Joshua 22
Nongpokta khundagadouba jattu Joshuana halhanbiba
1 Joshuana Reuben, Gad amadi Nongpoklomda khundagadouba Manassehgi kaangbudu kousillaga asumna haayrammi,
2 Eeshorgi manaai Mosesna haayramba pumnamak nakhoyna paangthokle. Eina nakhoyna thoudaaba thabak khudingda nakhoyna hiktokpa leite.
3 Ngasi phaaoba nakhoyna nachin nanaaoshingbu namthaak toude. Thoidokna napuroi Eeshorgi thabak thouram kayaa paangthokpada yaamna chekshinna paangthok-e.
4 Maramsina houjikti napuroi Eeshorna waashakkhibadugi matung ennaa nachin nanaaoshingda engthaba pinabire. Maramsina Eeshorgi manaai Mosesna nakhoyda pibiramba Jordangi waangmada leiriba lamduda nakhoy haanba yaade.
5 Eeshorgi manaai Mosesna taklamba napuroi Eeshorbu lunaa tougadabani, mahaakki yaathang ngaakna chatkadabani, ebungngo mahaakki aningbadu tougadabani, ebungngoda changjagadabani, aduga ebungngo mahaakpu thawaay hakchaang yaaonaseba tougadabani. Haaykhibadu kaidana chatlu.
6 Asumna Joshuana makhoybu bor pibirammi. Makhoybu mahaakna chatlo haayba yaathang pirabada Jordangi waangma taanna makhoy khongshaankhi.
7 Manassehgi kaanglup tangkhay amada Mosesna Jordangi nongpokta lam khara pirammi aduga atoppa tangkhay amadudana atoppa tribeshinggi marakta Jordangi nongchupta Joshuana pikhi.
8 Matamduda mahaakna makhoyda haayrammi, "lan-thum, maraang kaina puduna nakhoy naranyaaida hallo. shaa-san, silver, sanaa, pithraai, yot, phiron, nakhoygi yeknabashingdagi nakhoyna khomlakpa amadi nakhoygi chaakthungshingdu phajanaa yennou."
9 Maramsina Reuben, Gad amadi Mosesgi kaanglup tangkhaaiduna Israelgi mishingdagi bidai louduna Canaanda leiba Siloh kouba maphamdudagi Eeshorgi manaai Mosesgi matamda makhoyda piramba lam Gileadta hankhi.
Jordanda shaakhiba phaankhong
10 Makhoyna Jordangi ngamkhei yourakpa matamda Canaanda Reuben, Gad amadi Manassehgi kaanglup tangkhaaiduna matam khara potthakhi. Makhoyna Jordan turenda khongbalda yaamna chaaoraba phaankhong amaa shaakhi.
11 Maasi Israelgi mishingna taarammi. Maramsina makhoyna haayrammi, "Reuben, Gad amadi Manassehgi kaangbu thangkhaai aduga Jordan khongbalda Israelgi mishinggi lamda phaankhong amaa saare haayri."
12 Waaphamsi taarabada Israelgi mishingna Silohda tillammi. Makhoyna laandanaba shemshaarammi.
13 Mataangsida Israelgi mishingna purohit Eleazargi machaanupa Phinehabu Gileadta leiriba Reuben, Gad amadi Manassehgi kaanglup tangkhaydugi manaakta thaarammi.
14-15 Mahaakka loynanaa Israelgi tribeshingdagi luchingba amamsu khan-gatlaga mi taraa amasu thaarammi. Gileadta leiriba Reuben, Gad amadi Manassehgi kaanglupki tangkhay amaduda makhoyna haayrammi,
16 Eeshorgi miyaamna nakhoyda asumna haayri: Eeshorgi yaathang hiktoktuna phaankhong amaa shaaraduna Eeshorbu thoidana Israelgi Eeshorgi mayokta araanba karigi touribano?
17 Peorda eikhoyna yaamna chaaoraba araanba thabak amaa toukhidra? madugi marandugi maheidu ngasi phaaoba leiri. Haayriba araanbasi toukhibadagi Eeshorgi miyaamda achouba laaichat thokkhiba nattra?
18 Karigidamak nakhoyna Eeshorbu thouganjabadu thaadoklibano? Karigumba nakhoyna ngasi Eeshorgi mayokta leiba taarabadi hayengdi Eeshorna Israelgi mishinggi mathakta shaaoragani. 19 Nakhoyda thungliba lamsi ebungngobu khurumbada matik chaade ninglabadi Eeshorgi khubham shaaduna leiribasida eikhoygi erakta leiraro. Eeshorgi mayokta nakhoyna aningbadu toudabana phei. Eikhoy epuroi Eeshorgini haayna leiriba phaankhongdu nattaba atoppa amaa shaaduna eikhoysu maraal leihanbiganu.
20 Zerahgi machaanupa Akhanna louba yaadaba pot louruduna Israelgi mishing awaabada taakhi. Mahaakna touba marandugi maheidu mahaak matomta phangkhide.
21 Maasida Reuben, Gad amadi Manassehgi jaat tangkhaaiduna makhoyda haayrammi,
22 Amatta ngaayraba waangchaoraba Eeshor mahaakna pumnamaksi khangbi. Aduga Israelgi mishingsinasu maasi khangbiyu madudi karigumba thaajadaduna nattraga Eeshorgi aningbadu thugaayduna eikhoyna ngasi phaankhongsi shaaramba thoklabadi eikhoy hatpiba yaai.
23 Phaankhong amaa saruba hatakta Eeshorbu thaadoklo hek taakpiba, nattraga karigumba eikhoyna meida thaaduna puja tounanaba nattraga mahei marong katnanaba nattraga lamdaai shumdaaigi puja tounanaba shaaramba taarabadi, Eeshorna eikhoygi ethakta laman shingbiba oisanu.
24 Eikhoyna ngasi sariba phaankhongsigi maramdi atei karisu natte laakkadouba matamda nakhoygi nachaashingna eikhoygi echaashingda Israelgi Eeshordu nakhoygidi yaaode haayrakpa yaai.
25 Eeshorna Jordansida eikhoy amadi nakhoy anigi marakta lamgi ngamkhei oihanbire. Reuben amadi Gadgi mishingna Eeshorga mari leinade haayrakpa yaai. Maasi haayduna eikhoygi echaashingdu nakhoygi nachaashingna Eeshorgi seba phanghanbidaba yaai.
26 Maramsina eikhoyna phaankhong amaa sarubani. maasida meida thaaduna nattraga atei thounachingba paangthokpadi yaaroi.
27 Masina nakhoy amadi eikhoygi marakta achouba askhi amaa oinaa leihounaba haayduna sarubani. Masina laakkadouba mirondasu saakhi amaa oinaa leihourani. Haayriba phaankhongsigi mapaanna eikhoygi Eeshorgi seba changduna meida thaaba puja amadi atei thounachingba aduga lamdaai shumdaaigi pujanachingba tounabagi khudamni. Nattrabadi nakhoygi nachaashingna matam amada nakhoygi sharuk yaaode haayduna haayrakpa yaai.
28 Laakkadouba matamda eikhoyda nattraga eikhoygi echaashingda karigumba waaphamsi haayraklabadi eikhoyna haaygani" yeng-u, eikhoygi epashingna shaaramba Eeshorgi phaankhong amaa leiribasina saakhini. Maasi makhoyna meida thaaduna nattraga atei thou tounanaba shaaramba natte. Nakhoyga eikhoygagi mathakta masina saakhi oinanaba shaarambani.
29 Eeshorbu thaadokkani haaybadudi eikhoygi waakhandadi leijade. Eikhoygi epuroi Eeshorgi mamaangda leiriba phaankhongdudagi hendokna atei atoppa phaankhong amaa shaaduna eikhoyna meida thaaduna touba thou nattraga atei atoppa thou tougani haaybasisu eikhoyna thajaruba leite. Sariba phaankhongsina Eeshorbu thaadokpadi shakloi.
30 Purohit Pinehas amadi Israelgi emung manunggi luchingbashingduna Reuben, Gad amadi Manasseh tribe tangkhay amagi mishingduna haayba waadu phajanaa taarammi. Waashingdu taabada makhoy pellammi.
31 Purohit Eleazargi machaanupa Pinehasna Reuben, Gad amadi Manassehgi mi tangkhaynachingbaduda haayrammi, "ngasi eikhoyna phajanaa khangle Eeshorna eikhoybu latnabidre. Nakhoyna Eeshorgi mayokta thoidokpa maraal leiba thabak toudaba maramna Israelgi mishingbu Eeshorna shaaogadoubadudagi kanbire.
32 Masigi matungda purohit Eleazargi machaanupa Pinehasna amadi luchingbashingduna Gileadta leiriba Reuben, Gad amadi Manassehgi kaanglup tangkhaydu unaraba matungda Canaanda leiriba Israelgi miyaamgi manaakta amuk haanna chatkhi. Makhoyna miyaamda paaosi tamkhi.
33 Tamlariba paaodu taabada Israelgi mishingna pennakhi. Israelgi mishingna Eeshorgi matik mayaaidu sonnakhi. Makhoygi mayokta laandanaba khan-narambadu tokkhi. Reuben amadi Gadshingna leiriba lamshingdu tumna maanghallasi khan-narambadu thaadokkhi.
34 Reuben amadi Gadki mishingna phaankhongdubu "saakhini" haayna koukhi. Makhoyna asumna haayrammi, "masidi nakhoy amadi eikhoygi marakta Eeshordi Mapu oibiribani haaybadugi saakhini."