Isaiah 48
Eeshordi matam leibada lengdabani
1 Jacobki emung manunggi mishing, waaphamsi taro, Israel haayna khangnariba misa, nakhoysu taro, Judahgi eedagi hourakpa misa, Eeshorgi minglendu panduna chaaothokchariba, pukchel amadi thamoidi shengdaba misa, nakhoyna waaphamsi taro.
2 Koujarabasu nakhoyna ashengba saahar amagi mishingni haayna, ngaijadunasu nakhoyna Israelgi Eeshor bu, koubani mahaakki mamingdi nongthak nongkha anigi mapu, Eeshor haayna.
3 Matam kayagi mamaangda laaothokkhre eina tungda thokkadaba waashingdu, haaydokkhi eigi echinsina haayriba waashingdu, khanghoudana eina haayribashingdu thok-hankhi.
4 Nakhoy thamoi kanba mishingni haayna eihaak khanglammi, lin-gi nakhoygi nangaktu yotki matougumna pisumdu nakhoygi matougummi pithraai,
5 Thaaynadagi houna nakhoyda haayribashingsi takthokkhiba nattra, haayribashingsi thoktringeida nakhoyda eina haaykhi, natlamdrabadi nakhoyna haaygani, “eigi laai murtiduna maasi toukhibani, eigi nungna amadi yotna shaaba laai murtina thok-hanbani haaygani."
6 "Nakhoyna pumnamaksi taredo, houjikti yeng-u, aduga nakhoyna uribadu nakhoyna haaydokloidra? Ngasi haayba nongsidagi nakhoybu eina anouba waa kayaamarum taahangani, aronba pot kayaa nakhoyna amukta takhidriba.
7 Matam ekui kuidana haayribashingsi oihankhibani, ngasi haayba nongsigi mamaangda nakhoyna haayriba potshingsi khangkhidri. Natlamdrabadi nakhoyna haaygani, "eidi haayribashingdu haanna khang-e."
8 Makhoyna keidoungeidasu takhidri, keidoungeidasu nakhoyna haayribashingsi khangkhidri, thaainadagi houna nakhoygi nanaduna haayribashingsi takhidri, nakhoyna yaamna tamthiba lamchat chatkani haaybasi eina haanna khang-e, nakhoydi pokpadagi houna laan houba pukchel chenbashingni haayba khang-e,
9 “eigi emingsigi matik mayaaidu ningshingduna eina shaaoba pumnamak hantharibani eigi minglenbu mina thaagatnabadugi maramna nakhoygi naphamda eina asuk kuina khaangduna laaklibani, maramsinani eina nakhoybu manghandribasi.
10 Yeng-u, nakhoybu eina shengdokpirabani, adubu silver sungbagumnadi toudabani, laaknare nakhoybu eina awaabagi meiphuda,
11 Eigi eramgidamak eigi esunglanggidamak haayribashingsi eina toukhibani, matou karamna eigi mingsi nakhoyna mangthokpa ngamgadage? eigi etik eyaaisi ateida pithokpa yaaroi
Ebungngona khandokpa Cyrus
12 "He Jacob, eina haayba waashingdu taro, eina kouthokkhiba Israel nakhoysu eina haayba waasi taro, Eini Eeshordu, Eina ehan hanbaduni, Eini aroibadusu,
13 Malemsigi yumphamdu eigi ekhutsina hunkhibani, eigi ekhut yetsina nongmadonsi shandokkhibani, eina makhoyshingsi kouthokpa matamda maagi maagi maphamda lengdana lepkhi.
14 "Nakhoy pumnamak tinnaro aduga eina haaygadaba waasi taro, makhoygi marakta kanaana eina haayribasi haanna haaykhiba leibage? Eeshorna nungshina touriba nupaaduna Babylonbu thugaaygani, mahaakki makhuttu Chaldeanshinggi mayokta thaagani,
15 Ei eshamakna maangonda haaykhrabani, eina mahaakpu koukhrabani, eina mahaakpu shougatkani aduga mahaakna chatpa mapham khudingda chaaokhatpada oigani,
16 Eigi enaakta changsillak-u aduga eina haayriba waasi taao, mamaangeida eina nakhoyda lonna waa ngangkhidri, taaibang-paansi shemba houba Matamdudagi houna eidi leiraklabani, Eeshor mapuduna eibu thabirakpani aduga mahaakna eingonda happire mahaakki thawaaydu.
Eeshorna thouraang toubiba
17 Nakhoygi lanbiba Israelgi shengthoiraba Eeshorna haaybiri, "Eini leiningthou, nakhoygi Eeshor, eina nakhoygi phanabata haaykhi, nakhoyna chatkadaba lambiduda nakhoybu chingbikhibadu Eini,
18 Nakhoyna eina touba yaathangdu ellamlabadi, nakhoygi yaaiphabadu turenda eeshing chonna chenbagumna oiramgadabani, samudrada laakliba ethakkumna oiramgani nakhoyna touba thabak khudingda, nakhoygi nachaa nasudu leingoimuk yaamlamgadabani, mahei marong mashing thibaa ngamdabagumna nakhoygi dhaaraadu yaamhan-gadani, makhoygi mamingdu mutlamloidabani, maanghallamloidabani makhoybu eigi mityengdagi.
20 Babylonbu thaadoktuna chello, Chaldeandagi khongdoy hallo, haayriba waaphamsi nungaairaba khonthokka loynanaa laaothok-u, paaosi maalemsigi aroiba maphamdu youba phaaoba thakho haayyu, "Eeshorna manaai Jacobpu kanbire."
21 Mahaakna lamhaangda makhoybu chingduna pubiba matamda makhoybu khouraanghankhide, chinglaktagi mahaakna laaija eeshing chelhankhi, mahaakna loibi chingshingdu thugaayduna laaija eeshing laak-hankhi,
22 Eeshorna taakpiri, "phattaba mishinggidi engthaba leite."