Luke 6
Potthaaba numit ngaakpa
( Matthew 12.1-8; Mark 2.23-28 )
1 Asum thoklare, potthaaba numit amada Ebungngona louyaaida chatlingeida, ebungngogi sebokshingna gehu chaarong hektuna makhoygi khutna noiraga chaarammi.
2 Touegumsung pharisi kharana haay, potthaaba numitta touba hounadaba thabak karigi nakhoyna touribage?
3 Amasung Jesusna makhoyda khumlak-e, Davidna mahaak amasung mahaakka loynabashingna laamlaba matamda kari toukhiba,
4 Haaybadi, mahaakna Eeshorgi sangda matou karamna changkhibage, purohit shing nattana chaaba yaadaba auttal adu mahaakna louduna chaakhibage, amasung mahaakka loynabashingdasu pikhibage, haayba asi phaaoba nakhoyna paadabra?
5 Aduga Jesusna makhoyda haay, migi machaanupa adu potthaaba numitki mapuni.
6 Amasung atei potthaaba numit amada asum thoklare, Ebungngona loysangda changshinduna tambire, aduga maduda makhut yet-thangba shithaba mi amaa leirammi.
7 Amasung shaastragi ojaashingna amasung pharisi shingna ebungngogi maraal phangba yaana-naba, potthaaba numitta Ebungngona anaaba phahan-gadra haayduna lumduna yenglammi.
8 Touegumsung Ebungngona makhoygi waakhal khanglammi, aduga makhut naamma shithaba nupaa aduda haay, hougat-lu amasung mayaaida lepu. maduda mahaakna hougattuna leple.
9 Aduga Jesusna makhoyda haay, eina nakhoybu hangli, potthaha numitta aphaba nattraga phattaba touba, thawaay kanbiba nattraga maanghanba hounabra?
10 Amasung Ebungngona makhoy pumnamakta koyeng yenglaga maangonda haay, nakhut tingthok-u. Aduga mahaakna madu toubada, mahaakki khut hannagum phakhre.
11 Maduda makhoyna khoidou sikladuna Jesusda kari touba yagadage haayna makhoy amaga-amaga ngaangna-rammi.
Sebok taraanithoi
( Matthew 10.1-4; Mark 3.13-19 )
12 Matam aduda asum thoklare, Ebungngona chingda haayjana-naba chatkhare; amasung Ebungngona ahing nongshoyba Eeshorda haayjaduna leirammi.
13 Nonggallabada Ebungngona sebokshingbu manaakta kouraga, makhoydagi taraanithoibu khan-gatle, aduga makhoybu paakhon-chatpa mamingsu tholle;
14 Adudi maming Petersu kounaba Simon amasung mahaakki manaao Andrew, James amasung John, Philip amasung Bartholomew,
15 Matthew amasung Thomas, Alphaeusgi machaanupa James amasung Zealot kouba Simon, 16 Jameski machaanupa Judas amasung yeknabagi michang oirakkhiba Judas Iscariot makhoy asini.
17 Amasung Jesusna makhoyga loynanaa kumtharaktuna leitem mannaba mapham amada leple. maduda ebungngogi yamlaba seboksing, yamlaba Judea miyamsing, Jerusalemdagi, aduga, Tyre amasung Sidon-gi samudra mapaandagi miyamsingna, ebungngogi waa taananaba amasung makhoygi laaina makhei phahanbinanaba, miyaamsingna laakle;
18 Aduga shengdaba thawaayshingna noihatpashingbu phahanbirammi.
19 Amasung miyaam pumnamakna ebungngobu shokchanaba hotnarammi, maramdi ebungngodagi matik thoklaktuna pumnamakki anaaba phahanbirammi.
Yaaiphabashing amasung awaabashing
( Matthew 5.1-12 )
20 Amasung Ebungngona mahaaki sebokshingda mit yengkhattuna haay, laairabasa, yaaiphei, maramdi Eeshorgi leibaak nakhoygini.
21 Houjik lamlibasa, yaaiphei, maramdi nakhoybu thal-hanbigani.
22 Houjik kaplibasa, yaaiphei, maramdi nakhoyna noklagani; migi machaanupa adugi maramgi damak mishingna nakhoybu tukkachaba, khaaidokpa, cheiba amasung nakhoygi naming phatte haayduna enthokpa matamda, nakhoy yaaiphei.
23 Numit aduda haraaoduna chongkhatlu; maramdi, yeng-u, swargada nakhoygi manaa-chaaowi; maramdi matou asigumna makhoygi mapaa mapuna Eeshorgi waa taakthokpa shingda toukhibani.
24 Touegumsung enaakkhunba nakhoy awaabanida! maramdi nakhoyna nakhoygi apha-nungaiba phangkhre.
25 Houjik puk thalliba nakhoy awaabanida! maramdi nakhoy lamgani. Houjik nokliba nakhoy awaabanida! maramdi nakhoy tengthaaduna kapkani.
26 Mi pumnamakna nakhoygi maramda aphaba ngaangnaba matamda awaabanida! maramdi matou asigumna makhoygi mapaa mapuna Eeshorgi waa taakthok-shinnaba shingda tourammi.
Yeknabashingbu nungshiba amasung mishingbu waayendaba
( Matthew 5.38-48; 7.12 )
27 Touegumsung taariba nakhoyda eina haayri, nakhoygi yeknabashingbu nungshiyu, nakhoybu tukkachaba shingda phajanaa toubiyu,
28 Nakhoybu siraap pibashingbu bor piyu, nakhoybu usittana toubashinggi damak haayjabiyu.
29 Nangbu nakhajaai amada phuba maangonda atoppa adusu yaabiyu; amasung nanggi ennaphi munkhiba mahaak aduna nanggi phuritsu munbada khaamganu.
30 Nangonda nijaba khudingda pinou; amasung nanggi napot nachei loukhiba aduda amuk thou-ruganu.
31 Amasung mishingbu nakhoyda touhanningbagumna, nakhoynasu makhoyda adugumna tou.
32 Aduga nakhoybu nungshibashingbu nakhoyna nungshirabadi, nakhoyda kari thaagatpham leibage? maramdi paap chenbashingnasu makhoybu nungshibashingbu nungshi.
33 Amasung nakhoyda aphaba toubibashingda nakhoyna aphaba toubirabadi, nakhoyda kari thaagatpham leibage? maramdi paap chenbashingnasu adumak touwi.
34 Amasung nakhoyna phanggani ningba makhoy aduda puthoklabadi, nakhoyda kari thaagatpham leibage? Paap chenbashingnasu adup amuk phangnanaba paap chenbashingda puthok-e.
35 Touegumsung nakhoygi yeknabashingbu nungsu nungshiyu, aphabasu toubiyu, amasung khak nungsha thidaduna puthoku. maduda nakhoygi manaa chaaogani, aduga nakhoy ehen henba adugi machaashing oigani; maramdi toubimal khangdabashingdasu phattabashingdasu ebungngo mahaakna chanbi.
36 Nakhoygi napaana nungshibiba-gum nakhoyna nungshibiyu.
37 Amasung waayenluganu, aduga nakhoybu waayenbiroi; amasung laalhalluganu, aduga nakhoybu laalhalloi; thaadokpiyu aduga nakhoybu thaadokpigani
38 piyu, aduga nakhoyda pibigani; aphaba chaangda, namthaaduna, nikshinduna, paathokna makhoyna nakhoygi thabakki khaoda haappigani. Maramdi nakhoyna olluriba chaang aduna nakhoyda amuk ollagani.
39 Amasung Ebungngona makhoyda paandam amasu haay, mittaangbana mittangababu lamjingbiba ngambra? Makhoy animak komda taaroidra?
40 Sebokna maagi ojaagi mathak natte, touegumsung tamba changkhollaba mi khuding maagi ojaagum oirakkani.
41 Aduga nangmakki namitta khangel leiba adu khandaduna, nanggi nachin nanaaogi mamitta thunamba leiba adu karigi yenglibano?
42 Nangmakki namitta khangel leiba adu udaduna, karamna nachin nanaaoda, echin-enaao, namitta leiba thunamba adu louthokpige, haayba ngambage? Apha shaajaningba, nangna ahaanbada nanggi namittagi khangel adu louthokkho, amasung matung aduda nangna nachin nanaaogi mamitta leiba thunamba adu louthoknaba shengna ugani.
43 Maramdi phataba uhei paanba aphaba upaambi, aduga aphaba uhei paanba phataba upaambi leite.
44 Maramdi maagi maagi mehei-maktana upaambi khudingbu khangnei. Maramdi mishingna tingkhang paambidagi heiyit, aduga tingkhang paanba mongsongdagi angur mahei heknade.
45 Aphaba mina maagi thammoigi aphaba pukeidagi aphaba adu puthok-e, amasung phattabana phattaabadagi phattaba adu puthok-e; maramdi thammoigi ayaamba leiba adudagi machinna ngaangthok-e.
Waa taaba amasung enba
( Matthew 7.24-27 )
46 Amasung nakhoyna eina haayba hiram adu toudaduna, eibu Eeshor, Eeshor, kouba karigino? 47 Eingonda laaktuna, eigi waashing taaraga touba mi khuding adu kanaga mannaba eina nakhoyda utke.
48 Mahaakti touduna luthahallaga, nungjaao mathakta yumpham thonduna yum shaaba mi amagumbani; aduga eeshing eechaaona hourakpada, echel aduna yum adu yeire, amasung madu lenghanba ngamde, maramdi madu ningthina shaabani.
49 Touegumsung taaraga toudaba mahaak adudi yumpham yaaoduna leibaak mathakta yum shaaba mi amagumbani; echelna yeiraga, madu hek pumtu ture, aduga yum adugi tekpa adu yaamna thikre.