Mark 7
Chatna-rakliba hounabi kaaybagi Jesusna khumba
( Matthew 15.1-9 )
1 Amasung Jerusalemdagi laakpa pharisi shing amasung shaastragi ojaashing kharana ebungngogi maphamda tinnare.
2 Amasung ebungngogi sebokshing kharana shengdana, haaybadi khut hamdana, tal chaakhiba makhoyna uramle.
3 Maramdi pharisi shing amasung Jewish pumnamakna ahallaman-shinggi chatna-rakliba adu ngaktuna, makhoygi khut chekshinna hamdrabadi chaade;
4 Aduga keithendagi laaklaga makhoyna erujadrabadi chaade; amasung makhoyna ngakliba atei ayaamba chatna-rakliba leiri, madudi, tenggot, chaphu amasung pithraaigi kollik chaamba.
5 Amasung pharisi shingga shaastragi ojaashinggana ebungngoda hanggatchei, ebungngogi sebokshingna ahallaman-shinggi chatna-rakliba matung ennaa chattaduna, shengdaba khutna tal chaaba karigino?
6 Maduda Jesusna makhoyda haayrak-e, Apha shaajaningba nakhoygi maramda Isaiahna ningthijana Eeshorgi waa takthokle, asumna eduna lei: Mishing asina eibu chinban thongna ekaikhumnei, touegumsung makhoygi pukningdi eingondagi thaapna lei.
7 Adubu makhoyna mishinggi chatnaba yaathang adubu dharmagi paaoutaak kumna tambiduna, eibu arembada khurummi.
8 Nakhoyna Eeshorgi yaathang adubu thaadoktuna, mishinggi chatna-rakliba adu chetna paay.
9 Aduga Jesusna makhoyda haayrak-e, nakhoygi chatna-rakliba ngaaknanaba, nakhoyna Eeshorgi yaathang adu kayaada ningthijana thouoidriba!
10 Maramdi Mosesna haayrammi, napaa namaabu ekaai khumnou, amasung napaa namaabu thina ngaangba mahaak adu sisanu;
11 Adubu nakhoyna haay, mi amanaa mapaa nattraga mamaada, eingondagi nahaakna kaannaba phangba yaaba adu korbanni, haaybadi, Eeshorda katkhre, haayragadi,
12 Nakhoyna mapaa nattraga mama-gidamak mahaakna karigumba tounanaba amuk yabidre;
13 Aduna nakhoyna mathang mathang pinarakpa nakhoygi chatna-rakliba aduna Eeshorgi waa hiktokle; amasung asiga mannaba asigumba ayaamba nakhoyna touwi.
14 Matung aduda Ebungngona miyaambu manaakta kousillaga, makhoyda haayrak-e, nakhoy pumnamakna eigi waa tasu taao, khangsu khangu;
15 Mapaandagina mi aduda changduna mahaakpu maanghanba ngamba karisu leite; touegumsung mi adubu maanghanba adudi maangondagi thoklaklibashing adunani.
16 Manaakong paanba mi aduna tajaasanu.
17 Amasung miyaamsingdu thamlamlage Ebungngona emungda lengshinbada, ebungngogi sebokshingna paandam adu ebungngogi maphamda hangatcharak-e.
18 Maduda Jesusna makhoyda haay, nakhoysu asup khangdabra? mapaandagina mida changkhiba pumnamak aduna mahaakpu maanghanba ngamde;
19 Maramdi madu mahaakki thammoida changde, touegumsung mapukta changduna amaangba oinaa chatthokkhi haayba nakhoyna khangdraa? Ebungngona haayba asina chinjaak pumnamak shenghalli.
20 Aduga Ebungngona haay, mi adudagi thokkhiba aduna mi adubu maanghalli.
21 Maramdi manungdagi haaybadi, mishinggi pukningdagi phattaba waakhal, marumbi thamba, huraanba, mihatpa, mitu-miwaa laannaba,
22 Karamba, phattaba, minamba, hakchaanggi apaiba, mityeng phattaba, thina ngaangba, chaaothokpa, apangba thok-e.
23 Phattaba pumnamak asina manungdagi thoklaktuna mi adubu maanghalli.
Aatoppa jaatki leishaabi amabu phahanbiba
( Matthew 15.21-28 )
24 Matung aduda Ebungngona mapham adudagi chatkhiduna Tyre amasung Sidon-gi ngamkheida thungkhre. Amasung Ebungngona yum amada changshinduna mi amatabu khanghan-ningdrabasu, ebungngodi lotpa ngamde.
25 Touegumsung shengdaba thawaay changba apikpa nupi machaa amagi mamaana ebungngogi maram hek taarabada, laaktuna ebungngogi khuyaada tujarare.
26 Nupi asidi Suropheinikigi Greek oirammi. Amasung mahaakki machaanupidagi bhut adu Ebungngona taanthok-pinaba mahaakna hanggat-charammi.
27 Maduda Ebungngona maangonda haayrak-e, ahaanbada angaangshing mapuk thankhisanu, maramdi angaangshinggi achaapot louduna huishingda hunjinba chumde.
28 Adubu mahaakna khumduna ebungngoda hanggatchei; chummi, Eeshor; tebal makhaada huishing-maknasu angaangshinggi chanabadagi makup-makaay chaay.
29 Maduda Ebungngona maangonda haayrak-e, haayriba asigi marammna chatlu, bhut aduna nachaa nupidagi chatthokkhre.
30 Aduga mahaakna mayumda chatkhiduna, angaang aduna phamungda hiplamba amasung bhut aduna chatthokkhiramba phangle.
Manaasu pangba maronsu thoktaba mi amabu phahanbiba
31 Amasung Ebungngona Tyregi lamdagi amuk thoklaktuna Sidon-gi mayaaidagi Galileegi louktaak taanna Dekapoligi lam mayaaida laakle.
32 Aduga makhoyna ebungngogi maphamda naapangba amasung mareilomba amabu puraktuna, Ebungngona maagi mathakta khut thambinaba haayjei.
33 Amasung Ebungngona mahaakpu miyaamdagi lonna puthokkhiduna mahaakki manaakong anida ebungngogi khudonbi thinjinbire, aduga Ebungngona tin-sitpiduna mahaakki marei matonda shokpire;
34 Amasung swargalomda yengkhattuna Ebungngona nungshaa-mapi honduna maangonda haay, epphatha, haaybadi haangdoklo.
35 Maduda mahaakki manaakong haangdokle, mahaakki marei maton apunba adu thaadokle, amasung mahaakna chumna waa ngaangba houre.
36 Aduga mi kanaa amadasu tamthok-tanaba Ebungngona makhoybu yaathang pire; touegumsung Ebungngona adupki makhei yaathang piraga, makhoyda asupki matik shaandokle.
37 Amasung makhoyna tamningai leitba makhei ngakladuna haayrak-e, Ebungngona thabak pumnamak phajanaa toubire; naa-pangbashingbu taahanbi, amasung lol thoktaba shingbu lol thok-hanbi.