John 17
Jesus-na haayjaba
17 Jesus-na waasing asi haayre, adugaa swarga lomda ebungngona mit yengkhattuna haay, epa, pungpham adu laakle, 2 ebungngona nachaa-nupaada pibikhiba pumnamakta mahaakna lomba naaidaba hingba pibinanaba, lenglipalliba pumnamakki mathakta ebungngona maangonda matik pibikhiba adugumna, ebungngobu machaa-nupaana matik mangaan chaaohannanaba, nachaa-nupaabu matik mangaan chaaohanbiyu. 3 Amasung amata ngaayba achumba Eesor ebungngobu amasung ebungngona thaarakpa Jesus Christa-bu makhoyna khngba, maasi lomba naaidaba hingba aduni. 4 Eina tounanaba ebungngona eingonda pibikhiba thabak adu eina loithakladuna, prithibida ebungngobu matik mangaan chaaohalle. 5 Aduga, epa, taaibang-paan oidri-ngeida ebungngo-ga loynanaa eigi matik mangaan leiramba aduna ebungngo-gi manaakta houjik eibu matik mangaan chaaohanbiyu.
6 ebungngona taaibang paanbadagi eingonda pibikhiba mising aduda eina ebungngo-gi mingbu phongdokchaare, makhoy asi ebungngo-gi oirammi, adugaa ebungngona makhoybu eingonda pibire, amasung makhoyna ebungngo-gi waa ngakchaare 7 ebungngona eingonda pibikhiba pumnamak adu ebungngo-dagani haayba makhoyna khangle, 8 maramdi ebungngona eingonda pibikhiba waasing adu eina makhoyda pire, adugaa makhoyna maadu louduna, eina ebungngo-dagi thoklakpani haayba makhoyna chumna khangle, amasung ebungngona eibu thaarakpani haayba makhoyna thaajare. 9 Eina makhoygi damak haayjabani, taaibang paanbagi damak haayjaba natte, adubu ebungngona eingonda pibikhiba makhoy adugi damakni, maramdi makhoy ebungngo-gini. 10 Amasung eigi areiba makhei adu ebungngo-gini, adugaa ebungngo-gi adu eigini, amasung makhoygi mapaanna eina matik mangaan phangjare.
11 adugaa eidi taaibang-paanda leiraroi, adubu makhoy asigi taaibang-paanda leiri amasung eidi ebungngo-da lakchari. asengba epa, eikhoyna amata oibagumna makhoy oinanaba, ebungngona eingonda pibikhiba makhoybu ebungngo-gi mingda ngaakpiyu. 12 Eina makhoyga leiminnaringeida, ebungngona eingonda pibikhiba makhoy adubu ebungngo-gi mingda eina sennajarammi, adugaa eina makhoybu ngakchaare, amasung saas-tragi waa adu thungna-naba, amaangbagi machaa nupaa adu nattana, makhoy kana amata mangde.
13 touegumsung houjikti ei ebungngo-gi maphamda lakchari, adugaa makhoy makhoygi masaada eigi haraaoba mapung phahannanaba eina taaibang-paanda waasing asi haayri. 14 Eina ebungngo-gi waa makhoyda pikhre, amasung, taaibang paanbana makhoybu tukkachaare, maramdi ei taaibang paanbagi nattabagumna, makhoybu taaibang paanbagi natte.
15 Eina makhoybu taaibang paanbadagi puthokpiyu haayjaba natte, adubu ebungngona makhoybu phattaba adudagi sennabiyu haayjabani. 16 Ei taaibang paanbagi nattabagumna, makhoysu taaibang paanbagi natte. 17 Makhoybu achumba aduna sengdokpiyu, ebungngo-gi waadi achumbani. 18 ebungngona eibu taaibang paanbada thaarakpa adugumna einasu makhoybu taaibang paanbada thaare. 19 Amasung makhoy masaabusu achumbana sengdokpinanaba, makhoygi maramgi damak eina esa ethantabu katthokchei.
20 adugaa makhoy asigi ngaakta eina haayjaba natte, adubu makhoygi waadagi thaajaba makhoygi maramdasu, 21 Makhoy pumnamak amata oinanaba haayjabani, ebungngona eibu thaarakpani haayba taaibang paanbana thajana-naba, he epa, ebungngona eingonda adugaa eina ebungngo-da leibagumna, makhoynasu eikhoyda leinanaba eina haayjei.
22 eikhoyna amata oibagumna, makhoyna amata oinanaba, ebungngona eingonda pibikhiba matik mangaan adu eina makhoyda pire, 23 Eina makhoyda adugaa ebungngona eingonda leiba aduna makhoyna mapung phaana amata oinanabani, haaybadi ebungngona eibu thaarakle, amasung ebungngona eibu nungsirabagumna makhoybu nungsire haayba taaibang paanbana khngnanabani.
24 He epa, ebungngona taaibang-paan houdringeida eibu nungsiraba maramna, ebungngona eingonda pibiraba eigi matik mangaan adubu ebungngona eingonda pibikhiba makhoyna yengjanaba, eina leiba mapham aduda makhoynasu eigaa leimin-nabaa eina pamjei. 25 Amasung, he asengba epa, taaibang paanbanadi ebungngobu khangde, adubu eidi ebungngobu khangjare, adugaa ebungngona eibu thaarakle haayba makhoy asina khangle. 26 Amasung ebungngona eibu nungsiraba manungsi adu makhoyda leinanaba, adugaa eina makhoyda leinanba, eina ebungngo-gi mingbu makhoyda khanghalle, amasung maadu khanghn-gani.