2 Chronicles 20
Edomgi mathakta laandaba
20 Matam khara leiraga Moab, Amoni amadi Meunisingna Judahda laandara klammi. 2 paaopuba kanaagumba kharana laaklaga Jehosaphatta haayrammi, "ipak waangmadagi nahaakki nathakta laandanaba laanmi mapei amaa Edomlomdagi laakle. Makhona laambelda Hazezon Tamar lou-sinkhre. (masi En Gedagi atoppa maming amani) 3 maasi taabada Jehosaphat kirammi maramsina Eesor-da Lamjing-binaba khurumjarammi. Masiga loynanaa leibaak sinbaa thungna chara hennaba paao thaarammi. 4 Judah-gi mapham ateida leiriba misingna Jerusalemda Eesor-gi laaibao tajanaba laaklammi. 5 Makhoy singduga loynanaa Jerusalemda leiriba miyaamduna ningna sanggi anouba sumangduda tillammi. ningthou Jehosaphatna makhoygi mamaangda leplammi amasung 6 makhoyna houna haayjarammi, " eikhoygi epa epu-singna ninglamba epurou Eesor, taaibangsida leiriba jaat khudingmak ebungngo nahaakna koirouthakta waayelbiri. ebungngodu paanggal leibani amadi matik magun chaaobani. maramsina kanaasu ebungngo-ga lanba touba ngamde. 7 ebungngo nahaak nanaai eikhoygi epuroini. ebungngo-gi mi oiriba Israelgi misingna leibaaksida laakpa matamda ebungngona maphamsida leiramba misingdu taanthokpiduna Abraham-gi chaaron-suronda leibaaksi sinnabikhi. 8 makhoyna maphamsida leiduna ebungngobu ekaai-khumnaba uttuna ningna sang amaa sajakhre. Karigumba saabao laanbao, laayna laaichat amadi chaak-tangbanachingba thokpa matamda ningna sangsigi mamaangda leptuna ebungngobu khurumjaba yagani haaybasi makhoyna khangjakhi. makhoyna awaaba taaba matamda ebungngo-gi maphamda haayjabada ebungngona makhoybu kanbigani haaybasi soidabani.
10 "houjikti Moab, Amon amadi Edomgi misingna eikhoygi ethakta laandarakle. eikhoygi epa epu-singna Egypt thaadoktuna laakpa matamda, ebungngona makhoyna taariba lamduda eikhoybu changhanbikhide maramsina eikhoyna koyna laakkhi. Makhoybu awaaba taahankhide. 11 makhoyna houjik touribasidi eikhoybu ebungngona pinabikhiba leibaaksidagi taanthoknabagidamakni. 12 ebungngodi nanaai eikhoygi epuroini maramsina makhoybu matik thaokpa awaaphamda taahanbiyu yaamkhraba laanmisigi mamaangda nanaai eikhoyna keidoujaba ngamgani. nanaai eikhoy kari tougani haaybasi khang-jadre adubu nanaai eikhoyna ebungngo-da tenbangbinaba haayjaribasini."
13 Judah-gi misingna matumachaasinga loynanaa ningna sanggi maangda lepcharammi. 14 Matamsimaktada Eesor-gi thawaayna Levi amada changlammi. Levidugi maming Zechariahgi machaa-nupaa Jahajeiel haaybaduni. mahaak Asaphki saageigi mi amani. Asaphtagi mathang mathang oinaa Mattaniah, Jahaziel amadi Benaiahgi chaaron-suron oirammi. 15 Jeho-saphatna haayrammi, "iningthou, Judah amadi Israelda leiriba mi pumnamak, Eesor-na asumna phongdokpiri maadudi nakhoy thoidokna ningba kaipharoi amadi masing yaamle haayriba laanmisi nakhoyna thengnaba ngamloidaba natte. Laanphamsi ebungngona soknagadabani. nakhoyna soknagadouba natte. 16 Zizdagi laakliba laambeldugi mayada makhoybu hayeng laksinba ngamgani. Jerusalemgi nongpokthangba tampaakki aroibaduda oknou. 17 Laan changbagi thoidokpa kanaba leite. echam chamna laangi thouraang touduna ngaaiduna leiyu. Masida Eesor-na kari touba ngambage haaybadu ubaa phanggani. ebungngona nakhoygi damak lansi soknabigani. he Judah amadi Israel, kiganu adugaa khoiraang khoisaaoba touganu. Laan thengnou soydana Eesor-na nakhoyga loinabigani."
18 Masida ningthou Jehosaphatna leimaayda nonthaaduna Eesor-bu khurumjakhi. ningthouga loynanaa leiriba miyaamdusu numittuda Eesor-bu khurumjakhi. 19 Kohath amadi Korahgi saageigi Levisingna lepkhatladuna khonjen waangna Israelgi mapu ebungngo, Eesor-bu khurumjarammi.
20 Mathanggi ayukta makhoyna Tekoagi lamhaangdu taanna chatlammi. makhoyna asum chatlingei matamda Jehosaphatna haayrammi, "Judah amadi Israel machaasing, Eina haayjariba waasi tabiyu. nakhoygi napuroi Eesor-bu thaajou. Eesor-gi waa phongdokliba maichousingdusu thaajou. adu oirabadi nakhoy maay paakkani." 21 Mahaakna miyaamduga waasi ngaangnaba loiraba matamda Eesor-gi maphamda thaagat esei sakkadoubasing khandokkhi. Laan chatpa matamda esei sakpasingsina Eesor-gi ningna sangda sakpagumna saklammi. makhoyna haayrammi: Eesor-bu thaagatsi maramdi ebungngo mahaakki chetna channa nungsibadu matam leibada lengdana lei."
22 makhoyna esei sakpa hourakpa matamda Eesor-na yeknabagi laanmisingdu akibaa pokhallammi. 23 Amoni amadi Moabki laanmina Edom-singbu laksinkhi adugaa mameithangda makhoy masen onsinnaduna yaamna tamthiba maongda khatnakhi. 24 Judah-gi lamhaangda sariba Laanjabunggi awaangba sagaiduda kaaduna yengba matamda miyaam marakta asibaa mi kayaa taaduna leiba urammi. Kanaagumba amaa phaaoba naanthoktuna chenkhide.
25 Jehosaphat amadi mahaakka loynariba laanmisingduna laanda hundoklamba potsing lounanaba thoklakkhi. makhoyna masida san, chaana thaaknaba potsing, phi amadi mamal yaamlaba pot kayaa phangkhi. makhoyna potsingdu khombada numit humni changlammi adubu potsingdu yaammankhibana loina khomjinba ngamkhide. 26 Marinisuba numitta makhoyna Berakah kouba lamduda leiriba tampaaktuda tinnaduna Eesor-bu thaagatlammi. maramsidagi tampaaktu Berakah koukhi. 27 Laan ngamladuna Jehosaphatna laanmisingdu puduna Jerusalemda hallakkhi. Laanphamsida Eesor-na makhoybu maay paakhanbikhi. 28 makhoyna Jerusalem youba matamda ningna sanglomda changsinduna pena, sargit amadi pere singanachingba khonglammi. 29 Eesor-na Israel-gidamak laan thengnakhi haaybasi akoybada leiriba Jaatsingna taarabada mapukningda akibaa amaa poknakhi. 30 Jehosaphatna pallingeida leibaak mara tapllammi maramdi Eesor-na engthaba pinabirammi.
Jehosaphatki aroiba matam
(1 Ning 22:41-50)
31 asumna Jehosaphatna Jerusalemda ningthou oiduna pankhi. Mahaakna phambaal tongba matamda masaagi chahi kunthraamanga surammi. mahaak Jerusalemda chahi kunmanga ningthou oiduna pankhi. 32 mahaakki mapaa Asagumna Eesor-gi mityengda masina chummi. haaybadu yengduna aphaba thabak tourammi. 33 asengba maphamsingni haayna mina lounaramba maphamsingdu loina muthatpadi ngamkhide. maramsina mapaa mapuna ninglamba Eesor-duda thawaay hakchaang amatta oinaa ningkhide.
34 Jehosaphatna touramba thabaksing ahoubadagi aroiba phaaoba eduna Israelgi ningthourongi laairikki saruk amaa oiriba Hananigi machaa-nupaa Jehuna eba etihasta yaaori.
35 Matam amada phattaba thabak toubatana mangoinaraba Israelgi Ahaziahga ningthou Jehosaphatka mari leinarammi. 36 Eziongebergi hi thangphamda makhoyna hijaao sarammi. 37 Maresahda leiba Dodavahugi machaa-nupaa Eliezerna Jehosaphatta haayrammi, "nahaakna Ahaziahga tinnaba maramna Eesor-na nahaakna toukhiba pumnamak mahei yalhalloi. asumna mahaakna saaba hijaaodu kaayduna Tarsista chatpa ngam-khide.