1 Kings 8
Ningnashanglenda areppa waashakki phambaal purakpa
1 Israelgi tribeshing amadi shaagei khudinggi luchingbashingdu Solomonna koukhatkhi. Ningthou Solomongi maangda luchingbashingdu tinkhi. Makhoyna Davidki saahar Ziondagi areppa waashak khangnaba phambaaldu Jerusalem taanna puraknaba thouraang toukhi.
2 Miyaamdu Ethanim thaada shaaidaangbagi chaakkhaangba paangthokpa matamda amatta oinaa ningthou Solomongi maangda tinkhi.
3 Israelgi ahanshing amadi purohit shingna phambaaldu pukhi.
4 Eeshorgi phambaaldu thangba matamda miyaam tinnanabagi sang, aduga madugi manungda leiriba ashengba patrashing loina purakkhi. Haayribasi purohit amadi Levishingna purakkhibani.
5 Ningthou Solomon amadi mahaakka loynariba miyaamdu pukning amatta oinaa tinnaduna mashing thibaa ngamdaba yaao amadi sannachinba katcharammi.
6 Masigi matungda purohit shingna cherubimgi mashaagi makhaada ningnashanggi manunggi kaada leiriba Khwaaidagi shengba mapham shonnapungduda areppa waashakki phambaaldu thamkhi.
7 Phambaaldugi mathakta cherubimshinggi mashashingduna kupsinlammi. Mashaaduna phambaal amadi masigi machishingdubu khumjinlammi.
8 Manung thangba shonnapunggi mamaangda leiriba Khwaaidagi shengthoiraba maphamdudagi makhongshinggi matondu ubaa phanglammi adubu haayribasi mapaandagidi ubaa phanglamde. Makhongshingdu ngasi phaaoba leiri.
9 Phambaaldudagi manungda Mosesgi matamda eduna piramba nungpak anidu nattana karisu yaaode. Israelgi mishingna Egypttagi thorakpa matamda Horebta Eeshorna Israelgi mishingga areppa waashak amaa thamnakhi.
10 Purohit shingna ningnashangdugi thorakpa matamda khanghoudana leichin kupsinlakkhi
11 Leichinna mamsillakpaduda karisu uramde amasung manungda seba changba ngamlamde, maramdi ningnashang manungdu Eeshorgi matik mangaanna ngaanthoirammi.
12 Mataangsida Solomonna haayjarak-e, "he Eeshorna koirou maabu nongmadonda ngalhanbire, adubu Ebungngona leichinlakta amadi amaambada ngaanthoibiri,
13 Maramsina houjikti ebungngogi damak matik chaaraba ningnashanglen amaa sajare, maphamsida Ebungngona matam leibada lengdana leibiyu."
Miyaamda Solomonna haaykhiba waashing
(2 Miron 6:3-11)
14 Israelgi mishingna leptuna leiringei matamda ningthouna miyaamda onsinladuna Eeshorgi bordu pinabirammi.
15 Ningthouna haaykhi, “eigi epa ebungngo Davidta waashakpikhiba adu thunghanbiriba Israelgi Eeshordu thoina waangthoiba oisanu. Ebungngo mahaakna taakpikhi,
16 “eigi mi oiriba Israelbu Egypttagi puthorakpa numittudagi ngasi phaaoba eigi minglensi lengdana leinanaba haayduna Israelgi Jaatshingna taariba saaharshingdudagi amaa phaaobada eigi ningnashang shaage haayna khandokkhide.
17 Adubu eigi epa Davidna Israelgi Mapu bungo Eeshorbu thaagatnaba haayduna ningnashang amaa shaage haayna ningkhi.
18 Mataangsida Eeshorna eigi epa Davidta haaybikhi: nahaakna eigi minglenbu yengduna ningnashang amaa shaage ningkhibadu thoidokna aphaba waakhan amani.
19 Adubu nahaakna ningnashangdu saroidoubani. Nahaakna pokpaa nachaa-nupaaduna Eigidamak ningnashang shaagadabani.
20 Houjikti Eeshorna shakpikhiba waashaktu lepna thunghanbire. Eigi epa Davidki mahuttu eina ngamnamak sille. Eeshorna waashakpikhiba adugumna eina Israelgi ningthou oinaa phambaal tongle. Maramsina Israelgi Eeshorgidamak ningnashang amaa sajare.
21 Maasida phambaaldu thaaduna thamnaba mapham amaa khakchaare. Masigi manungda Ebungngona epa epu hatakta Egypttagi puthorakpa matamda areppa waashak shaakkhibadugi khudam yaaori."
Solomonna haayjaba
(2 Miron 6:12-42)
22 Solomonna Israelgi tilliba miyaamdugi mamaangda Eeshorgi phaankhongda leplaga koirouthakta makhut thaanggatladuna haayjarak-e,
23 "He Eeshor, Israelgi Mapu koirou amadi maalemsida ebungngogumba epuroi amaa leitre. Ebungngona louthup louki leitana ebungngogi maangda chatchariba nanaaishingda areppa waashak amadi chetna channa nungshibadu atatpa leitana utpi.
24 Ebungngona nanaai David, nanaai eigi epa ebungngoda taakpikhiba pumnamak amatta kaihanbide. ashengbamak Ebungngona nachinmakna phongdokpikhi aduga madumak ebungngogi nakhuttuna paangthokpiri.
25 Maramsina he epuroi, Eeshor, nanaai Davidta taakpikhiba pumnamak kaidana thunghanbiyu. Ebungngona taakpikhi: nahaakna eigi mang thaaduna chatcharibasigumna nachaashingna chatlabadi nahaakki tungda Israelgi phambaalda ningthou oinaa pangadoubadu waathalloi."
26 Maramsina houjikti he Israelgi Eeshor, eigi epa nanaai Davidta taakpikhiba waashingdu thunghanbiyu.
27 Adubu he epuroi, maalemsida ebungngo lengdana leibigadra? waanglaba koirousina phaaoba ebungngobu phajinduna thamba ngamde adu oirabadi nanaaina sajariba ningnashangsina ebungngobu punduna kadai phaaoba thamba ngamgani?
28 Eigi epuroi Eeshor, nanaaina haayjaribasi pukchel tapna tabiyu. Ngasi kouba nongsida nanaaina ebungngogi nakada haayjariba pumnamak latnaba leitana loushinbiyu.
29 Maphamsida eigi minglen matik mayaaidu leingdan leigani haayna Ebungngona taakpikhiba matung ennaa ahing nungthin animakta ebungngo lengdana leibiyu. Ningnashangsigi manungdagi ngasi nanaaina ebungngogi nakada haayjariba pumnamaksi tabiyu.
30 Ningnashangsidagi nanaai oijariba eihaak amadi Israelgi mishingna ebungngoda haayjaba matamda latnaba leitana loushinbiyu. Ebungngogi naranyaai oiduna leiriba nongmadonda Ebungngona ngaanthoibiduna leiringei matamda nanaaishingna ebungngobu koujabagi khonjendu tabaga nanaai eikhoybu ngaakpiyu.
31 Kanaagumba nupaa amanaa yumlonnaba amagi maphamda araanba tourure haayduna ningnashangsigi phaankhongsi taanna maraal leite haayduna waashaknaba laakpa matamda,
32 He Eeshor, nongmadonda waaphamsi tabiyu aduga nanaai oiriba mishingsibu waayenbiyu. Maraal leiba midu matik chaaba awaapham taahanbiyu aduga maraal leitba midu thaadokpiyu.
33 "Ebungngona phatte haaykhiba thabakshing touduna ebungngogi mi oiriba Israelgi mishingna araanba tourubadagi makhoygi yeknabashingna maaythiba piba matamda karigumba ebungngogi nakada makhoyna mapukchel shengna lalle haayjarabadi aduga ningnashangsigi manungda changjaraktuna thamoi shengna nijaba matamda
34 Koirouthakta ngaanthoyduna leibiriba Ebungngona haayjabadu tabiyu. Ebungngogi nanaai oiribashingsina toukhiba araanbashingdu kokpiyyu makhoygi mapaa mapushingda Ebungngona pinabikhiba leibaaksida amuk haanna pubirak-u.
35 "ebungngogi mayokta araanba thabak kayaa tourubadagi karigumba Ebungngona nong taahanbidaba matamda makhoyna maraal haaydokchaaduna ningnashangsigi manungda thamoi shengna haayjarabadi,
36 Koirouthaktagi makhoyna haayjabadu Ebungngona tabiyu ebungngogi nanaai Israelna toukhiba araanbashingdu ngaakpiyu. Matamduda makhoyna chatchagadouba achumba laambeldu Ebungngona taakpiyu. Ebungngogi mishingda makhoygi shaarukni haayna tambikhraba lamsi amuk haanna nong taahanbiyu.
37 "Leibaksida krigumba chaak tangba, laaichat thokpa, tin-taba, unkha taba, koujeng amadi harou taaba nattraga yeknabashingna makhoybu maaythiba nattraga laaichat thokpa nattraga anaaba shaandokpa matamda,
38 Kanaagumba nupaa amanaa nattraga Israelgi mishingna masha mashaagi maraal mashak khangjaduna thamoi shengna ningnashangsidagi makhut tingthoktuna ebungngoda haayjarabadi,
39 Ebungngona ngaanthoibiriba nongmadonthaktagi makhoyna haayjaribadu tabiyu. Makhoyna toukhiba marandu ngaakpiyu. Manaa manaa toujakhiba araanba thabakki mahei oinaa makhoygi thamoidu chaang touduna yengbiraga maheidu phanghanbiyu. Ebungngotana taaibangmigi thamoi khangba ngamgani.
40 Maasi tourabatada Ebungngona epa epushingda pinabikhiba leibaaksida leiba matamda makhoyna kina chatchaagani.
41-42 "ebungngogi natik nagun amadi Ebungngona toukhiba achouba thabakshingsi kanaagumba lamlaanba amanaa taaraduna ningnashangsigi manungda ebungngobu khurumjaba laakpa matamda,
43 Adugumba nupaaduna haayjaribadu Ebungngona tabiyu. Lamlaanba nupaaduna ebungngogi khuyaakhaada nijariba pumnamak thunghanbiyu adu oirabadi maalemsida leiriba mishingna ebungngogi minglendu taagani amasung ebungngogi mi oiriba Israelgi mishingna ebungngogi yaathang enbagumna makhoynasu engani. Matamduda ebungngogi natik nayaai yengduna nanaaina ningnashangsi shaakhibani haaybasi makhoyna khanggani.
44 "ebungngogi mishingbu yeknabashinggi mathakta laan tourunaba thaabiba matamda makhoyna leiriba maphamdudagi saaharsida nattraga ebungngogi damak sajariba ningnashangsida onduna haayjaraklabadi,
45 Makhoyna haayjaribadu Ebungngona tabiyu. Koirouthaktagi makhoyna haayjabadu tabiduna makhoybu laan-ngam phiran thethanbiyu.
46 "ebungngogi mishingsina araanba touduna laandaba mi amaa phaaoba leiraktrabadi aduga maasibu ubada Ebungngona shaaoraduna yeknabashinggi makhutta pithoktuna athaappada loi oinaa pukhiba taarabada,
47 Makhoyna karigumba ebungngobu ningshingjarakpa matamda kaaothokpiganu. Karigumba adugumba leibaaktuda leiringei matamda makhoygi maraal haaydoktuna kayagi matik chaaoraba maraal makhoyna toukhi haaybasi khanglaklabadi he Eeshor, makhoyna haayjabadu tabiyu.
48 Karigumba makhoyna leiriba leibaaktudagi maraal haaydokchaaduna epa epushingda Ebungngona pinabikhiba leibaaksigi maaykeida onduna nattraga nanaaina ebungngogi damak sajakhiba ningnashangsi yengduna haayjaraklabadi,
49 Makhoyna haayjabadu Ebungngona tabiyu. Ebungngona ngaanthoibiriba koirouthaktagi makhoygi marandu ngaakpiduna thoujaan utpiyu.
50 Makhoyna toukhiba araanba amadi shengdabashingdu ngaakpiduna makhoygi yeknaba phaaobana makhoybu nungshina touhanbiyu.
51 Makhoysi Eeshormakki mishingni. Ebungngona makhoybu asaba meiphugumba Egypttagi pubirakkhibani.
52 "Koirouhenba Eeshor, ebungngogi mini haayna leiriba Israel amadi makhoygi ningthoudubu thoujaalgi mityengna yengbuyu. Aduga Ebungngogi thoujaan nijarakpa matamda kubiyu.
53 Ebungngona epa epushingbu Egypttagi puthorakpirakpa matamda nanaai Mosesda taakpikhiba gumna taaibang maalemsida leiriba mishinggi maraktagi makhoysibu ebungngogi mi oinanaba khandokpikhibani."
Haaijaba loisillakpa
54 Solomonna Eeshorgi maphamda khurumjaba amadi haayjaba loiraklabada nongmadonda makhut thaanggattuna khu-u leitaana leirambadagi hougatlakle,
55 Aduga khonjen waangna Israelgi mishingdubu bor pinabikhi. Ningthouna makha taana haayrak-e,
56 "Waashakpikhiba matung ennaa hiram amatta leikha taahanbidaba aduga Israelgi mishingbu awaa-anaa yaaohandana nungaaina punsi lelhanbiriba Eeshordu yaaiphasanu. Ebungngo mahaakna manaai Mosesda taakpikhiba waashingdu ngasi mapung phaana thunghanbire.
57 Eikhoygi epa epushingbu Eeshorna matam leibada loinabikhi. Matou adugumna Ebungngona eikhoyga loinabiyu. Ebungngona eikhoybu thaadokpiganu.
58 Ebungngo nahaakna epa epushingda yaathang ngaakna, chatnarol kaidana, lonchat ngaakna chatnanabagidamak pibikhiba khibiksi eina kaidana chatpa ngamnanaba Ebungngona eikhoybu pangbiba oisanu.
59 Eikhoygi epuroi Eeshorna eina haayjabasi kaobidaba oisanu. Ebungngogi manaai oiriba eina haayjaribasi thunghanbiba oisanu. Ebungngogi mi oiriba israelna nongma nongmagi oinaa nijaba pumnamak kubiba oisanu.
60 Adu oirabadi maalemsida leiriba mishingna Eeshorni haayba khanggani.
61 Ngasi touriba asigumna chatnarol amadi lonchat amatta kaidana paangthokchaaduna epuroi Eeshorgi makada achumba mishing oiraknaba hotnou.
Ningnashanglen hongba
(2 Miron 7:4-10)
62 Masigi matungda ningthou Solomon amadi tilliba Israelgi mishingduna Eeshorgi khuyaakhaada thounachingba toukhi.
63 Solomonna Eeshorgi khuyaakhaada lamdaai shumdaaigi thou oinaa sanlaba 22,000, yaao 20,100 Katkhi. Asumna ningthou amadi Israelgi mishingna Eeshorgi ningnashangdu shanggaaba loikhi.
64 Haayriba numitsida shonnapunggi mamaangda leiriba mayaai thangba kadu ningthouna meida thaaduna touba thou, mahei marong kattuna touba thou amadi lamdaai shumdaaida katpa shadongnachingba kattuna shengdokkhi. Katliba potshingdu yaammankhiduna Eeshorgi maangda thaariba phaankhongduda haappa challamde.
65 Asumna ningthou Solomonna Hamathtagi Egyptki eephut leiribadu youba phaaobada leiriba Israelgi mishingbu numit taretni tilhanduna Eeshorgi maangda chaakkhangkhi.
66 Nipaanni shubaa numitta miyaamdu mayum mayumda halhankhi. Eeshorna David amadi Israelgi mathakta asukki matik kubikhibadu thaagatladuna mayumda hannakhi. Makhoyna ningthou Solomonbu thaagatnakhi.