Mark 10
Nupi khaainabagi waahang
( Matthew 19.1-12; Luke 16.18 )
1 Amasung Ebungngona mapham adudagi chatkhiduna, Judeagi lamdamda amasung Jordan waangmada thungkhre; aduga miyaam-shingna ebungngogi maphamda amuk laakminnabada, Ebungngona mahousa-gumna makhoybu amuk tambirak-e.
2 Amasung pharisi shingna laaktuna chaang yengba oinaa ebungngoda hangjarak-e, nupaana nupi khaainaba waayel kaaybra?
3 Maduda Ebungngona makhoyda khumlak-e, Mosesna nakhoybu kari yaathang pirambage?
4 Aduga makhoyna haay, khaainabagi waaroi laairik enaraga, mahaakpu khaainaba Mosesna yaabire.
5 Adubu Jesusna makhoyda haayrak-e, nakhoygi thammoi kanbagi maramna mahaakna yaathang asi ebire.
6 Touegumsung leishemngeidagi Ebungngona makhoybu nupaa amasung nupi oinaa shembirambani.
7 Maram asina nupaana mapaa mamaa thaadoktuna maagi nupida napsin-gadabani, amasung makhoy ani masha amata oigadabani.
8 Adunadi makhoyna amuk ani oidaduna masha amata oire.
9 Maram aduna Eeshorna tinnahan-khraba adu mina khaaidoktasanu.
10 Amasung emungda sebokshingna waaram asigi marida ebungngoda amuk hangjei.
11 Aduga Jesusna makhoyda haay, kanaagumbana maagi nupibu khaainaraga, atoppa amaa luhongba adu maagi nupigi mathakta laannaba thabak touwi;
12 Amasung nupina masha mathantana mapuroibabu khaaynajaraga, atoppa amaa luhongba adu manasu laannaba thabak touwi.
Jesusna angaangshingbu bor pibiba
( Matthew 19.13-15; Luke 18.15-17 )
13 Amasung Ebungngona shokpinanaba makhoyna apikpa angaangshingbu ebungngoda pujalaaklammi; aduga sebokshingna makhoybu cheihatlammi.
14 Touegumsung Jesusna madu ubada, yaamna nungaaitaduna makhoyda haayrak-e, eingonda apikpa angaangshing laakchasanu; makhoybu khaamganu; maramdi Eeshorgi leibaak adu asigumba makhoygini.
15 Eina nakhoyda thaanggei shengna haayribani, apikpa angaang-gumna Eeshorgi leibaak loudaba kanaagumba aduna maduda supchang changloi.
16 Amasung Ebungngona makhoybu kollaga makhoygi mathakta khut thambi thambiduna bor pibire.
Enaak khunba paakhang amanaa shinaaidaba punshi thiba
( Matthew 19.16-30; Luke 18.18-30 )
17 Amasung Ebungngona lambida asum laakpada, mi amanaa chellaaktuna ebungngogi maangda khuru khudak kullaga ebungngoda hangjarak-e, aphaba oja, shinaaidaba punshi adu phangjananaba, eina kari toujagadage?
18 Maduda Jesusna maangonda haay, nangna eibu karigi aphaba koubage? Amata ngaayba Eeshor nattana aphaba kanaasu leite.
19 Mi hatkanu, nupi laannaganu, huranganu, chumdaba saakhi piganu, lounam touganu, napaa namaabu ekaai khumnou, haayba yaathang asi nahaakna khang-e.
20 Amasung mahaakna ebungngoda haayrak-e, oja, pumnamak asi eina angaang oiringeidagi ngaakcharak-e.
21 Aduga Jesusna maangonda yengduna nungshibire, amasung maangonda haayrak-e, nang thabak amaa waatli; chatlo, nanggi arei areiba yonthoktuna laairaba-shingda pinou, aduga swargada nanggi laal leigani; aduga laak-u, eigi tung enja-raraao.
22 Touegumsung haayriba asina mahaakki mamaay mamle, aduga mahaak waana chatthokkhre; maramdi mahaak maral yaamna leiba amaa oirammi.
Eenaakkhunbagi apanba
23 Amasung Jesusna koyeng yenglaga sebokshingda haay, enaak khunba makhoy aduna Eeshorgi leibaakta kayaada lunaa chang-gadabano!
24 Aduga sebokshingna ebungngogi waa aduda engak ngaklammi, touegumsung Jesusna makhoyda amuk khumlak-e, angaangsa, landa thaajaba shingna Eeshorgi leibaakta changba kayaada lubano!
25 Enaak khunba mina Eeshorgi leibaakta changbadagi ut amanaa yettum manaada litpana henna laay.
26 Maduda makhoyna thoidokna ngakladuna haayrak-e, adu oirabadi, kanaana araan khubam phangba ngamgadage?
27 Jesusna makhoyda yengduna haayrak-e, mishingdadi maasi oithoktabani, touegumsung Eeshordadi natte; maramdi Eeshorda pumnamak oiba ngaktani.
28 Peterna ebungngoda haayba houre, yengbiyu, eikhoyna pumnamak thaadok-chaduna, ebungngogi tung enjare.
29 Jesusna haayrak-e, eina nakhoyda thaanggei shengna haayribani, eigidamak amasung aphaba waapaaogidamak, mayum, machin manaao, machan mache, mamaa mapa, machaa-masu, loushing oirabasu kanaagum-bana thaadoklabadi,
30 Mahaakna howjik matam asida ot-neiba phangbaga loynanaa mayum makei, machin manaao, machan mache, mamashing machaashing amasung loushing sharuk chaamma, aduga laakkadaba taaibang paanbada shinaaidaba punshi phanggani.
31 Touegumsung ahaanba oiba ayaambana akonba oigani, aduga akonbana ahaanba oigani.
Ebungngogi shibagi waaram maangjounana tambiba ahumlak shuba
( Matthew 20.17-19; Luke 18.31-34 )
32 Amasung makhoyna Jerusalemda kaagadabagi lambida leirammi, aduga Jesusna makhoygi maangda laaklammi; aduga makhoyna ngaklammi, aduga tung enba kharanadi kirammi. Amasung Ebungngona sebokshingbu amuk puthokladuna, ebungngoda thokla thoklagadaba adu makhoyda tamba houre,
33 Madudi, yeng-u, eikhoyna Jerusalem taanna kaari; amasung migi machaanupa adubu athoiba purohit shing amasung shaastragi ojaashingda pithokkani, aduga makhoyna mahaakpu haatpa matik chaay haayna uttuna, mahaakpu atoppa Jaatshingda pithokkani:
34 Aduga makhoyna mahaakpu noknagani, maangonda tin-sitchin-gani, mahaakpu thina yeiraga haatkani; amasung numit humnigi matungda mahaakna hinggatkani.
Achumba Achouba
( Matthew 20.20-28 )
35 Amasung Zebedeegi machaanupa ani Jameska John-gana ebungngogi manaakta laaktuna haayrei, oja, ebungngoda eikhoyna nijaba adu Ebungngona eikhoygidamak toubigani haayna ningjei.
36 Maduda Jesusna makhoyda haay, eina nakhoygi damak kari toubiba paambage?
37 Aduga makhoyna ebungngoda haayjei, ebungngogi matik mangaanda eikhoy amanaa ebungngogi yetta, amna oyda phamnaba eikhoyda pinabiyu.
38 Touegumsung Jesusna makhoyda haayrak-e, nakhoyna nijariba adu nakhoyna khangde. Eina thakpa tenggot adu nakhoyna thakpa, nattraga eibu buptized touba adubu nakhoyna louba ngambra?
39 Maduda makhoyna ebungngoda haayjei, eikhoy ngamjei, adubu Jesusna makhoyda haayrak-e, eina thakpa tenggot adu nakhoyna thakpadi thakkani, aduga eibu buptized touba aduna nakhoybu buptized tougani.
40 Touegumsung eigi yet nattraga oyda phambadi eina pigadaba natte; adubu maasidi makhoygi damak shem-shaabiraba makhoy adugini.
41 Amasung taraa aduna madu taabada, James amasung John-gi mathakta shaaoba houkhre.
42 Maduda Jesusna makhoybu manaakta koushinduna makhoyda haayrak-e, atoppa Jaatshinggi makok oiba mashing chanba-shingna makhoygi mathakta mapu oi, aduga makhoygi achouba-shingna makhoygi mathakta mapu oibagi thabak touwi haayba nakhoyna khang-e.
43 Nakhoygi naraktadi asum toude; touegumsung nakhoygi naraktagi chaaoningba kanaagumba aduna nakhoygi thougan touba mi oigani;
44 Aduga nakhoygi naraktagi Khwaaidagi makok thangningba kanaagumba aduna pumnamakki minaai oigani.
45 Maramdi migi machaanupa aduna mashaabu thougan touhann-naba laakpa natte, touegumsung thougan toubinaba amasung mayaamgi thaadokmal oinaa mahaakki thawaay pinaba laakpani.
Mittaangba Bartimaeusbu phahanbiba
( Matthew 20.29-34; Luke 18.35-43 )
46 Amasung makhoyna Jericho taanna laak-e; aduga Ebungngona Jerichodagi sebokshingga ayaamba miyaamga loynanaa asum laakpada, Timaeusgi machaanupa mittaangba chaakniba Bartimaeusna laakpada, Timaeusgi machaanupa mittaangba chaakniba Bartimaeusna lambi mapaanda phamlammi.
47 Amasung Nazarethki Jesusna haayba taabada mahaakna laaona haayjaba houre, Davidki machaanupa Jesus, eibu nungshibiyu.
48 Aduga mahaak tuminna leigadabani haayna ayaambana mahaakpu cheihatlammi; touegumsung mahaakna thoina henna laaojarammi, Davidki machaanupa, eibu nungshibiyu.
49 Amasung Jesusna leptuna haayrak-e, nakhoyna mahaakpu kou. Aduga makhoyna mittaangba adubu kouduna maangonda haay; nungaai-jaro, hougat-lu, Ebungngona nahaakpu koubiri.
50 Maduda mahaakna maphi hunjektuna chongkhat-laga Jesus taanna laakle.
51 Amasung Jesusna nangonda khumlak-e, eina nanggidamak kari toubiba paambage? maduda mittaangba aduna ebungngoda haayjei, Rabboni, eihaak ubaa phangja-ning-e.
52 Aduga Jesusna maangonda haay, chatlu, nanggi thaajabana nangbu phahanbire. Khudak aduda mahaakna ubaa phangjare, amasung lambida ebungngogi tung eenjarammi.