1 Kings 1

Ningthou Davidna ahan oirakpa

1 Ningthou David ahan yamna oiram-i. Manaisingna pheijup maittha supidunasu masa sagatpa yamna waram-i. 2 Maram-sina manaisingna hairam-i, "iningthou Ibungogidamak naha oiribi nupi ama thidu-na Ibungogi seba touhanbana aphaba oigani khanjei. Leisabisina Ibungoga punna yataminnaduna Ibungogi hakcha-ngdu sagathanba ngamgani." 3 Maramsi-na miyamna Israel thungna masak matou phajabai nupi ama thiba matamda Shune-mda Abisag koubi masak matou phajabi nupi ama thengnakhi aduga mahakpu ningthougi manakta purakkhi. 4 Hairibi lei-sabisi thoidokna singthanaba yana phaja-rabi ama oiram-i. Mahakna ningthouga leiminnakhi adubu Davidna hairibi nupisiga phidinnakhide.

Adonijahna ningthou oige taksillakpa

    5 Haggithki machanupa Adonijahna 'eina ningthou oipham tho-i' haina mapukningda ninglammi. Maramsina mahakna dolai amadi sagol thouba aduga mangda loina khammin oina chatnanaba akhannaba nupa yangkhei khandokkhi. 6 Davidna keidoungeidasu nahakna asigumba lamchat chatliba karigino haina mahakpu chei thangba touramde. Mahak masak matou yamna phajarammi aduga Absalom-ga thangnaba oirammi. 7 Mahakna Zeruiahna pokpa Joab amadi purohit Abiatharga wa tannarammi. Makhoina mahakpu sougatke haina yakhi. 8 Adubu purohit Zadok, Jehoiadagi machanupa Benaiah, maichou Nathan, Shimei, Rei amadi Davidki akan athousingna Adonijahna touriba thourangsida yaokhide.

    9 Nongma Adonijahna san, yao amadi masa noiraba shalnao puthoktuna En-Rogelgi manakta leiba Zoheleth kouba nungjaodugi nakanda thou tourammi. Thoudoksida mahakna machin manao ningthou machasingbu Barton toukhi. Loinana Judahgi phamnaibasingsu koukhi. 10 Adubu mahakna maichou Nathan, Benaiah, amadi akan athousing aduga Solomonbudi koukhide.

Solomonbu ningthou oina thao noiba

    11 Tallaksida Nathanna Solomon-gimama ibemma Bathshebada hairammi, " Haggithki machanupa Adonijahna ningthou oire haibasi ibemma sija tabidribra? Masigi matangda ningthou Davidna karisu khangba leite.12 Maramsina ibemma isagi amadi nachanupa Solomon-gipunsidu kanninglabadi eihak paotak khara pijage. 13 Nahakna tougadoubadi khudaksida ningthou Davidki manakta chatlaga asumna haibiyu: "iningthou, matam amada iningthouna wasaktuna nanaina pokchaba Solomonbu Ibungona phamliba phambalsida ningthou oina phamhanbigani haibikhibadu ningsingbiramgani khanjei. Adu oirabadi Adonijahbu karamna ningthou oihanbiribano?" 14 Makha tana Nathanna hairammi, "nahakna asumna ningthouda wa haiduna leiringei matamda eisu changlakke aduga nahakna hairiba waphamdu achumbani haina pangsillakke."

    15 Maramsina Bathshebana ningthoubi tumpham kada changsinduna Shunem ningol Abisagna seba touduna leiriba ahan oiraba ningthouda 16 Khurumjarammi aduga ningthouna "kari pambage hangkhi."

    17 Bathshebana ningthouda hanggatcharammi, " iningthou Ibungo, nanaida Ibungogi napuroigi minglen panduna nongma nahakki nachanupa Solomonbu eina phamliba phambalsida phamhan-bigani haibikhi. 18 Adubu houjikti Adonijahna ningthou oire aduga iningthouna masigi maramda thoidokpa khangbiba leitri. 19 Mahakna shallaba, yao amadi masa noiraba shalnaonachingba puthoktuna thou toukhi. Maduda ningthou machaching purohit Abiathar, lanmishinggi makok Joab nachingba loina Barton touri adubu Ibungogi nanai Solomonbudi, koukhide. 20 Iningthou Ibungo Israelda leiriba mishingna Ibungogi phambalsi kanana phamgadouribano. Haibasigi maramda Ibungogi yathangtabu ngaiduna leinari. 21 Karigumba iningthouna masida tumin leibiba tarabadi eina pokchaba Solomon amadi nanainubibu maran leiba mini haibasidi soiraroidouba waphamni."

    22 Bathshebana asumna ningthouda waphamsi ningsingduna leiringeida maichou Nathan changsillaklammi. 23 Maichou lakli haibadu ningthouda hairammi. Aduga Nathann manungda changsillaklammi. Ningthouda khurumjarammi. 24 Nathanna haijarammi, iningthou, iningthouna Adonijahbu iningthougi tungda ningthou oiduna Ibungona phambiriba phambal-duda phamgadoubani haina karibumba matamda haibikhiba leibra? 25 Ngasi mahakna shallaba, yao amadi masa noiba shalnaonachingba puthoktuna thounachingba touri. Thoudoksida mahakna ningthou machasing, lanmigi makok oiriba Joab amadi purohit Abiatharnachingba Barton toukhi. Mityeng tabiyu iningthou, ngasi mahakka loinana hairiba mishingsina chakchaheijanari. Makhoina bor piraduna hairi: iningthou Adonijahja, punsi nungsangba oisanu. 26 Adubu nanai maichou, purohit Zadok, Jehoiadagi machanupa Benaiah aduga Ibungogi nanai Solomonnachingba khibik asibudi Barton toukhide. 27 Thokliba thoudoksibu iningthou khangbidabara? Nanai phamnaibasingda Ibungogi tungda asina ningthou oina phambal tonggani haibasi takpikhidribra?

    28 Ningthou Davidna hairammi, "Bath-Shebabu eigi inakta kousillak-u." Bath-sheba ningthougi mamangda changsillaklammi. Mahak lepladuna leirammi. 29 Ningthouna sari pandomduna hairammi," eigi awa-ana kayadagi kanbiraklaba sinaidaba Ishor-gi minglen panduna wasaktuna hairibasini madudi nahakna pokchaba Solomonna eigi tungda ningthou oina pan-gani aduga mahakna eigi ihut sinduna eina phamliba phambalsida phamgani haina eina nahakki naphamda wasakkhibadu ngasi eina leiringeida pangthoklam-lage." 31 Masi tabada Bathshebana ningthoubu khurumjaraduna haijarak-i, "iningthou, punsiba oisanu."

    32 Ningthou Davidna hairammi, "purohit Zadok kousillak-u. Maichou Nathan aduga Jehoiadagi machanupa Benaiahsu kourak-u." hairiba mishingsi ningthougi nakta laklammi. 33 Ningthouna makhoida hairammi, "phamnaibasing kouraga eigi icha Solo-monbu eigi shadong oiriba sagoldu tonghanduna Gihon tanna puduna chatlu. 34 Gihonda purohit Zadok amadi maichou Nathanna Solomonbu ningthou oina abisek toubisanu. Masi loiraba matamda nakhoina " ningthou Solomon punsiba oisanu haina pere khonglaga laogadabani. 35 Nakhoi mahakki tung induna lakkadoubani aduga konung youraklabada mahakpu eina phamliba phambalsida phamhan-gadoubani. Houjikti mahakna eigi ihut sin-duna ningthou oina pan-gani. Israel amadi Judahgi mathakta ningthou oina eigi ithangda mahakna pan-gani."

    36 Jehoiadagi machanupa Benaiahna ningthouda hairammi, "Ibungona takpiribasimak oisanu. Napuroi Ishor-na kubiba oisanu. 37 Ishor-na iningthouga loinabibagumna Solomongasu loinabiba oisanu. Iningthou Davidki phambalsidagi nanai nacha Ibungogi phambalduna henna chaokhat-hanbiba oinabisanu.

    38 Asumna Zadok, Nathan, Benaiah, amadi phamnaibasingna Solomonbu ningthou Davidna shadong oiriba sagolduda tonghanduna Gihon-giiphuttu tanna puduna lakkhi. 39 Maphamduda Zadokna Ishor-gi khangpoktagi purakpa thao happa liklidudagi thao heiduna abisek touduna Solomonda noibirammi. Masi loiraba matungda pere khongduna khonjel amatta oina "ningthou Solomon punsiba oisanu." Haina laorammi. 40 Solomon-gitung illaduna mishingna haraona toudrinachingba khongladuna lakkhi. Makhoina haraoduna laokhiba khonjeldu leibaksi chekkhaigadoubagumna tourammi.

    41 Adonijah amadi mahakki atithisingduna chaba hek loirakpa matamda khon-jensi takhi. Peregi makhondu tabada Joabna hairammi, "saharda nil khonglibasigi maram karino?"

 42 Mahakna wa ngangba loidringeida purohit Abiathargi machanupa Jonathan maphamduda laklammi amasung mahakpu ubada Adonijahna hairammi, "changsillak-u. Nahak matik chaba nupa amani. Nahakna kari aphaba pao puraklibano?"

    43 Jonathanna Adonijahda hairammi, "eikhoigi ningthou Davidna Solomonbu ningthou hapkhre. 44 Ningthouna purohit Zadok, maichou Nathan, Benaiah amadi phamnaibasing loinana Solomon-gitungilhanduna ningthougi khongnet shada tonghallaga, 45 Purohit Zadok amadi maichou Nathan Solomonna ningthou oihannabagidamak Gihonda thao noikhre. Maphamdudagi miyamna haraoraduna laoduna laklibani. Nakhoina tariba saharda nil khongbagi khonjelsi madugini. 46 Houjikti ningthougi phambalda ningthou oina Solomonna phamduna leire. 47 Asigisu mathakta ningthougi manaisingna nungngaiba phongdokpa oina konungda ningthougi nakta atat akham leitana lakhouwi. Miyamna bor piraduna hainahouwi: napuroina ningthou Solomon-gi minglensi iningthou Ibungodagisu henna chaohanbiba oisanu. Mahakki phambaldu Ibungogi phambaldagi matik mayai helhanbiba oisanu." Matamsida ningthou David makok nonthaduna leirammi. 48 Ningthouna miyamda hairammi, "eina hinglingei matamda imitsina una eigi tungda phambalda phamnaba eigi ichasinggi maraktagi ama khandokpiriba israelgi Mapu Ibungo Lainingthoubu wangna thagatkadabani."

    49 Adonijahgi tung illambasingdu nikladung hougatlaklammi. Mana mana thokpa chennakhi. 50 Adonijana Solomon-bu yamna kirammi. Maramsina mahakna Ishor-gi phankhongda machi manna hendoklibadu pairaduna leptuna leirammi. 51 Ningthou Solomonnda hairammi, "Adonijahna ningthoubu yamna kiba maramna ningnashanglenda leiriba phankhonggi machidu paiduna iningthouna mahakpu hatloi haina wasaktuna nanaising thaduna haihandriba phaoba thadoklaroi haire."

    52 Solomonna matangsida hairammi, mahak pukchel tingba nupa ama oiragana samna ama phaoba leimaida taroi aduga marin khoiba nupa oiragan angang ongadabani." 53 Asumna ningthou Solomonna mi thaduna Adonijahbu phankhongdagi purakkhi. Adonijahna konung yourabada ningthou Solomonbu khurumjakhi aduga ningthouna mahakpu mayumda hankhiba yaragani takpikhi.