Deuteronomy 20
Laan toubagi maramda
20 "Nakhoyna yeknabagi mayokta laandaba thokpa matamda, dolai amadi sagol laanmi adugaa nakhoygi leiriba misingdagi hellaba khong laanminachingba ubaa matamda, makhoybu kiganu. nakhoybu Egypttagi kanbikhiba nakhoygi napuroi Eesor-na nakhoyga loinabigani. 2 nakhoyna laanjangdringeida purohit amanaa maangda thoraklaga laanmisingduda asumna haaygani, "Israelgi mising taro: ngasi nakhoy laan changgadouri. nakhoygi yeknaba-singdubu kiganu adugaa napuk-ning hanthaba touganu. Nattraga mathum maraang houganu. 4 nakhoygi napuroi Eesor-na nakhoyga loynanaa chatpigani adugaa ebungngo mahaakna nakhoybu maay paakhanbigani.' 5 "Masigi mathangda phamnaaiba-singduna misingda asumna haaygani," miyaamsigi marakta mayaamdi saruraga sanggadriba kanaagumba yaobra? Karigumba yaorabadi mahaak mayumda han-gadabani. Karigumba adugumba nu-padu laanphamda haatpa taarabadi, kanagu-mba atoppa nupaa amanaa mahaakki mayu-mdu sanggaba taay. 6 miyaamsigi marakta kanaagumba angurgi engkhondi semluraga maheidi loktriba yaaobara karigumba yaorabadi mahaak mayumda chatkadabani. Karigumba adugumba nupaadu laanda sirabadi atoppa kanaagumba amanaa angur maheidu chahouba taay. 7 Luhonggadoubagi waaroipot pukhraba kanaagumba yaaoribra? Karigumba yaorabadi mahaak mayumda chatpa taay. Nattrabadi mahaak laanphamda haatkhiba thoklabadi, waaroipot pukhraba nupidu kanaagumba atoppa nupaa amanaa luhongduna loukhiba taay.
8 "Phamnaaiba-singduna asisu makhoyda haaygani, miyaamsigi marakta karigumba kiganba nattraga marin leitba mi yaaoribra? Karigumba yaorabadi mahaak mayumda haanba taay. Nattrabadi adugumba nupaaduna miyaamgi mapaanggal hanthahan-gani. 9 Phamnaaiba-singduna haayriba-singsi miyaamda phongdokpa loiraba matungda sanggu sanggugi oinaa luchingba khandokkadoubani.
10 "Nakhoyna sahar amada laandaba matamda masida leiriba misingdubu nakhoyda changjanaba khudong chaaba amaa pigadoubani. 11 makhoyna sahardugi thongjao haangdoktuna nakhoyda changjaraklabadi, makhoy loynaba nakhoygi minaai oihangadoubani adugaa awaaba thabak suhangadabani. 12 Karigumba adugumba saharduda leiriba misingduna changjadaduna laan tounaba thoraklabadi, nakhoygi laanmi singna makhoybu koisingadoubani. 13 Masigi matungda nakhoygi napuroi Eesor-na sahardubu laksinbada tengbanggani. Masida leiramba nupaa khudingmak haatkadabani. 14 adubu saharduda leiramba nupi-sing, machaasing, makhoygi maraan-mathum adugaa atei potsingdi nakhoygi oinaba lousinba yaai. nakhoygi yeknaba-singgi oiramba pot pumnamak nakhoygi oinaa sijinnaba yaai. Eesor-na potsingdu nakhoyda pibikhrabani. 15 nakhoyna khundagadouriba leibaaksidagi thaapna leikhraba saharsingdu lousinba matamda chatthagadouba thouramsingdu haaykhriba-singsini.
16 "Nakhoygi napuroi Eesor-na nakhoyda pibiriba saharsingdu nakhoyna laksinba matamda maaduda leiramba misingdu loina haatlu. 17 Maphamsingduda leiramba misingdu tumna haatlu. Makhoy singdudi Hittising, Amorising, Cannansing, Perizzising, Hivising, amadi Jebusisingni. Haayribasimak Eesor-na paangthoknaba yaathang oinaa pikhrabani. 18 Makhoybu tumna haatlu maramdi makhoyna laaisingbu khurumba matamda yaamna tukkachanabagi masak oiraba lamchat touribadu makhoyna nakhoyda tambiduna Eesor-gi mayokta ayon araan langsinba yaai.
19 "Nakhoyna sahar amabu laksinba matamda, maphamduda houramba heipan leipan maanghanba yaade. Laan-ngambada matam yaamna changkhrabasu toupharoi. Uhei waahei-singdu nakhoyna chaaba yaai adubu mapaambi-singdudi maanghanba yaade. Paambi-singdu nakhoygi yeknaba natte. 20 atoppa upaansing yaanduna nakhoyna laanbannachingba saaba yaai. maasi sahardubu mapung phaana laksindriba phaaoba chatthaba yaai.