Acts 13
Antiochda leiba singlup
13 Amahiksung Antiochda leiba singlupta Ishorgi wa takthok pasing amasung tambibasing oiba Barnabas, Niger kouba Simeon amasung Cyrenegi Lucius, aduga Herod ningthogi yokchaba manao Manahem amasung Saul leirammi. 2 Amasung makhoina prabhuda thougan toujaduna chara hellingeida, thawai asengbana hai, Barnabasga Saulgabu eina thabakki damak koure; matam aduna makhoibu eigi damak houjik khaidokpiyu. 3 Matam aduda makhoina chara henduna haijaraga, makhoigi thakta khut thambirabada, makhoibu thakhre.
Cyprusda Barnabasga Saulgana chatpa
4 Asum touna makhoibu thawai asengbana thakhiduna, Seleucia makhoina kumtharakle; aduga mapham adudagi Cyprus tanna hi tonglakle. 5 Amasung makhoina Salamida leibada, Ishorgi wapao Jewssinggi loishang loishangda phongdokle. Aduga Johnsu makhoigi pangbibagumna loinei.
6 Amasung makhoina ithat apumba landuna Paphosda thunglabada, kanagumba angakpa mahei touba, Ishorgi wa takthoksinnaba, maming BarJesus kouba Jews nipa amabu makhoina phangle. 7 Mahakti ithat adugi mapu Sergius Paulus kouba heisingba nipa aduga loinarammi. Ithatki mapu asina Barnabasga Saulgabu kouduna, Ishorgi wapao tananaba hotnare. 8 Touigumsung Elymas, angakpa mahei touba aduna (maramdi mahakki maming handokpada asum oibani), makhoibu maioknaduna ithat adugi mapu adubu thajaba adudagi leithok-hannaba pambei thirammi.
9 Adubu Paulsu kouba Saulna thawai asengbana thalladuna, mangonda shangtrik yengduna hai, 10 He marei mara amasung lounam pumnamakna thallaba, diyabolgi macha nipa oiba, dharmachenba punmamkki yeknaba nang, nahakna prabhugi achumba Iambi adubu serannahanba tokloidra? 11 Amasung houjik yengu, prabhugi khut nathakta lei, nang numit tagani aduga matam khara phaoba numit uroi. Aduga khudak adumaktada mangonda leichin amasung amambana kupsinkhre, amasung kana kanagumbana mabu khut samduna chingbinanaba koithi thirammi. 12 Matam aduda mapu aduna thokkhiba adu urabada, prabhugi tambiba aduda ingak ngakladuna thajare.
Pisidianda leiba Antiochda Paulgi paotak
13 Amahiksung Paulga mahakki loinabasinggana Paphosdagi hi tonglaktuna, Pamphyliagi Pergada kakhatle; amasung Johnna makhoidagi khainaraktuna Jerusalemda hallakle. 14 Touigumsung makhoina Pergadagi lallaktuna Pisidiangi Antiochda thunglare; aduga makhoina potthaba numitta loishangda changduna phamle.
15 Aduga Ishorgi wayel amasung wa takthokpasinggi lairik pabagi matungda loishanggi wayel thoudaba mapusingna makhoida tharaktuna hai, he ichin inaosa, mishinggi damak thoujinba wa karigumba nakhoigi leirabadi, haibiyu.
16 Maduda Paulna lepkhatle, aduga makhut khattuna hai: He Israelgi nipasing amasung Ishorbu kibasing, tabiyu. 17 Israel mishing asigi Ishorna eikhoigi ipa ipusingbu khandokpire, amasung makhoina Egypt leibakta lamlanba oiringeida, mishing asibu chaokhathanbire, amasung makhoibu mapham adudagi Ibungo mahakna pambom tingkhattuna chingthokpirakle. 18 Amasung chahi niphuromgi matam phaoba Ibungo mahakna lamjaoda makhoibu mapagumna yokpi senbire. 19 Aduga Ibungo mahakna Canaan leibakta leiba jat taretpu manghallaga, makhoigi leibak adu makhoigi oinanaba, cahahi chamari yangkheirom phaoba Ibungo mahakna pibire.
20 Amasung asigi matungda Ishorgi wa takthokpa Samuel phaoba Ibungo mahakna wayel mapusingbu pibire. 21 Adudagi makhoina ningthou nijare, aduga Ishorna makhoida Benjamin-gi salaigi mi, Kish macha nipa Saul bu chahi niphugi damak pibire. 22 Aduga Ibungo mahakna mahakpu hongdoktuna makhoigi ningthou oinanaba Davidpu thok-hanbire; mahakki damak Ibungo mahakna Sakhisu piduna hai, eina Jisaigi macha nipa David, eigi pukning taba nipa ama phangle, mahakna eigi ningba pumnamak tougani.
23 Nipa asigi dharadagi Ishorna pigani waleppa matung inna Israelda kanbiba mapu Jesusbu pubirakle. 24 Ibungosi phongdoktringeida Johnna Israelgi mishing pumnamakta pukning hongbagi baptist touba hanna sandokpire. 25 Aduga Johnna mahakki mathou loiramdaida hai, eibu kanani haina nakhoina ningbage? Eidi Ibungodu natte, Touigumsung yengu, eigi tungda lengbirakpa Ibungo adugi khonggi khugrang louthokpa ei itik chade.
26 Ichin inao, Abrahamgi imunggi machasa amasung nakhoigi narakta Ishorbu kibasa, aran khubam asigi wapao eikhoida thabirakle. 27 Maramdi Jerusalemda leibasingga makhoigi wayel thoudabasinggana Ibungobu amasung potthaba numit khudingda paba Ishorgi wa takthokpasinggi khonjel adubu khangdabagi maramna, Ibungobu maran theijinduna wa adu thunghalle.
28 Amasung makhoina hatnaba maram Ibungoda phangdrabasu, Ibungobu hatnanaba makhoida Pilateki maphamda nijare. 29 Aduga Ibungogi maramda ikhiba pumnamak adu makhoina thunghallabada, Ibungobu udagi puthaduna, mongphamda thamle. 30 Adubu Ishorna Ibungobu asibasinggi marktagi hinggatpire; 31 Aduga Ibungoga loinana Galileedagi Jerusalem tanna kamirmarakpasingda Ibungona numit kuina unhanbire, houjik makhoi asina mishingda Ibungogi sakhi oiri.
32 Amasung ipa ipusingda walepkhibagi aphaba wapao adu eikhoina nakhoida pubirak-i, 33 Haibadi, Ishorna Jesusbu thok-hanbiduna, eikhoigi ichasingda madumak thunghanbire; asigumnasu anisuba isheida ikhre, nahakti eigi icha nipani, ngasi eina nahakpu pokipirabani. 34 Aduga Ibungo mahakna Ibungobu asibasinggi maraktagi hinggatpire, amasung Ibungona amangbada amuk hallaroi haibagi marida, Ibungo mahakna asumna haire, eina nakhoida Davidki asengba, thajaba matik oiba adu pibigani.
35 Maramdi mahakna atei isheidasu hai, Ibungo nahakki asengba mahak adubu Ibungo nahakna amangba uhanbiroi.
36 Maramdi Davidna mahaktakta Ishorgi wakhal adugi thougan touramlaga, tumsu tumkhre, mapasinggi manaktasu thamkhre, aduga amangba ure. 37 Adubu Ishorna hinggatpiraba Ibungodudi amangba ude.
38 Maram aduna, ichin inaosa, masi nakhoina khangbiyu, haibadi, Ibungo asigi mapanna pap kokpiba nakhoida sandokchabani. 39 Amasung Mosesgi wayel yathang adugi mapanna nakhoibu chumhanbiba ngamdaba, pumnamak adudagi Ibungosigi mapanna thajaba mi khudingbu chumhanbi. 40 Maram aduna Ishorgi wa takthokpasinggi lairikta haikhiba adu nakhoigi nathakta tadananaba cheksillu, haibadi:
41 Yengu, he thouoidabasa, ngaksu ngak-u, mangsu mangu; maramdi nakhoigi haktakta eina thabak ama toui; kanagumba nakhoida thabak adu takpirabadi, nakhoina suptha thajaroi.
42 Amahiksung makhoina thoklaklingeida, waheising asi ollakpa potthaba numitta makhoida habinanaba makhoina nijarammi. 43 Aduga loishanggi kanglup adu kainarabada; Jewssingsu Jews dharma louba Ishor ningbasingsu ayambana Paul amasung Barnabasgi tung ille; makhoina makhoiga ngangnaduna Ishorgi thoujanda chetna leinanaba makhoibu insinbirammi.
Pakhonchatpasingna atoppa Jatsingda, mai onkhiba
44 Aduga ollakpa potthaba numit aduda sahar apumbamuk Ishorgi wapao adu tananaba tinnare. 45 Touigumsung Jewssingna miyamsing: adu urabada, kallakpana thalladuna, Paulna haiba wa adu khetsu khettok-i, thinasu ngangnei.
46 Maduda Paulga Barnabasgana thouna phana ngangduna hai, nakhoida hanna Ishorgi wa adu haigadabamakni. Madu nakhoina nakhoidagi inthoktuna lomba naidaba hingba phangba matik chade haina nasana khanjaba maramna, yengu, eikhoidi atoppa jatsingda chatlabani. 47 Maramdi Prabhuna asumna eikhoida yathang pire,
nahakna prithibigi aroiba mapham, phaoba aran khubam oinanaba, eina nahakpu atoppa jatsinggi mangal oinanaba thamle.
48 Aduga atoppa jatsingna asi tarabada, haraosu haraorammi, Ishorgi wapaobusu thagathunmi; amasung lomba naidana hingnabada khangatpiraba makheina thajare.
49 Aduga prabhugi wapao adu lam apumbada sinthunglammi. 50 Touigumsung ikaikhumnabi, Ishor ningbi nupisingbu amasung sahar adugi athoiba nipasingbu Jewssingna thoujinduna, Paulga Barnabasgagi mathakta otneinanaba wa thokhallaga, makhoigi lamdagi tanthokkhre.
51 Adudagi makhoina makhoigi mathakta sakhi oina khonggi uphul kanthoktuna Iconium tanna lakle. 52 Aduga seboksingdu haraobaga thawai asengbagena thallammi.