2 Chronicles 1
ningthou Solomonna lousing pinabiyu haayna nijaba
(1 Ning 3:1-15)
1 ningthou Davidki machaa-nupaa Solo-monna Israel haayriba leibaaksida mara chetna paanba houra klammi. mahaakki mabung-ngo oijariba Eesor-na mahaakpu matam leibada loinabirammi maramsina mahaak thoidokna mapaanggal leiraba ningthou amaa oirammi.
2 Solomonna Israelgi lisinggi makok chaammagi makok, waayelba-sing, luchingba-sing, amadi yumburen-sing kouduna yaathang amaa tourammi. 3 Gibeondan leiriba asengba maphamduda Solomon-ga loynanaa tilliba miyaamdu chatnanaba haayrammi. Maphamduda Eesor-gi manaai Moses-na lamhaangda saakhiba asengba khaangpoksangdu leirammi. 4 (Eesor-gi phambaaldu Davidna Kiriath-Jearimdagi puraktuna mahaakna semkhiba maphamduda thamkhi. Mahaakna masigidamak Jerusalemda khaangpok amaa sakhi) 5 Hurgi machaa-nupaa Uri, Urigi machaa-nupaa Bezalelna semkhiba pithraaigi phaankhongdu Eesor-gi phambaalgi mamaangda thamlammi. maramsina Solomon amadi tilliba miyaamduna Eesor-bu maphamduda khurumjarammi. 6 miyaam tinnaba khaangpok sangda leiriba Eesor-gi maangda thamnaba phaankhongdugi manaakta Solomonna changjarammi. Phaankhongdugi mathakta mahaakna meida thaaduna thoudu 1,000 haanna paangthokkhi.
7 Haayriba ahingsida Eesor-na ahingda laaklaga Solomonda hanglammi, nahaakna apaambadu eingonda nijou." 8 Solomonna khumrammi, "ebungngo nahaakna epa ebungngo ningthou Davidta angakpa amadi chetna channa nungsibadu utpikhre. adugaa ebungngona nanaaibu epaagi mahut sinduna ningthou oihanbire. 10 nanaaida waakhan amadi lousingdu pinabiyu. Nattrabadi kanaana ebungngo-gi masing thingamdraba miyaamsibu waayelba ngamgani?"
11 Eesor-na Solomonda haayrammi, "nahaakna Lan-thum nattraga ejat nidre. Nidre nahaakna nahaakki yeknaba-singbu haatna-naba. adugaa masidasu nattri nahaakna napunsi sangna leijage haayduna nibasu toude. maasi pumnamaksigi mahutta nahaakpu ningthou oihalliba eigi misinggi mathakta paanba matamda waakhan lousing thok-hanbiyu haayna nirabanina 12 waakhan amadi lousingdu nahaakki naphamda ngasidagi houna pinabirabani. Masidasu nattana nahaakki naphamda eina lan, thum, nayum nakei, ekaai-khumnaba pumnamaksisu pinabirabani. Haayribasi nahaakki namaangda amadi natungda pallakkadouba ningthou-singna phangba ngamkhidriba adugaa ngamloidoubani."
ningthou Solomon-gi matik amadi lan thum
(1 Ning 10:26-29)
13 asumna Solomonna Gibeonda leiriba Eesor-na lengsinbiriba khaangpoktudagi Jerusalemda hallakkhi. maphamsidagi Israelgi misinggi mathakta ningthou oiduna pankhi. 14 Mahaakna matamsidagi houraduna laanmi semgatpa hourammi. Dolai 14,000, sagol thouba 12,000 mahaakna semgatpa hourammi. Haayriba-singsi mahaakna tongaan-tongaanba saharsingda thamkhi. Khara amanaa Jerusalemda thamlammi. 15 Mahaakna paanba matamda nung hongbagumna silver amadi sanaa honglammi. Deodarsu Kismis paambigumna hongna phangkhi. 16 ningthougi misingna Musri amadi Ciliciadagi sagol puthok pusin tourammi. 17 makhoyna Egypttagi dolai puthok pusinggi sinpham-sisu paisillammi. makhoyna Hittidagi dolai puthok pusinggi sinphamsisu paisillammi. makhoyna Hitti amadi Syriagi ningthou-singda dolai amadi sagol yollammi. Dolai amada silver shekels 600 adugaa sagol amagi mamalna silver shekels 150 oirammi.