Hebrew 6

1 Maram asigidamak Christagi ahoubagi waa thaadoktuna, eikhoyna mapung phaabaromda enkhatsi; ashibaa thabaktagi pukning hongbagi, Eeshoromda thaajabagi,

2 Eruppa makheigi tambibagi, khut thambibagi, ashibashing hinggatpagi amasung loyba naaidaba waayel toubagi yumpham amuk haanna thon-ganusi.

3 Aduga Eeshorna yaabirabadi, maasi eikhoyna toujagani.

4 Maramdi amuk nganbikhraba, swargagi khudon mahaao tangkhraba, thawaay ashengba sharuk phangminnaba oihanbikhraba,

5 Eeshorgi aphaba waa amasung laakkadaba jugki toungamdaba thabakshing mahaao tangkhraba makhoyshingna taakhraba da,

6 Makhoybu amuk haanna pukning hongba phaaoba nouhanba oithoktabani; maramdi makhoyna Eeshorgi machaanupabu makhoy mashaagi damak crossta haattuna, ebungngobu ephong phongna ekaaihalli; 

7 Maramdi mathakta nong haanna hanna taaba adu thaldaba, amasung uribashinggi damak achaaba mamaa mashing tholdlanbiba leibaak aduna Eeshordagi bor phangbani.

8 Adubu tingkhang langhang ngaakta houhallabadi, leibaak adu yaadabani amasung siraap naklabani; madugi arombadi mei thabani. 

9 Touegumsung, achaanbasa, eikhoyna asumna nganglabasu, nakhoygi maramda henna phaba amasung aran khubaamgi oiba adu eikhoyna thaajei;

10 Maramdi Eeshorna nakhoygi thabak amasung nungshiba kaonaba dharmachendaba natte; nakhoyna ashengbashingbu thougan toukhraba amasung touriba aduna ebungngo mahaakki minglomda nungshiba adu utpire.

11 Aduga nakhoyna tandaduna, thaajaba amasung khangheibagi mapaanna waaleppa adu phangjaba makhoy adugi matou loubashing oinanaba,

12 Nakhoy mi khudingna mamei phaaoba khouraangna ningba mapung phaana khangba taanna pukning changba adumak nakhoyna utpa eikhoyna paambani.

Eeshorgi waarepna khouraangna ningba pok-hanbi

13 Maramdi Eeshorna Abrahamda waaleppa matamda, waashakpada pannanaba henna chaaoba kanaa amatagi ming leitbagi maramna, ebungngo mashaamakki ming panjaduna waashaklak-e,

14 Shoydana eina nangonda bor pisu pibigani, aduga yaamsu yaamhanbigani.

15 Amasung asum touna mahaakna khangheina khangjare haayraga, waaleppa adu phangjare. 

16 Maramdi mishingna henna chaaobagi ming panduna waashaknei, aduga chet-hannabagi damak waashakpana makhoygi ningai tounaba khudingda loinei.

17 Asumna Eeshorna ebungngo mahaakki waakhangi hongba yaadaba adubu waaleppa adu phangbashingda henna yaamna utningduna ebungngo mahaakna waashakpana taisille;

18 Changjapham phangnabagi damak chellaba eikhoyna eikhoygi maangda leiba khouraangna ningba adu painaba hongba yaadaba thabak anigi mapaanna (maduda Eeshorna chinthiba oithoktabani) eikhoy kanna thougatpa phangjananabani.

19 Eikhoyna phangjaba khouraangna ningba asi thawaaygi longgorgumbani, masimakna aoiba, achetpa amasung maaykhanphi manungda leiba aduda changbani.

20 Maaykhanphi manungda leiba aduda Jesusna Melkisedekki matou matung ennaa loyba naaidaba purohitlen oiraktuna, eikhoygidamak mangthaba oinaa changbire.