungona takpiri. Adugumba nongjaduda eina malem leikoibungda chaktang phidangba thok-han-gani. Natte, chaktangba thoktunasu chengphou phangloidouba natte, laija ishing phangdaduna ikhou langgadaba natte, ahoinadum Lainingthougi yawa tajanabagidamak aram khouranghangadoubani.
12 Nakhoina laija ipak achouba amadagi atoppa ipak amada aduga awang haram pangna kaonaduna naming mamang khangdana saram chenjaduna Mapu Ibungogi yawadu thijagani. Adubu mapham keidasu Ibungogi yawadu makhoina phanglaroi.
13 Hairiba Mapu Ibungona lenglakkadaba koirou nongjada mathot karaklibi, phanek khoidon setlibi sakhenbi nujasing amasung nouna inkhatlakliba pakhangsing aram khourangbagi meichakna wanthagani.
14 "Nahakki nabungodi sinaidabani, O, Dan Beershebagi lambeldi lomba naidabani" haina Samaria kouba lamdugi Asimah haina kouba laigi maming panduna sari namung khangbasingdu lepnamak leikha taragani. Amuk hanna marai haigatpa ngamloi.