Ezekiel 22
Jerusalemna touba araanbashing
1 Asigisu mathakta Eeshorna eingonda waashingse haaybirammi:
2 He nupaa, nahaakna bichar tougadra? Bichar touroidra phatraba saaharsigi mathakta? Maangonda phattaba thabakshingdugi maramda haaybiyu.
3 Nahaakna makhoyda haaygadabani, "Eeshorna asumna taakpiri: mahaakki chekpan manungda ee nai taahanba, mashaana mashaabu manghanjaba, laai murti laaktuna mashaana mashaabu tumhnjaba saahardu awaabanida.
4 Nahaakna taahalliba eeshingduna nahaakki naran oire. Nahaakna sajaba laai murtishingduna nashaabu manghanjare. Nahaakki tunggi napunsida thokkadaba awaabashingdu nahaakna khandokchaare. Maramsina eina nahaakpu jaat ateina cheinaba potshak aduga atoppa leibaakshingna noknapham oinaa thamlabani.
5 Nahaakki akoyba amadi athaappada leiriba mishingduna nahaakki naramchat amadi natouduna noknagani.
6 Israelgi manungda leiriba ningthou machaashingduna manaa manaa paamba matung ennaa mathouna phudoktuna emu naibu taanaba haayduna thouraangli.
7 Nakhoygi narakta mapaa amadi mamaa oibashingbu thina tourido. Makhoyna shaaidaanglibashingbu ot neiri, mamaa mapaa leitbashing aduga mapuroiba leitrabishingdubu thina toubi.
8 Eigi ashengba potshingdu nakhoyna mangthokle aduga eigi potthaaba numitni haayna lounaribadusu nakhoyna ngaakna chatte.
9 Nakhoygi narakta ee nai taanaba kanna hotnaba mi leiri. Leiri nakhoygi narakta loibi chingda chattuna chakcha heijabagi thabak touribashing. Nakhoygi narakta maramchat chumdaba nupaa kayaa leiri.
10 Nakhoygi narakta mapaa oibashingna touba phattaba thabakshingdu phongdokpa kayaamarumsu leiri. Nakhoygi narakta masha shengdaba nupibu tinnaba misu kayaa leiri.
11 Kanaagumba yumlonnabagi nupiduga araanba lamchat chatli. Kanaagumbana mamou nupibu tinnari. Nakhoygi narakta kanaagumbana mapaa amattana pokpaa machan nupidu tinnari.
12 Ee taanabagidamak nakhoygi narakta kanaagumbana senja thumja touri. Nakhoyna sendoi henna louduna yumlonnabashingbu ot-neiri. Eeshorna taakpiri nakhoyna eibu ngamnamak kaokhre.
13 Nakhoyna namthaak touduna talliba naran aduga nakhoygi narakta takhriba eedugi laman eigi ekhutsimakna shingani.
14 Maduda nakhoygi nakhuttu kayaa kanba aduga nakhoy nathouna kayaa phaba haaybadu eina nakhoyda laman shingba matamduda yeng-u? Eeshor oiriba eina haaykhraba waani maramsina shoydana paangthokkani.
15 Eina nakhoybu Jaatshinggi amadi leibaakshinggi marakta chaaithokkani. Nakhoygi narakta leiriba amotpashingdu eina shengdokpigani.
16 Jaat ateigi mamaangda eibu nakhoyna thina tougani. Adubu matamduda eisi Eeshorni haayba nakhoyna khanggani.
Mei chakliba meiphu
17Eeshorna eingonda waa haaybirammi:
18 He nupaa, Israelgi mishingsi konmang oire. Makhoy pumnamak meiphuda punna hapchilliba shengdraba silver, pithraai, tin, yaaot, amadi misi yaanshinnabagi matougumle.
19 Maramsina Eeshorna asumna taakpiri: nakhoy pumnamak konmang oirabanina eina nakhoybu Jerusalemda khomjinbigani.
20 Kanaagumba amanaa silver, pithraai, yot misi amadi tin punna meiphuda shoudoknaba haapchinnabagi matougumna nakhoybu eigi ashaaobaduna mangoinaduna punna khomjinlaga matik chaaba dandi pigani.
21 Eina nakhoybu punsillaga eigi ashaaobadugi meiriduna nakhoyda kaamshingani. Matamduda nakhoy shoudokkani.
22 Meiphuda hapchillaba matamda silverna shoudokpagi matougumna nakhoy shoudokkani. Matamduda Eeshor oiriba eina nakhoygi nathakta eigi ashaaobadu taahalle haayba khanggani.
Israelgi luchingbana araanba touba
23 Eeshorna eingonda haaybikhiba waashing:
24 He nupaa, leibaaksida haaybiyu: nahaak ashengba leibaak amaa natte. ashaaobagi meishaa langkhiba matamduda nong taakhide.
25 Masigi manungda leiriba ningthou machaashingdu machinjaak chariba nongshagi matougumna ngangli. Makhoyna taaibang kayagi mapunsi maanghankhrabani. Makhoyna langei pukei pumnamak tekthokhrabani. Makhoyna nupi kayabusu lukhraabi oihankhrabani.
26 Masigi manungda leiriba purohit shingsu eigi puyadu mangnaba thouraang kayaa toukhrabani. Eigi ashengba pot kayasu makhoyna mangthokhrabani. Makhoyna ashengba amadi shengdaba anisigi khetnaba khangde. Amaangba amadi ashengba anigi khetnabadusu khangde. Makhoygi marakta eihaakki etik hanthanaba haayduna eigi potthaaba numittu makhoyna mangthoklabani.
27 Maasida leiriba ningthou machaashingsi shaa matum settuna chariba keishaalgi matougummi. Makhoyna ee kayaa taahalli aduga namthaak touduna sendong lounaba laaknari.
28 Maasida leiba waa taakthokpa shingna sunu haaybagi matougumna araanba khudam amadi araanba tungda thokkadaba waashing haayri, makhoyna haayri, " Eeshorna asumna taakpiri'. Adubu Eeshorna makhoyda waadi haaybiramde.
29 Leibaaksida leiriba mishingsina namduna amadi huranduna migi mapot loi. Makhoyna laairaba amadi anangshingbu neibi. Shaaidaangduna leibashingdagi thoujaan erik amaa haoba uttana neiduna leibi.
30 Eina maasibu manghandanaba kanaagumba ningkhaaykhraba chekpan shemgattuna akaaiba marakta leptuna eigi emangda leplaba mi amaa thikhi. Adubu makhoygi marakta kanaasu phangba ngamde.
31 Maramsina eigi ashaaobadu makhoygi marakta taaragadabani. Makhoybu eigi ashaaobagi meirisina chakthekkadabani. Eeshorna taakpiri nakhoyna touba thabakki maheidu makhoygi makokta taahangani."