Jeremiah 28
Jeremiah amadi maichou Hananiah
28 Hairiba chahisimaktada Judahgi ningthou Zedekiahna panba ahanba chahigi mangasuba thada Azzurgi machanupa Hananiah kouba Gibeondagi wa takthokpaduna eigi iphamda purohitsing amadi miyamgi mamangda Ishor-gi ningnashangda hairammi,
2 " Israelgi Mapu Ibungo nongthak nongkha anigi Ishor-na asuman takpiri: Babylon-gi ningthou potpudu eina thudekle. 3 Chahi anigi manungda Ishor-gi ningnashangdagi Babylon-gi ningthou Nebuchadnezzarna Babylonda pukhiba patrasingdu eina purakkani. 4 Ishor-na takpiri, eina Judahgi ningthou Jehoiakimgi machanupa Jehoiachin amadi Babylonda loi oina pukhiba mishingdu maphamsida amuk hanna purakkani. Babylon-gi ningthougi potpudu houjikti eina thudeklagani.
5 Matangduda wa takthokpa Jeremiahna wa takthokpa Hananiahda purohit amadi Ishor-gi ningnashangda lepliba mishinggimamangda hairammi. 6 Wa takthokpa Jeremiahna hairak-i, "amen. Ishor-na madum-ak thok-hanbiba oisanu. Nahakna miyam mamangda phongdokkhiba wasingdu Ishor-na soidana thunghanbiba oisanu. Ishor-gi ningnashangdagi patrasing aduga lanpha oina pukhiba mishingdu Babylondagi loina amatta chitthadana hallakhanba oisanu. 7 Adubu nahakna amadi mishingna tagado-uriba eina haigadouriba wasingsi taro. 8 Nahak amadi eigi imangda leiramba wa takthokpasingna leibak kaya amadi achouba lam kayagi mathakta sabao lanbao, chaktangba, matin makang tagabi pao kaya sandokkhi.
9 Adubu mara taplaba pao puduna lakliba wa takthokpadugi wadi mahakna phongdokliba wadu soidana chumna thoklarabatada Lainingthou Ibungona mahakpu iseng sengna tharakpani haibasi khangnei.
10 Matangduda wa takthokpa Hananiahna wa takthokpa Jeremiahgi mangaksamdagi potpudu louraga thude klammi. 11 Hananiahna miyam mamangda hairammi. "Ishor-na asumna takpiri: Atoppa jatsinggi mangaksamda thangliba Babylon-gi ningthou Nebuchadnezzargi potpu-du matou asigumna chahi anigi manungda eina thudekkani." Matamduda wa takthokpa Jeremiahna wa ama phaoba hairamdana tuminna mahakna chatkadaba lambeldu yengduna chatkhi.
12 Wa takthokpa Hananiahna wa takthokpa Jeremiahgi mangaksamdagi potpudu thudeklaba matungda Jeremiahgi maphamda Ishor-na wa ngangbirammi. 13 "Chatlu. Hananiahda haiyu. Ishor-na asumna hairi: nahakna una semba pobotchei thudekpa ngambasu sagani eina yotna pobotchei anouba. 14 Israelgi Mapu Ibungo nongthak nongkha anigi Ishor-na asumna takpiri: jat khudingmakki mangaksamda eina yotki potpu amamam thangkhrabani. Maramsina makhoi Babylon-gi ningthou Nebuchadnezzargi makha pondaba yaroi. Mahakki makhutta labukta leiriba sha-uchek phaoba pithokkhrabani." 15 Wa takthokpa Jeremiahna wa takthokpa Hananiahada hairammi, "taro, Hananiah Ishor-na nahakpu thaba natte. Aduga nahakna mishing sibu minamba wa haiduna maduda thajahalli. 16 Maramsina Ishor-na asumna hairi: yengu, eina nahakpu malemsigi leikoibungdagi ngamnamak naming muthatlagani. Chahisimaktada nahak amang yathong kumlagadabani. Maramdi nahakna Ishor-gi mayokta chumdaba wa haikhre."
17 Hairiba chahisimaktada taretsuba thada wa thakthokpa Hananiaha nongakhi.