Isaiah 63
Eeshorna Jaatshingbu maaythiba piba
1 Edomlomdagi laaklibasi kanaano? angaangba phi setladuna Bozrahromdagi laaklibasi kanaano? Phina kupsillabasu uri mahaakki mashaagi matongdu, chatli matik mayaaiga loynana
achumbadu ngasidi laaklo haayna laaothokkhibadu eina, eina kanba ngamba akanba nupaadu.
2 Nahaakna shetliba phishingdu karigi ngaanglibano? Chaphu amada angur neiriba nupaagumna ngaangliba kariginou.
3 Angur mahi sungphamdadi ei etomtana mahi sumliba nattra? Kanaagumba mi nattraga jaat amaa phaaoba eina loinabikhide, shaaobadagi ee karaduna maasibu khongnetkhi, maramsina makhoygi punsi oijariba eedu eigi phida chongkhibani, teikhibani eigi phida.
4 Houjikti laman shingge haayna ningle, eigini haayna leiribashingdu kanbinaba matamdu laakle.
5 Eina eteng pangnaba thijaba matamda kanaa amaa phaaoba phangkhide, eibu eteng pangbinaba kanaa amaa phaaoba phangdabaduda eihaak ngaklammi, adubu epambomsina joy oikhi, eigi ashaaobaduna eibu mateng panglammi.
6 Ei shaaoraduna Jaatshingbu khongnetnakhi, shaaoraduna makhoybu manghankhi, maramsina makhoygi punsi oiriba eedu maalem leida chenkhi.
Eeshorna Israelbu nungshiba
7 Eeshorgi chetna channa nungshibadu eina shingthajagani, thaajagani Eeshorbu waangchaoraba Mapu haayna, phongdokchaagani Eeshorna eikhoygidamak toubikhiba pumnamak, toukhiba mahaakna Israelgi emung manungda mahaakki matik mayaaidugi mapaanna, mahaakki thoujaan heiraba pukningduna makhoyda mahaakki matik mayaaidugi mapaanna, mahaakki thoujaan heiraba pukningduna makhoyda kubikhiba bor pumnamak thaajagani, utpikhiba mahaakna chetna channa nungshibaduga loynana. 8 Haaybikhi mahaakna, "ashengbamak makhoysi migi mishingni, eigi echaa oiba maramna makhoynaeingonda oidaba touroi.
9 Oikhi mahaakna kanbiba Mapu makhoygi khudongthiraba matamda haayriba thoudoksi mihut shinba kanaana nattraga duttuna toukhiba natte, mahaak mashaamakna kanbikhibani, mahaakki nungshiba amadi chanbibaduna kanbikhibani makhoybu mahaak mashaamakna. Thaanggatpikhi makhoybu aduga pubikhi mahaakna houkhiba matamda,
10 Makhoyna Khonggaonaduna mahaakki mathawaay ashengbadubu waahankhi, matamduda mahaak makhoygi yeknaba oirammi. Mahaak matamduda makhoyga laanthengnarammi.
11 Asigumba thoudoksigi matungda taaibang mina houkhiba matamdu ningshinglui, ningshingkhi makhoyna mahaakki mishingbu pubirakpagi matamdu, Nile turendagi makhoybu chingduna pubirakkhiba ebungngodu kadaayda leikhre, pubirakkhiba nattra mahaakna mahaakki kaangluptu makhoyda thawaay ashengba pibikhiba ebungngodu kadaayda leikhre
12 Mosesgi yet thangba nakanda matik mayaai uttuna makhoygi mamaangda laaija eeshingdu tangkhay khaaibikhi, loyba naaidaba ming amaa phangbikhiba, aruba eeshingda makhoybu chathankhibi,
13 Lamhangda shagolna chatpagi matougumna khongpham naanthok-hankhidaba,
14 Khudi thiba leitana tampaakta shaashingna chatpagi matougumna chingbikhiba, Eeshorgi thawaaydu kadaayda leikhre? Matik mayaai leiraba minglen ebungngogi oinanabagidamak chingbikhi nahaakki mishingdu.
Tingbangbinaba haayjaba
15 Nongmadondagi yengthaarakpa matamda yeng-u, ahaangba mapham Ebungngona leibiriba ashengba amadi matik mayaai leirabadudagi, kaidana leikhre nahaakki hanthaba leitraba napaanggal nahaakki meigum chaaklaba nouhouraba nungshibadu?
16 Maaithongdu lotpiganu maramdi ebungngo nahaakti eikhoygi epani, khangdraabasu Abrahamna eikhoybu, yaadrabasu Israelna eikhoybu makhoygi eeni haayba, Eeshor nahaak eikhoygi epani. Minglendu ebungngogi kounarakli thaainadagi houna eikhoygi laanbiba mapu.
17 He Eeshor, nahaakki lambidudagi eikhoybu karigi lamphangnana chathallibno? Nahaakpu kidanaba karigidamak eikhoygi thamoisi kalhallibano? Nahaakki dhaaraagi jaat aduga nahaakki nanaai oinaa leijariba nanaaishinggi manaakta oibirakkho ebungngogi maaythongdu.
18 Phattaba mishingna nahaakki ningnashangdu karigi khongnetnaribano? eikhoyna yeknabashingna nahaakki shonnapungdu karigi usitribano?
19 Ebungngona eikhoygi ethakta keidoungeidasu waayenbikhidribagum toure, nahaakki naming louduna koukhidaba mishinggumna toure.