1 Samuel 24
Davidna Saulgi mapunsi loisinbidaba
24 Saulna Philisti-singga laanthengnaruba hallakpa matamda kanaagumba paao piba nupaa amanaa haayrammi, "iningthou, David Engedki lamhaangda leire." 2 Saulna Israelgi manungda leiba khan-gatlaba mi 3,000 puradung lamlakta leiba yaaosinggi chingdum haayna khngnaba maphamduda leiriba lamhaang khudingda Davidpu thikhi. 3 Mahaakna laambelda asum laakpada yaao thamphamdu hek yourakpa matamda surung amaa thengnarammi. maadugi manungda Saulna ngaaihaaktang potthanaba changlammi. Matamsimaktada David amadi mahaakka loynariba misingdusu surungdugi manungthangba ka amada phamduna leirammi. 4 Davidka loynariba misingduna haayrammi, "Eesor-na maangonda taakpikhiba numittu ngasini. ebungngona taakpikhi: yeng-u, Eina nahaakki yeknabadu nakhutmakta sinnabigani. Nahaakna apaambadu ngasi mahaakki maphamda chatthaba yaare." Matamsida Davidna tuminna hougattuna chatlaga saulgi makhwaangda laakliba ningtham samjidu kakhi. 6 adubu ningkham samji kaklaba matungda Davidki Mathawaai nungaairamde maramsina 7 mahaakki misingda mahaakna asumna haayrammi, "Eesor-na khandokpikhraba ningthousigi mathakta eina thoidokpa amaang ata thok-handanaba Eesor-na eibu sennabiba oisanu." 8 asumna Davidna Saulgi mathakta lanhouba yaade haayduna mahaakka loynariba misingda haaykhi.
Saul surungdu thaadoktuna atoppa mapham amada chatkhi. 8 Masigi matungda Davidna mapaan thoklaga Saul bu kouraduna haayrammi, "iningthou." Saulna mamaay onthorakpa matamda Davidna mamaay leida luktuna ekaai-khumnaba utchaki. 9 Davidna haayrak-e, "iningthouna karigidamak nanaai eina eningthoubu katkadouri haayba araanba waadu loubiribano? 10 houjik houjikmak Eesor-na eningthouna surungda leibiringeida eigi ekhutta tahangbikhi. maasi ebungngona khangbigani. eigi loynariba mi kharana ebungngobu haatna-naba haaykhi adubu eningthoubu uraga nanaai thawaay nungaaijakhide. maramsina eihaak khut thaaba ngamkhide. nanaaina khanjakhi maadudi eningthoudi Eesor-na khandokpikhiba ningthouni. 11 Yenbiyu, epa ebungngo, eina paijariba eningthougi phisi yengbiyu. Eina eningthoubu haatpa yaramlabani adubu phisikhakta kakkhi. masidagi eningthouna khangbigani maadudi nanaaina ebungngo-gi mayokta lanhouba nattraga ebungngobu manghantaahanba thok-hanningde. nanaaina thoidokpa araanba amatta toujadrabasu eningthouna nanaaibu haatna-naba koythi thiduna leiri. 12 Eesor-na eningthou amadi nanaaigi marakta kanaana araanbano haaybadu waayelbigani. nanaaina ebungngobu manghan tahange ningjadaba maramna Eesor-na eningthougi mathakta matik okpa dandi pibisanu. 13 eningthouna mahousadagi chatnaraklaba paaoroudu tabiribani. asumna heinei: phattabana phattaba touwi. adubu eidi ebungngo-da laman singjage ningyaade. 14 Israelgi ningthouna kanaabu thiba laaklibano? eningthouna karibu thiribano? asibaa huibu thiribra nattraga haying khongyaanbibu thiribra? 15 eningthou amadi nanaai anigi narakta Eesor-na matik okpa waayelbisanu. ebungngo mahaakna thoudoksigi maramda khangbiduna nanaaibu taakthokpigani adugaa eningthouna eibu hatkadoubadudagi kanbigani."
16 Davidna Saulda waasingsi haayba loiraba matamda Saulna haayrammi, “nahaak David nattra? nahaak eigi echaa David nattra?" maasi haairaduna Saul kappa houkhi. 17 Mahaakna Davidta haayrammi, "nahaakna haayribadu chummi. eihaak lalle. Eina nahaakki naphamda asukki matik araanba tourabasu nahaaknadi ngasi phaaoba thoidokpa eigi ephamda aakaaiba toudri. 18 Ngasi nahaakna eibu hattribasina nahaak eigi ephamda kayagi matik phaabano haaybadu phajanaa utle. Eesor-na nahaakki nakhutta eibu taahallabasu nahaakna eibu kanbikhi. 19 Kanaagumba mina yeknababu phanglaga mahaakpu lemna thaadokkadra? Ngasi nahaakna eigi ephamda touriba aphaba thabaksigidamak Eesor-na kubiba oisanu. 20 houjikti nahaakna eigi ethangda Israelgi ningthou oigani haaybasi phajanaa khangle maramsina leibaaksi nahaakki leengak makhaada leihouragadabani. 21 maramsina Eesor-bu yengduna eina leitraba matungda eigi echaa esusing manghalloi haayna waasak-u. asidasu nattana eigi dhaaraasingbu leibaaksidagi tumna manghanbiroi haayna waasak-u." 22 Haayribasimak oisanu haayduna Davidna waasakhi.
Masigi matungda Saul mayumda hankhi adugaa David amadi mahaakka loynariba misingduna makhoygi lotphamdu taanna chatkhi.