John 1
Johnna lengba aphaba waapaao
1 Ahaanbada waahei adu leirammi, waahei adu Eeshorga leiminnarammi, amasung waahei adu Eeshor oirammi.
2 Ebungngo mahaak asina ahaanbada Eeshorga leiminnarammi.
3 Pot pumnamak ebungngo mahaakki mapaanna oirakle, amasung oirakkhrabada adu ebungngo mahaak nattana kari amatta oirakte.
4 Ebungngo maangonda hingba leirammi, aduga hingba adu mishinggi mangaan oirammi.
5 Amasung mangaan aduna amaambada ngaalli, amasung amaamba aduna mangaan adubu ngamde.
6 Maming John kouba Eeshordagi thaarakpa mi amaa phaorak-e.
7 Mahaak asina mangaan adugi maramda saakhi pinanaba, pumnamak mahaakki mapaanna thaajananaba, mahaakna sakhigi damak laakle.
8 Mahaakti mangaan adu oiramde, touegumsung mangaan adugi maramda mahaakna saakhi pinanabani.
9 Taaibang-paanda laakliba, mi khudingbu nganbiba, achumba mangaan adu leirammi.
10 Ebungngodi taaibang-paanda leirammi, aduga ebungngogi mapaanna taaibang-paal oirakle, amasung taaibang-paanna ebungngobu khanglamde.
11 Ebungngona masaagi oiba maphamda laak-e, aduga ebungngo masaagi oibasingna ebungngobu loushinde.
12 Touegumsung ebungngobu lousillaba makheida haaybadi ebungngogi mingda thaajaba makhoy aduda, Eeshorgi machaashing oiraknanaba ebungngona matik pibire.
13 Makhoy pokkraba adudi eedagisu, hakchaanggi ningbadagisu, migi ningbadagisu natte, adubu Eeshordagini.
14 Amasung waahei aduna shaayollaktuna, thoujaanne achumbane pikthanduna eikhoygi erakta leibirare; aduga mapaadagi amata ngaayba machaagi matik mangaan oiba adugumba ebungngogi matik mangaan adu eikhoyna ujare.
15 Johnna ebungngogi maramda saakhi piduna laaona haay, ebungngo mahaakki maramda, eigi tungda laakliba ebungngona emang thraakli, maramdi ebungngodi eingondagi haanna leirammi haayna eina haaykhiba ebungngo adu asini.
16 Maramdi ebungngogi athanbadagi thoujaalgi mathakta thoujaansu eikhoy pumnamakna phangjare.
17 Maramdi Mosesgi mapaanna waayel yaathang adubu pire, Jesus Christagi mapaanna thoujaan amasung achumba adu thokle.
18 Eeshorbu kanaa amatana khak ude, amata ngaayba machaa nupaa Eeshor, mapaagi mathaada leiriba ebungngo aduna ebungngo mahaakpu phongdokle.
Buptized toubiba Johnna Jesusgi maramda saakhi piba
( Matthew 3.1-12; Mark 1.1-8; Luke 3.15-17 )
19 Amasung, nahaak kanaano, haayna hangnanaba Jewish-shingna Jerusalemdagi purohit shing amasung Lebiyanshingbu thaarakpada, John-gi saakhi adu asini.
20 Mahaakna haaysu haaydokle, amasung yaadabasu toude, adubu, eidi Christa adu natte, haayna mahaakna haaydokle. Mahaakna khumle, natte.
22 Maram aduna makhoyna maangonda haay, eikhoybu thaarakpashingda eikhoyna paaoukhum pinanaba, nahaak kanaano? nahaak nasagi maramda kari haayribano?
23 Mahaakna haay, Eeshorgi waa taakthokpa Isaiahna haaykhiba gumna, Eeshorgi lambi adu chumhallu, haayna lamjaaoda amanaa laoribagi khonjen eini.
24 Makhoydi phaarisishingdagi thaarakpani.
25 Aduga makhoyna maangonda hanglak-e, adu oiraga nahaak Christasu, Elijahsu, Eeshorgi waa taakthokpa adusu nattrabadi, nahaakna buptized toubiriba karigino?
26 Johnna makhoyda khumlak-e, einadi eeshingda buptized toubi, nakhoyna khangdaba ebungngo mahaak adu nakhoygi narakta lepli.
27 Mahak asi eigi tungda lengbirakpa Ebungngoduni, Ebungngogi khugraang mari adu eina louthokpa etik chaade.
28 Johnna buptized toubiba mapham, Jordan waangmada Bethanyda thabak makhei asi thokle.
29 Mathanggi numitta Johnna mahaakki manaakta Jesusna laakpa uduna mahaakna haay, yeng-u, Eeshorgi yaao macha, taaibang paanbagi paap pubiba adu!
30 Ebungngogi maramda, eigi mang thaarakliba nupaana etungda laak-e, maramdi ebungngodi eingondagi haanna leirammi haayduna eina haaykhiba ebungngo adu asini.
31 Aduga einadi ebungngobu khanglamde; adubu ebungngobu Israel-shingda phongdoknanabagi damak eina eeshingda buptized toubiduna laakle.
32 Amasung Johnna saakhi piduna haay, thawaay aduna swargadagi khunungumna kumthaarakpa eina ure, aduga masina ebungngogi thakta leibire.
33 Aduga einadi ebungngobu khanglamde; adubu eeshingda buptized toubina-naba eibu thaarakpa ebungngo mahaak aduna eingonda haay, 'thawaay aduna kumtharaktuna kanaagumbagi mathakta leibiriba nangna ugani, asimakna thawaay ashengbada buptized toubiba ebungngoni'.
34 Amasung eina ure, aduga maasi Eeshorgi machaa nupaa aduni haayduna eina saakhi pire.
Buptized toubiba John-gi sebokshing amasung Jesus
35 Amuk adugi nongaallaga John-ga mahaakki sebokshinggi aniga leplammi;
36 Mapham aduda chatunna leiriba Jesusbu mahaakna uraduna haay, yeng-u, Eeshorgi yaao machaa adu!
37 Aduga mahaakki sebok ani aduna mahaakna ngaangba adu taarabada, Jesusgi tung elle.
38 Maaduda Jesusna ollaaktuna, makhoyna tung eellakliba adu urabada, makhoyda haay, nakhoyna kari thiribano? aduga makhoyna ebungngoda haay, Rabbi (haayba asi handokpada oja haaybani), ebungngo kadaayda leibage
39 Ebungngona makhoyda haay, laak-u, ugani, maram aduna makhoyna laaklaga ebungngogi leipham ure, aduga makhoyna numit adu ebungngoga leiminnare, maadu numidaangwaairam pung 4:00 Aduwaaini.
40 John-gi waa taaduna, ebungngogi tung enba ani adugi amadi, Simon Petergi manaao nupaa Andrew oirammi.
41 Mahaak asina ahaanbada mahaakmakki mayaamba Simonbu phangduna, maangonda haay, eikhoyna Messiah phangjare (haayba asi handokpada Christa haaybani)
42 Mahaakna mahaakpu Jesusgi manaakta purakle, Jesusna maangonda yengduna haay, nangdi John-gi machaa nupaa Simonni, nangbu Cephas kougani (haayba asi handokpada Peter haaybani)
43 Adugi nongngaallakpada ebungngona Galilee taanna lengningle, aduga Philippu phangladuna, Jesusna maangonda haay, eigi etung ellu.
44 Philipti Andrew amasung Petergi khul Bethsaida-dagi oirammi.
45 Philipna Nathanael phangduna, maangonda haay, Mosesna waayel yaathang adugi laairikta amsung Eeshorgi waa taakthokpa shingna ekhiba ebungngo adubu eikhoyna phangjare, maadu Josephki machaa nupaa Nazarethki Jesus aduni.
46 Maaduda Nathanaelna maangonda haay, Nazarethtagi karigumba aphaba thokpa ngambra?, Philipna maangonda haay, laaktuna yeng-u.
47 Jesusna manaakta Nathanael laakpa uraduna mahaakki maramda haay, yeng-u tasengnamak Israelgi mini, maangonda lingjel chumdaba leite!
48 Nathanaelna ebungngoda haay, karamna eibu khangbibage?, Jesusna maangonda khumlak-e, Philipna nangbu koudringeida nangna heiyit paambigi makhaada leiba adu eina ukhi.
49 Nathanaelna ebungngoda khumle, Rabbi, ebungngodi Eeshorgi machaa-nupaani, ebungngodi Israelgi ningthouni.
50 Jesusna maangonda khumlak-e, eina nangbu heiyit paambigi makhaada ukhi haayna nangonda haaybagi maramna thaajabra? asidagi henna achou achouba thabak nangna ugani.
51 Amasung ebungngona maangonda haay, eina nakhoyda thaanggei shengnamak haayribani, swarga haangdoklaba amasung Eeshorgi dutshingna migi machaa nupaa adugi mathakta kaakhat-khumtha touba nakhoyna ugani.