Ezekiel 26

Tyregi mathakta wa phongdokpa

26 Taramathoisuba thagi nongma panbada Ishor-na eingonda haibikhiba wasing:

2   Hey Nupa, Tyrena Jerusalemgi matangda asumna haikhi, nungngaireda, Jatsinggi sannathong oina leiramliba leibaksi kaire, masigi thonggaldu eibu maya laona kaduna ngaiduna leire, eihak inak khulli, aduga mahak lairaba leibak ama oiragani.

3   Maramsina Mapu Ibungo Ishor-na takpikhiba wasing: he Tyre, nahakki mayokta eina lepkani, thok-han-gani nahakki mayokta jat kayamarum yeknaba oina, samudragi ithak ipom hourakpagi matougumna.

4   Makhoina Tyregi chekpandu thugaigani, masigi manungda leiriba awangba yumsingdu ningkhaihangani, masigi manungda leiriba aphaba leihaosingdu eina manghan-gani, masibu eina maru kiknaba

      nunggi matougumhangani.

5   Samudrada nga phabasingna lang hunnariba maphamdugumna oihangani, Mapu Ibungo Ishor-na takpiri eina phongdokhraba waphamni. Masi Jatsinggi machinjak oina leigani.

6   Lamhangda mahakki machanupasingdu thangna kaktuna sigani, matamduda makhoina eisi Ishor-duni haiba khangadabani.

7   Mapu Ibungona eingonda haibikhiba wasing: Ningthousinggi ninghou, Babylon-gi ningthou Nebuchadnezzarbu awang haram pangbadagi Tyregi mathakta landahangani. Mahakna sagol Lanmi, dolai, amadi mashing yamlaba khong lanmishing puduna lakkani.

8   Nahakki namomloisingleiriba lamhangda, hatkani mahakna thangna kaktuna, nahakki mayokta mahakna awangba lanjabung sagatkani, kom touduna nahaku maithiba pinnaba mahakna hotnagani, nahakki mayokta mahakna chunggoi paiduna ngaiduna leigani.

9   Mahakna yaogi machi paiduna nahakki chekpanda kakhatlaga khongani, mahakna pairiba singjangduna nahakki awangba lanjabungsingdu kakthatkani,

10 Mahakki sagol lanmishingna chatkhibadagi thorakpa uphulduna nahakpu kupsinbigani, mahakki sagolsingna khongbagi makhon, amadi mahakki dolaisinggi kangkhongdagi thoraka makhonduna, mahakna makhong thangjillakpa matamda nahakki chekpansingdu ningkhaigani hairia matousi ningkhairaba saharda miana ikom komna changbagumna tougani.

11 Mahakki sagolsinggi makhongduna, nahakki saharda leiriba lambel pumnamak sinba thungna nettuna chatkani, makhoina nahakki mishingdu thangna yangani, matamduda nahakki napanggal leiraba yumbisingdu tugani.

12 Nahakki leijariba narandu munduna pukhigani. Nahakki lalon-itikki potsingdusu ngamnamak mangkhragani, nakhoigi chekpandusu ngamnamak tukhragani, nahakki phajana sajaraba yumsingdu chingthubigani, nahakkida leiriba nungsing, u-sing aduga leihaonachingbadu loina samudrada tinkhragani,

13 Asumna nahakna nungngaina sakchariba isheidu namthagani, nahakki sargigi makhondusu tararoi amuk hanna,

14 Eina nahakpu ikok kokpa nung amagumna oihangani, oihangani nahakpu nga phabasingna lang hunnariba maphamdu. Maramsina nahak keidoungeidasu chaokhatapa ngamloi. Ishor oiriba eina hairibasingsi phongdokkhrabani, masimak Mapu Ibungo Ishor-na haibikhiba wasingni.

15 Tyregi matangda Mapu Ibungo Ishor-na takpikhiba wasing: nahakki leibakta asokpasingna tengthaba amadi mathawai tharabasingduna taduna leiba matamda samudra mapanda leiribasingduna madu taraga thak thak nikloidra? 16 Masigi matungda samudra mapanda tariba ningthou machasingduna singhasan thadoktuna makhoina setliba mapan lollaba phisingdu louthoklaga kiba amadi thak thak nikpadu phi oina setkani. Makhoina leimaida phamduna mikup khuding kibana thalladuna nangonda yenglakkani 17 Matangduda makhoina nahakpu uraga tengtharaduna hairakkani:

hey maikei sinba thungna phaoramba sahar, karamna nahak mangkhriba samudra iyaidagi, nahakki leibakta lebasingdugi mapanggaldu leibadai samudragi lanthong sinbada, samudra khongbal thungna kanana kihallibano?

18 Samudra mapanda tariba leibaksingdu nahakna tuba numitta thak thak nikle, nahakki aroiba matamsi ubada samudrada leiriba ithatsingdu pukning lumdre.

19 Mapu Ibungo Ishor-na takpikhiba wasing: Taibang mi tadraba sahar amagumna nahakpu eina leikangla ollaba sahar ama oihanba matamda, samudradu nahakki nathakta tahanba matamda, mapan naidraba ichao laktuna nahakpu lakhatpa matamda, 20 Eina nahakpu asithenda chatlibasinga loinana leikha tahankhiba nattra? Mamangngeida leikhidraba mishingduga loinana nahakpu atoppa taibang amada leihangani. Taibang semba hourakpa matamda leiramba mang taknaba mapham asithenduda nahakpu leihangani. Maramsina nahakki lamsida taibang kanasu leiraroi, taibang chinjak chariba kanasu nahakki naphamda leiraroi. 21 Nahakki aroibadu akibagi masak oihangani. Maramsina nahak taibangsida leiraroi. Nahakpu kanagumbana thiba yai adubu nahakpu mapham keidasu phanghalloi. Masimak Mapu Ibungo Ishor-na takpiriba waphamni.