Psalm 1

Ahanba saruk (1-41)

Yaiphaba

1 Phattaba mishinggi paotak loudaba, aranba touba mishinggi tungilludaba, mibu phattanaba ngangbasinggi matousu tamludaba midu yaiphabani.

2 Makhoigi nungngaibadi Eshorgi puyadu injabani, Ibungogi yathangdubu ahing nungthin animakta sonjei.

3 Adugumba mishingdudi chelliba ichelgi torbanda thakhraba, mana khuithaba naidraba upalduga pankhakni. Makhoina toujaruba khudingda yaiphabata oi.

4 Phattaba mishingdu makhoigumna oiba ngamde. Makhoidi nungsitna humduna puriba phouhamgumbani.

5 Maramsina phattabasingdu wayal cheirakki mangda leppa ngamde, Mapu Ibungogi manaisinggi maraktagi makhoi tongan tagani.

6 Achumba toubasingdu Eshorna ngakpi, adubu phattaba toubasingdu tumna manggani.