Joshua 5

1 Jordangi nongchupta taariba Amorishinggi ningthoushing amadi Mediterraneangi epaaklomda taariba Canaan-gi ningthoushingna Israelgi mishingna Jordan lanba loidriba phaaoba eeshing kanghanbikhi haaybasi taarammi. Israelgi mishinggi maramda khalluba matamda makhoy loina mapaanggal amadi mathouna hantharammi.

Gilgalda Israelgi mishingbu maton-gi un kakpa

2 Eeshorna Joshuada haayrammi, "thang khara shemlaga Israelgi mishingbu maton-gi undu kak-u."

3 Eeshorgi yaathang matung ennaa Joshuana thabaksi paangthokkhi Israelgi mishingbu mahaakna un kakpagi ching haayna khangnaba maphamduda un kakkhi.

4-6 Israelgi mishingna Egypt thaadokpa matamda nupaashing loina un kakkhi. Miyaamduna chahi niphu chupnaa leikangla oiraba lamdu phaaoduna laakpa matamda pokkhiba nupaashingdu un kaklamde. Adugisu mathakta Egypt thaadokpa matamda laanmi oiba yarabashingdu Eeshorgi yaathang ngaakna chattaba maram nonggaakhi. Ebungngo mahaakna waashakkhibagumna mapaa mapushingda pibigani haayduna waatembikhiba leihao leiraba leibaaktu ubaa phangdana loina nonggaakhi.

7 Haayriba mishingsigi machaashingdu un kakkhide. Asigumba anouba mironsini Joshuana un kakkhibasi.

8 Maton-gi un kakpa loiraba matungda miyaamdu nakhoyna leinaba shaakhiba sangshinggi manungda anabadu phattriba phaaoba leirammi.

9 Eeshorna Joshuada haayrammi, "Egyptki minaai oinaa ekaairambadu ngasidi eina kokhallabani." maramsina maphamdugi maming Gilgal koukhi. Maasi houjik phaaoba kounari.

10 Israelgi mishingna Jerichogi manaakta leiriba Gilgalgi tampaakta leiringei matamda thadugi taraamarini shubaa numitta Numidaang-waairamda mahoina araan-chaakkhaangba paangthokkhi.

11 Mathanggi numituda ehaan haanba oinaa cananda houba mahei marong makhoyna chaakhi. Haamei yaaodaba tal amadi mahei marong meida thongduna chaakhi.

12 Maanna haayba chinjaaktu tarakkhide aduga Israelgi mishinggi makhutta haayriba mannasi maru amaa phaaoba leiramde. Haayriba matamsidagi houraduna makhoyna Canaanda houba mahei marong chaaba houkhi.

Joshuaga thaangshaang paayba nupaa amaaga oknaba

13 Joshuana Jericho naksillaba matamda ekhang khanghoudana mahaakki mamaangda thaangshaang paayba nupaa amaaga thengnakhi. Joshuana nupaadugi manaakta changsillaga hanglak-e, “nahaak eikhoygi laanmira nattraga yeknabashinggira?"

14 Nupaaduna khumlammi, animakki amatta natte. Eeshorgi laanmishinggi luchingbani."

 Joshuana leimaayda tuthajaraduna haayrak-e, "ebungngo, nanaaidi ebungngogini. Eibu keidoujou haaybage?"

15 Eeshorgi laanmigi luchingbaduna Joshuada haayrammi, "nakhongda tongliba khongnguptu louthok-u. Nahaakna lepliba maphamsi thoidokna ashengba maphamni." taakpiriba waaphamdugi matung ennaa Joshuana toukhi.