1 Samuel 13
Philisti-singgi mathakta laandaba
13 Saulna ningthou oiba matamda masaagi chahi yaangkhei surammi. Israelgi ningthou oinaa chahi kunnithoi pankhi. 2 Saulna Israelgi manungdagi mi 3,000 khak khandokkhi. Mikmasta amadi Bethelgi chingda mi 2,000 na Saulga loynanaa chatkhi. adugaa atoppa lising amaduna nachaa-nupaa Jonathanga loynaraga Benjamin-gi salaaigi lamda leiba Gibeah kouba maphamda thaarammi. Lemhouba misingdu Saulna mayumda thabikhi.
3 Gebada leiriba Philisti-singgi laanbandu Jonathanna thugaayrammi adugaa Philisti-singna haayribasi taarammi. Masigi matungda Saulna paao chatpa mising thaaduna Hebrewsing thoraktuna laanthengnanaba leibaaktu sinbaa thungna pere kongnanaba khanghallammi. 4 Israelgi misingna Saulna Philisti-singbu haatle adugaa Philisti-singna makhoybu tukkachana yengba hourakle haaybasi khangkhi. miyaamna Gilgal taanna laaktuna Saulgi matung enkhi.
5 Philisti-singna Israelga laanthengnanaba mising thirammi. Makhoygi sagol gari 3,000 leirammi, sagol gari thouba 6,000, adugaa lanmisingdi turenda leiraida leiriba leingoi gumna mising yaamlammi. Bethelgi nongpok Mikmasda laanban saakhi. 6 makhoyna Israelgi mathakta akanba laanpham amaa taksillakkhi. adugaa Israelgi misingbu yaamna luraba phibhamda tahan-khi. Israelgi mi kharadi surung, makhun ahoba, kom amadi guhanachingba maphamsingda chenduna lotkhi. 7 Kharana Gad amadi Gileadki lamda phokhiduna Jordan laankhi. Matamsida Saul Gilgalda leirammi. mahaakka loynanaa leiriba misingduna kibana thak thak nikkhi.
8 Samuelna haanna haaykhiba matung ennaa mahaakna maphamduda Samuelbu numit taretni ngaaiduna leirammi. adubu matamdu youba phaaoba Samuel laakkhide. misingna Saul bu thaadoktuna chatpa hounarakrammi. 9 maasi ubada Saulna haayrammi, "meida thaaduna katkadaba amadi lamdaai sumdaaigi thougi potlamdu eigi enaakta pusil-lak-u." Mahaakna khudaktuda meida thaaduna tougadaba thoudu toukhi. 10 Meida thaaduna katpa thoudu hek loiba matangda Samuel laaklammi. Saulna chenthokkhiduna Samuelbu okkhi adugaa ekaai-khumnaba utcharammi. 11 Samuelna haayrammi, "kari kari toukhre?"
Saulna khumlammi, misingna eibu thaadokpa hourakkhi. ebungngosu lakpigani haayba matamda lakpidrabada upai leiramde. Asigisu mathakta Philisti-singna Mikmasta laanban saaduna peiduna leirammi. 12 Upai leiraktrabada eina khallammi maadudi Philisti-singna Gilgaldasu laandarakpa taare. Eina Eesor-gi bordu thounihouba chummi." maramsina thouni amadi paangthoktaba yaade haaybasi eigi waakhal oirammi.
13 Samuelna haayrammi, "nahaakna touribadu achumba natte. Napuroi Eesor-na nangonda pibikhiba yaathangdu nahaakna ende. Karigumba nahaakna yaathangdu kaidana chatlamlabadi ebungngo mahaakna nahaak amadi nahaakki chaaron-suron phaaoba Israelgi mathakta ningthou oinaa palhallamgadabani. 14 houjikti nahaak yaamna kuina pallaroi. Nahaakna Eesor-bu thouoide maramsina Eesor-na Mathawaaina paamba mi amaa khanba taay. Adugumba nupaaduna ebungngo-gi misinggi mathakta waayel-gani."
15 waasi haairamlaga Samuel Gilgaldagi Benjaminda leiba Gibeahda chatkhi. Saulna loynariba mising masing thibaada 600 surammi. miyaam amasu Saulgi tung enduna Gilgal thaadoklaga Benjamin-gi lam Gibeahda chatkhi. 16 Saul amadi machaa-nupaa Jonathan anina laanmisingga loynanaa Benjamin-gi Gibeahda laanban saaduna leikhi. 17 Philisti-singgi laanmisingduna laanbandagi kaanglup ahum thokna laanjangkhi. kaanglup amanaa Sualgi lamda leiba Ophrahdagi taksillakkhi. 18 atoppa kaanglup amanaa Beth-Horonda laakkhi. ahumsuba kaangluptuna lamhaanglomda leiriba Zeboyimgi tampaaklomdagi taksillakkhi.
19 Israelgi misinggi marakta yotsuba mising leiramde. Philisti-singna maasi khaangduna haaykhi, "yot subaa heiramlabadi Israelgi misingsi thang amadi tanachingba pairamgadabani." 20 Israelgi misingna Philisti-singgi yotsuba misingda langon machin yotpak amadi singjangnachingba semhallammi. 21 Langgon machin semba amadi singjangnachingba maya thangbada shekel amagi ahum thokpagi ani lourammi. adugaa yotpak, thangjou amadi thaanggol maya thangbagina shekel amagi ahum thokpagi amaa lourammi. 22 maramsina laan thengnaba numitsida Saul amadi Jonathan nattana kanaanasu thang-ta pairamde.
23 Philisti-singna kaanglup amaa thakhraga Mikmaski lambidu thingkhi.