Ezekiel 9

Jerusalembu awapham tahanba

9 Mahakna eigi inada khonjel houna laoraduna hairammi, "saharsigi wayeljei pairiba, mang taknabagi khutlai pairibasingsi nakna kousillu." 2 Yengu, mathaklomda phatliba sannathonglomda nupa tarukkhak thora klammi. Mamai awang onduna phatliba thongdudagi nupasingduna magimagi makhutta mi hatnanaba khutlai amamam pairaduna thora klammi. Makhoiga loinana kabranggi phi setpa nupa ama yaorammi. Mahakki nakanda lairik inaba mukphu amasu leirammi. Makhoina thoraklaga pithraigi phankhong leiribadugi nakanda leplammi.

3 Matamduda Israelgi Mapu Ibungogi matik mayai karubimda leitengduna leiribadu ningnashanggi langei leiribaduda nganthoirammi. Nakanda lairik inaba mukphu pairiba kabranggi phisetpa nupadu mahakna kourammi. 4 Ishor-na mangonda hairak-i, "Jerusalemgi saharsi phaoduna chatlu. Masigi manungda toukhriba tukkachabagi masak oiraba thabaksingsibu uraga sor phuina amadi tengtha naoriba mishingdugi maraibakta khudam amamam thammu." 5 Ateida haibadu eina tarammi, "saharsi phaoduna mahakki matung induna chatlaga hatlu. Nakhoi minungsi yengba yade. Thoujalgi iriktu utpa yade. 6 Ahan, naha, nupi angangnachingbasingdu tengna hatlu adubu khudam thamkhrabasingdu sokpa yade. Hairibasi eigi ningnashangsidagi houna tougadabani. Asumna makhoina ningnashanggi mamangda leiriba ahansingdudagi hourammi. 7 Mahakna makhoida hairak-i, "ningnashangsi mangthok-u, asibagi masana maphamsi ithan thanna tahallu. Hairibasi touro. Asumna makhoina chatkhiduna saharduda leibasingdubu tumna hatpa houra klammi. 8 Makhoina asumna mishingdu hatlingei matamda eihak itomta ngaihoure. Imaisi leida lukladuna eina kapladuna hairak-i, "he Mapu Ibungo Ishor, nahakna Jerusalemgi mathakta nahakki asaoba meiritahanba matamsida Israelgi mishingsi loina manghankhragadra?"

9 Matangduda mahakna eingonda hairak-i, "Israel amadi Judahgi imung manungna toukhiba papsingdu mapa leitrabani. Leibaksida takhriba eesi yengu. Saharsingda leiriba aranba thabaksingdu khangu. Makhoina hairi, "Ishor-na leibaksibu thadokpiramle. Ishor-na maphamsida touribasingsi ude.' 10 Eina tougadabadudi asini eigi imitsina udaba pot leite. Eina thoujan utkadaba leitre. Ahoinadum makhoina toujaba thabakki maheidu makhoigi makokta tahan-gani."

11 Yengu, nakanda mukphu yalliba kabranggi phi setpa nupaduna mameithangda wa haibira klammi, "Ibungona yathang pinabiba matung inna nanaina yathangdu ikokna thongna pujari."