Deuteronomy 9
Miyaamna haayba endaba
1 "Taro, he Israelgi misa, ngasi kouba nongsida nakhoyna Jordan turenda laanba tari. Nakhoydagi henna chaaoba amadi mapaanggal leiba Jattuna leiriba leibaak adu nakhoygi oiba tari. Haayribashingsigi saaharshingdu thoikdokna chaaoi, aduga nongmadon pakna phaklang khagatli
2 Haayriba mishingdu waang-e aduga mapaanggal leiba jatni. Makhoydu hingchabagumba mishingni. Mishingna makhoygi maramda asumna haaynaba nakhoyna taramlagani madudi makhoygi mayokta kanaanasu leppa ngamde.
3 Houjikti Eeshorna nakhoygi damakta chakliba meigi matougumna nakhoygi mang thaaduna chatpa ugani. Ebungngo mahaakna waashakpikhiba gumna nakhoyna makha taana changsillakpaduda, nakhoyna makhoybu maaythiba pigani amasung makhoybu taanthoktuna tumna maanghan-gani.
4 "Nakhoygi napuroi Eeshorna makhoybu taanthoktuna lamduda nakhoybu leihallaba matamda nakhoy matik chaabadagi haayriba lamsi phangbani haaybasi nachin thokkanu. Mishingsi phattaba maramna Eeshorna haayriba mishingsi taanthokkadouri.
5 Nakhoy aphaba mini nattraga achumba touwi haaynabagidamakta Eeshorna nakhoyda makhoygi lamsi pigadouba natte. Mishingdu phattaba maramna Eeshorna taanthokkadouribani. Atoppa maram amanaa nakhoygi napaa napushing Abraham, Isaac amadi Jacobta waashakkhibadugi matung ennani.
6 Nakhoy matik chaare haayduna Eeshorna nakhoyda asigumba leihao leiraba lamsi piba natte. tashengna haayrabadi nakhoysu nangak chaaoba mishingni.
7 "Leikangla oiraba lamduda Eeshorbu nakhoyna shaaohankhibadu kaoganu. Nakhoyna Egypt thaadokpa numittudagi ngasi maphamsi youraba phaaobada nakhoyna ebungngo mahaakki mayokta leiba toktri.
8 Sinai kouba chingduda phaaoba nakhoyna Eeshorbu asukki matik shaaohankhi madudi Eeshorna nakhoybu maanghanba yaarambani.
9 Eeshor amadi nakhoygi narakta yaanaduna thamnakhiba areppa waashaktu eba nungpaktu eina chingdonda kaaduna purakkhribani. Maphamduda eihaak numit niphuni amadi numidaang niphuni chupnaa karigumna amatta eyada tadana leikhi.
10 Nakhoyna chingdonda tinkhiba numittuda meigi shaaktam louraduna Ebungngona haaybikhiba waadumak ebungngogi makhutmakna eduna nungpak anikhak Eeshorna eingonda pibikhi.
11 Ashengbani Eeshorna eingonda areppa waashak eba nungpak anidu ahing amadi nungthin niphuni mitsen khaanglaba matungda pibikhibani.
12 "Masigi matungda Eeshorna eingonda asumna taakpikhi," Khudaksimaktada chingkhada kumlo maramdi nahaakna Egypttagi lamjinglakpa mishingsina araanba amadi phattaba thabak kayaamarum toukhre. Eina makhoyda tou haayna pikhiba yaathangdu hundoktuna makhoyna paamba touba houre. Makhoyna laai murti amaa shaakhre."
13 "Eeshorna makha taana haaybirammi," Kayaada mangak kankhraba mishingno Eina phajanaa khangle.
14 Eibu themba touganu. Kanaanasu makhoybu ningshingdanaba makhoysi tumna maanghallage haaybasi eigi amatta ngaayraba waakhalni. Makhoygi mashingsidagisu henna yaamba jaatki mapaa oinaa nahaakpu shemgatke.
15 "Areppa waashak eraba nungpak anidu puraduna chingdondagi kumthara klammi. Chingdondagi meiri thokkhi.
16 Eeshorna pikhiba yaathangdu nakhoyna endre haaybasi eina khanglammi aduga sanlaba amagi mawong louduna yotna laai murti amaa shaaraduna ebungngo mahaakki mayokta nakhoyna araanba toukhre haaybasisu urammi.
17 Maramsina nakhoygi namaangda eina nungpakshingdu langthaaduna machet machet thugaayrammi.
18 Adubu amuk haanna eina Eeshorgi mamaangda ekok nonna changjaraduna ahing nungthin niphuni chupnaa karigumba amatta chaada-thaktana mitsen khangkhi. Nakhoyna Eeshorgi mayokta araanba chatkhiba maramna ebungngo thoidokna ashaaoba pokkhi.
19 Eeshorgi mei thokna shaaobadu ubada eihaak thoidokna kijarammi. Maramdi Eeshorna nakhoybu manghan takhanba ngamlammi. Adubu Eeshorna eina haayjabadu Amukka haanna tabirammi.
20 Eeshorna Aaron phaaoba hatlage lepkhrabani maramsina eina Aarongi maramdasu haayjakhibani.
21 Maramsina eina nakhoyna sajakhiba araanbagi mashak oiraba sanlabadu loukhattuna meida langsinkhi. Eina madubu machet machet thugaayraga leimaayda uphul olhankhi. Chingdagi chenthraakpa echelduda utshingdu taothahankhi.
22 "Nakhoygi napuroi Eeshorbu nakhoyna Taberah, Massah amadi Kibroth Hattaavahda leiringeida shaaohankhi.
23 Ebungngona yaathang amaaga loynanaa Kades Barneadagi chatlaga Eeshorna nakhoyda pibigani haaykhiba leibaaktu younaba chatlu haayrakpa matamdasu nakhoyna ebungngogi mathakta lalhoukhi. Nakhoyna ebungngobu thaajakhide aduga haaybasu enkhide.
24 Eina nakhoybu nashak khanglakpa numittudagi ngasi phaaoba nakhoyna Eeshorgi mathakta laal houdunata laaklabani.
25 "Nakhoybu shoydana manghan-gadoure haaybasi eina khanglabada ahing amadi nunghin niphuni chupnaa Eeshorgi mamaangda changjaduna mitsen khangjakhi.
26 Aduga eina asumna haayrajammi, "nongthak nongkha animakki Eeshor, ebungngogi mishing, ebungngo makna kanbikhiba, aduga Egypttagi napaanggal amadi nathounatana puthokpirakkhibashingsi manghanbiganu.
27 Ebungngogi nanaaishing oiriba Abraham, Isaac amadi Jacobpu ningshingbiyu. Mishingsina mangak chaaona chatliba lamchat, makhoyna touriba phattaba thabak amadi araanbashingsida ebungngogi pukning thambiganu.
28 Maasi nattrabadi Egyptta leiriba mishingna Ebungngona ebungngogi mishingsida pibigani haaybikhiba leibaaktu pibiba ngamdre haaynakhigani. Makhoyna makha taana haaynagani Eeshorna makhoybu tukkachaba maramna lamjaao lamhaangda makhoybu haatna-naba puthokkhibani.
29 Amaa oirabasu makhoyshingsi ebungngogi mishingni aduga ebungngogi achouba napaanggal amadi nathounatana makhoybu Egypttagi pubirakkhibani."