Esther 4
Mordecaina Estherda mateng pangnanaba thousillakpa
4 Thokkhriba thoudoksi Mordecaina taaba matamda maphi segaayduna segaayraba phi setlaga awaaba maaythongda leirammi. Phi segaayba setladuna makok khumjinduna ut makokta chaikhattuna laona kapladuna sahardu phaoraga chatlammi. 2 asumna mahaakna ningthou konunggi thonggal yourakhi. Manungda mahaak changkhide maramdi phi segaayba setlaga kanaagumba amatta manungda changhallamde. 3 ningthouna paalliba adugaa mahaakki makhaada leiriba lamsingda yaathang youkhibagi matung ennaa Jews-singgi marakta mikap miraokhonna ninkhi. makhoyna chara henkhi, kapkhi. Amadi tengthaakhi. Amasung makhoy ayaambana phi segaayba settuna nungaaitaba phongdokkhi. adugaa ut marakta onduna lenkhi.
4 Esthergi manaai nupising amadi nupi sabisingna Mordecaina touribadu Estherda haayba matamda mahaak Mathawaai nungaairamde. Mahaakna Mordecaina setnnaba phi khara thaakhirammi adubu Mordecaina phisingdu loukhide.5 Masigi matungda ningthouna Esthergi manaai oinaa khankhiba nupisabai Hathakpu kouraduna Mordecaigi manaakta chatnanaba yaathang tourammi. Hathakna maphamduda chatlaga touriba matousi karino khangnaba yaathangsu toukhi. 6 Hathakna sahargi lamyaai konunggi sanathong tana chatlaga Mordecaiga unarammi. 7 Mordecaina thokliba thoudok khuding tamlammi adugaa karigumba Jews-sing loina haatlabadi konungda peisa kayaa khomjinba ngamgani haaybanachingba loina tamkhi. 8 Jews-singbu haatna-naba toukhiba yaathanggi cheron Susa konungdagi thok-khibadu Hathakta pikhi Mordecaina cherondu Estherda khanghanduna ningthougi manaakta changduna Jews-singgidamak haayjanaba maronsu Hathakta sinnakhi. 9 Hathakna haayribasimak paangthokkhi. 10 adugaa maasi taabada Estherna Mordecaida asumna paaodamnaba amuk haanna thaakhi.11 "Kanaagumba nupaa oirabasu nupi oirabasu, konunggi manungthangba kaada changduna paao piba toudana ningthougi manaakta chatluba midu sibagi awaapham pi. maasi chatnapathapni. ningthougi phamnaaiba-singdagina leibaak miyaam sinbaa thungna maasi khanglibani. Haayriba chatnapathapsi yahange haayrabadi lambi amattamak lei: Karigumba ningthouna sanaagi waayeljeidu thaanggatpirabadi, adugumba midugi mapunsi kalle khangnabadutani. ningthouna eigaa unakhiba thaa amakhakta mangaikhri."
12 Mordecaina Esthergi paaosi taabada 13 asumna haayhankhi, "konugda leiba maramna atei Jewsna siba matamda nahaak siroi khanganu. 14 asigumba matamda nahaakna tuminna leithoklabadi, koirouthaktagi mateng laaktuna Jews-sing kankhiba yaai adugaa nahaakti siba taay adugaa nahaakki napaagi emunggi misingdi loina siragani. kanaana khngba asigumba matamsida nahaakki nateng phangna-naba nahaakpu maharani oihankhibadusu."
15 Masida Estherna Mordecaida asumna khanghankhi. 16 "Hallaga Susada leiriba Jews-singdu khomjinduna chara henduna eigidamak haayjabiyu ahing ahum amadi nungthin ahum chupnaa karisu chadana eigidamak haayjabiyu. Eigi enaai nupising amadi eisu masimak tougani. Chatnapathapki waangma lanllabasu masigi matungda ningthouga unanaba toujage. Masida eihaak siba tarabsu sikhrage"
17 Mordecaina chatkhraga Estherna haaykhibasingdu mathang manaao naaina paangthokkhi.