Job 26

Jobna hairk-i:

26 1-2 Laibak thiraba amadi sollaba eigi iphamda, nahakse kayagi matik iteng oiriba.

3   Nahakna kayada kannaraba paotak piribano aduga nahakki lousingdu eigumba apangba amada pinnaba hotnari.

4   Adubu nahakki wasingdu kanana tagani haiduna nganglibano? Asumna ngangnanaba kanana nangonda panggal pibage?

Bildadna hairak-i:

5   Malemsigi leikhada leiriba laija ishing ironnungda asiba mishinggi thawai phaoba thak thak niklibani.

6   Mapu Ibungogi maphamda asingbasingdu lotpa yade Ibungogi mityengdudagi maikhanna khanjinba yade.

7   Awangbada ukhriba nongmadonsi Mapu Ibungona sembani aduga malemsi yumpham yaodana taohanduna Ibungona thamli.

8   Mapu Ibungona ngambadi leichinda ishing yaohalli, lumthaduna pokkhairakkadoubadudagi Ibungona kanbi.

9   Thabum phaoba Ibungona leichin marumda lotsinba ngammi.

10 Achouba imaida lei ama chinglaga amam angan ani khaidokpa ngammi.

11 Ibungona saum pirakpada nongmadon puriba yumbisingdu nik-i.

12 Ibungogi panggaltana laija ipak laksinba ngammi. Ibungogi lousingtana hingchaba Rahab maithiba piri.

13 Ibungogi sortana nongmadonsi senghalli,Ibungogi khutna nanthokkhiba hingchabasingdu hatkhibani.

14 Adubu hairibasingsidi Ibungogi matiktugi machet amattani, Masidi eikhoina nakongda tuminna wa haibada tabagumbani. Mapu Ibungo kaya matik magun leiba kanana kahangbage?