Romans 12
Anouba punsi
12 Maram aduna, he ichin inaosa, nakhoina nanggi nanggi hakchangbu ahingba, asengba amasung Ishorbu pelhanba iratpot oina katnaba eina Ishorgi chanbiba makheigi mapanna nakhoibu nijari; Masi nakhoigi thawaigi oiba thouganni. 2 Amasung taibangpanba asigi matung inba sakong louganu, adubu Ishorgi ningba aphaba, ayaba amasung changkkonba adu karino haiba nakhoina chang yengduna khangnanaba, nanggi nanggi pukning amuk nouhanbana nakhoi sakong onthok-u.
Thawaigi oiba khudonsing adu chumna sijinnaba
3 Maramdi nakhoigi narakta leiriba mi khudingda, mahak mahakna ningba matik chaba adudagi henna wangna masamakki maramda ningdananaba, adubu mi khudingmakta Ishorna pibiba thajabagi chang matung inna pukning phajinna ningnanaba, eingonda thoujalgi mapanna eina haijari. 4 Maramdi eikhoigi hakchang amada kayat pumnamak mathou mannadabagumna, 5 Eikhoi mayam Christada hakchang ama oiri, aduga eikhoi khuding amaga amaga mapangni.
6 Amasung eikhoida pibiraba thoujalgi matung inna tongan tonganba khudon phangjaraduna, Ishorgi wa takthokpa oirabasu eikhoigi thajabagi chang matting inna takthoksi, 7 Thougan touba oirabasu, thougan matung inna tousi, tambiba adunasu tambisanu; 8 Thoujanbiba adunasu thoujanbisanu, apiba adunasu pammudana pisanu, luchingba adunasu pukning changna ehingbisanu; nungsibiba thabak touba mahak adunasu harao haraona toubisanu.
Christian punsigi pathap
9 Aphasajaba yaodana nungsiba oisanu; phattaba adu tukkachou; aphabi adu chitna kollu; 10 Imung manung nungsinabagum nachin nanao amaga amaga nungsinou; amana amabu athoibani ningduna ikaikhumnou.
11 Tandaduna maram okpa oiyu; harao haraona pukning changna thougan tou; prabhubu khanjou. 12 Tarang tarang khangna ningbada haraojou; awabada khangheiyu; haijabada tattaba oiyu. 13 Asengbasinggi kannagadaba pinou; lamlanbada taram taramna tou.
14 Nakhoibu ot neibasingbu bor piyu; sirap toudana, bor piyu. 15 Haraobasingga haraominou; akappasingga kapminnou. 16 Amaga amaga khoijel lingjel mannaba oiyu. Awangbada ningdaduna anembada yajou. Nasana napan toujabina asingbani ningganu. 17 Mi kanadasu phattabagidamak phattaba han-ganu. Mi pumnamakki mityengda phajaba thabakkidamak hanna wakhal tou. 18 Masi oiba yarabadi, nakhoina ngamba makhei mi pumnamakka ingthana leiminnou.
19 Achanbasa, nakhoi nasen laman khumnaganu, adubu Ishorgi asaobada mapham piyu; maramdi masi ikhre, laman khumba eigini; eina matik okpa pigani Prabhuna hai.
20 Touigumsung nahakki yeknabana lamlabadi mahakpu pijou; mahakna khouranglabadi pithak-u; maramdi adugum touba aduna nahakna mahakki kokthakta meital araba peigani.
21 Phattabana ngamhanganu, adubu aphabana phattababu ngamhallu.