Micah 7
Ningba kaibadagi asha laakpa
1Onthokpanida eihaakse, kalen thaagi uhei aroiba angur mahei hekkhibagi matougumle adugumba matamduda yaton tangnnaba angur mahei amatta leihoudaba nattraga eina yaamna pamjaba theibong paambida theibong amatta leihoudabagi matougumle.
2 Malemsida achumba kanaasu leitre, achumba touba kanaasu leitre, emu naimu tahangadabagi ngaaiduna leiba mi ngaakta ngaire, mi khudingmak maagi maagi machin manaaobu shaa tanbagi matougumna phaagadabagi langda hoijalli.
3 Makhoyna phattaba toubada thawaay yaaowi, ningthou machaashing amadi bichar toubashingna shel chagadabagi thiduna lei, maming chatpashingnasu makhoygi machindagi phattaba waa ngaangthok-e aduga makhoy pullaga punshinduna oihanningbadu oihalli.
4 Makhoygi marakta mithoi mihenbadu heibi tingkhanggumbani. Makhoygi marakta Khwaaidagi chumle haayribashingdusu machin thouba tingkhanggumbani. Nakhoygi mitsen khaangba amadi nakhoygi nathakta pigadaba dandagi numittu houjikti laakle. Houjikti nakhoy mapham maraang khanglaroi.
5 Nakhoygi yumlon keironnabadu thajaruganu Narup napangbusu thajaruganu, nahaakki natambakta leiribi nupiduda phaaoba nachin kangganu.
6 Maramdi machana mapaa phaaoba hanggoina yengba hourakkani, machaanupina mamaagi mayokta hougatkadaba matamni, mamouna manemgi mathakta, ashengbamak mi amagi yeknabadi maagi emung manunggi mishingduni.
7 Adubu eidi Eeshordubu thijagani, eibu lanbiba Eeshordubu ngaaiduna leijagani, Eeshorna eibu shoydana nungshibigani.
Aran khubhamdi Ebungngona pibigani
8 Eina maaythiba matamsida eibu hanthana yengganuda eigi yeknabasa, ashengbamak eihaak amuk haanna hougatkani, eihaakna amaambada phamba matamda Eeshorna eigidamak mangaan oibigani.
9 Eeshorna shaaobagi meichaaktu eihaak puba taay, maramdi eina maagi mityengda paap toukhre. Mahaakna eigi eramsi ningshingbiduna bichar toudribamakhei potlumsi eina puba taay. Mahaakna eibu mangaanda puthokpiraktuna maagi achumbadu uhanbidri phaaoba potlumdu eina puragani.
10 Eigi yeknabashingna madu ugani, eingonda nanggi Eeshor kadaayda leikhre haaykhibashingdusu ekaaiba nanggani. Asigi matungda laambelda leiba leikhombu khongna nettuna chatpagum makhoybu noihatpigani, Matamduda eina makhoybu kallak penna yenggani.
11 Haayriba numittu nakhoygi chekpan shaagatpa numit oigani, makhoygi lamsu yaamna pak chaaona shaandokkani.
12 Haayriba numittuda Assyriadagi Egypt phaaobada leiba mishing aduga Egypttagi Euphrate turenda phaaobagi mishing samudra amadagi samudra amaa laanduna, chinglon amadagi chinglon amaa laanduna mishingna nakhoygi naphamda laakkani.
13 Matamduda maalemsida leiriba mishingsi marai chaithagani, maramdi makhoyna toujaba thabakki maheidu paapni,
Eeshorna Israelbu nungshiba
14 Chei paayduna nakhoygi mishingbu phajanaa sellu, makhoy nanggi yaao shanggu nattra? Makhoy matomta thaadoklabadi lamhaang amadi janggalda leigani. Houkhiba matamda toubagumba makhoybu Basan amadi Gileadta machinjaak chahallu.
15 Egypt leibaaktagi nakhoyna thorakpa matamda toukhibagumna eina angakpa thabak touduna makhoyda utkani.
16 Jaatshingna maasi ugani aduga akanbaani haayna napan tourubadudagi maramda ekaaiba nanggani. Makhoy maronsu thoklaroi aduga manasu tararoi
17 Lin amadi mapukna shittuna chatpa jibaagumna makhoyna leibaak lekkani, makhoygi laanbandagi thak thak nikladuna makhoy thorakkani. Aduga eikhoygi Eeshorgi khuyaa khada changjagani. Eikhoygi Eeshor,makhoyna nangbu kiba oisanu.
18 Nanggumba Eeshor kanaa leibage? Nahaakti paap kokpiba ngammi, nahaakki mishinggi eremkhakshinggi paap nahaakna chamthokpi. Nahaak amutpa leitana shaaobadu heite, nahaakti hongba naaidaba nungshibaduda paamba ebungngoni.
19 Nahaakki pukning thotna nungshibadu eikhoyda utpiyu aduga eikhoygi paap chamthokpiyu. Eikhoygi paap aruba samudrada thadabiyu
20 Jacobta nahaakna hongba leitba thaajabadusu utpigani, hongba naaidaba nungshibadu Abrahamda utpiyu. Pumnamaksi nahaakna eikhoygi epa epushingda waashakpikhiba gumna thunghanbiyu.