1 Thessalonians 2

Paulna magi sandokpagi thabak kankhatchaba

2 Maramdi, ichin inaosa, eikhoina nakhoida changkhiba adu nakhoi nasana khangi, haibadi, madu aremba oiramde; 2 Adubu mamangngeida Philippida awa khangduna, tachop tachopna laknaba phanglabasu, nakhoina khangbagumna, eikhoina yamna soknabada Ishorgi aphaba wapao adu nakhoida ngangnaba eikhoigi Ishorgi mapanna eikhoina thouna pharakle. 3 Maramdi eikhoigi thoujinba adu aranbadagi, sengdabadagi, nattraga chumdabada natte; 4 Touigumsung Ishorna aphaba wapao sinnanaba eikhoibu yabirabagumna, eikhoina mishingbu pelhandaduna, eikhoigi pukningbu chang yengbiba Ishorbu pelhanduna asumna ngangbani. 

5 Maramdi nakhoina khangbagumna, eikhoina thagatsinnabagi wa, nattraga karambagi tousinnaba kadoungeidasu sijinnade Ishorna sakhini; 6 Aduga eikhoina Christagi pakhon chatpasinggum matik leirabasu, mishingdagi oirabasu, atei ateisingdagi oirabasu thagitpa thide. 7 Touigumsung mamana mahakmakki machasingbu pijapithakpagumna, eikhoina nakhoigi narakta pukningthotpa oirakle. 8 Nakhoibu asup nungsina pamjaduna, eikhoina nakhoida Ishorgi aphaba wapaota nattana, eikhoimakki ithawaisu piba pamjabani, maramdi nakhoidi eikhoigi yamna achanba oirakle. 

9 Maramdi ichin inaosa, nakhoina eikhoigi nombz amasung awa khangba ningsingi; eikhoina nakhoi kanagumbabu arumba puhandananaba, ahing nungthil thabak suduna, eikhoina Ishorgi wapao nakhoida sandokchare. 10 Eikhoina nakhoi thajabasinglomba karamna sengna, dharmachenna amasung ayol aran leitana chatchaba nakhoinasu Ishornasu sakhini, 11 Nakhoina khangbagumbani, haibadi, Ishorna nakhoibu Ibungo mahakki leibakta amasung matik mangalda koubibagi matik chana nakhoina chatnanaba, 12 Eikhoina nakhoibu thoujinduna, thougattuna amasung sakhi piduna machasingbu toubibaumna eikhoina nakhoi khudingbu toubire.

Thessaloniansingbu ot-neiba amasung Paulna makhoibu nungsiba

13 Amahiksung maram asigi damak eikhoinasu tokpa leitana Ishorbu thagatchei, haibadi, nakhoina eikhoidagi takhiba Ishorgi wa adu phanglabada, haiba nattaduna, nakhoi thajabasinggi manungda thabaksu toubiriba Ishorgi wani haiba nakhoina yajare madu aoibamak Ishorgi wani. 14 Maramdi nakhoi, ichin inaosa, Judeada leiriba, Jesus Christada leiba Ishorgi singlupsing adugi matou loubasing oirakle; maramdi makhoina Jewssinggi awa khangkhibagumna, nakhoinasu maduga mannana nakhoigi nareibakki mishingdagi awa khangle. 

15 Jewssing aduna prabhu Jesusbusu Ishorgi wa takthokpasingbusu hatle, eikhoibu tanthokle, Ishorbu pelhande, amasung mi pumnamakpu onnateinahalli; 16 Atoppa jatsingbu kanbinanaba wa ngangba makhoina khammi; aduna makhoigi papki chang matam leiba khibikta thalhanbani; adubu asaoba adu makhoigi mathakta makheimak phangna thungle.

17 Touigumsung, ichin inaosa, thmoida nattana, hakchangda matam kharagi damak eikhoina nakhoiga khainaraduna, yamna pambaga loinana nakhoigi mai unanaba thoidok hendokna hotnajare. 18 Maramdi eikhoina, thoidokpadi Paul eina, hanna hanna nakhoi tanna lakchanaba pamjarammi; aduga seitanna eikhoibu pelhalle. 19 Maramdi eikhoigi prabhu Jesus lenglakpada Ibungogi mangda eikhoigi tarang tarang khangna ningba, haraoba nattraga chaothok chabagi kokthon karino? Nakhoimak nattra? 20 Maramdi nakhoidi chaothokchapham amasung hariopharn oibani.