Matthew 22

Luhong chaakkhaangbagi paandam

( Luke 14.15-24 )

1 Matung aduda Jesusna makhoyda amuk paandam oinaa ngaangduna khumlak-e,

2 Swarga leibaak adudi machaanupagi damak luhongbagi chaak pijaba kanaagumba ningthou amaaga chaangdamnei.

3 Amasung chaak pijabada baarton phangbashing adubu kouru haayduna mahaakki minaaishingbu thaakhi, adubu makhoyna laakningde.

4 Amukka mahaakna atoppa minaaishingda asi haayduna thaakhi, baarton phangbashing aduda haayyu, yeng-u, eina chaak pijaba adu thouraang loire; eigi sanlaabashing amasung anoyba shaashing haattuna thabak pumnamak loire. Luhongbagi chaak pijabada laaklo.

5 Touegumsung makhoyna madu waaoidaduna, maagi maagi chatkadabada chatkhre; amanaa mashaamakki louda, atei amanaa lallon etikta chatkhre;

6 Aduga leihoubashing aduna minaaishingbu phaaraga tajob tajobna toubiduna, makhoybu haatle.

7 Touegumsung ningthou adu shaaore amasung mahaakki laanmishing thaaduna mi haatpashing adubusu maanghalle, makhoygi saahar adubusu mei thaadokhalle.

8 Matam aduda mahaakna minaaishingda haay, luhongbagi thouraang loire, adubu baarton phanglibashing adu matik chaadre.

9 Maram aduna nakhoy lamlong lamlongda chattuna nakhoyna phangba makhei luhongbagi chaakkhang chaanaba kouru.

10 Aduda minaaishing aduna lambi lambida chatkhiduna, aphabasu phattabasu makhoyna phanglakpa makhei khomjillakle; amasung laakpiribashingna luhongpham adu thalle.

11 Touegumsung ningthou aduna laakpiribashing adubu yengba changlakpada, luhongphijet shettaba mi amaa mapham aduda ure;

12 Aduda mahaakna maangonda haay, marup, nang luhongphijet settana asida karamna changbano? Amasung ma waa ngaangba thoktre.

13 Matam aduda ningthou aduna thougan toubashingda haayrak-e, maabu makhong makhut punduna mapaan-gi amaambada langthok-u. Mapham aduda kappa amasung maya kraakkraak chikpa oigani.

14 Maramdi mayaambu kou-e, adubu kharadamak makhalli.

Ebungngona loutunaribashinggi waahang khumba loipot haabagi waahang

( Mark 12.13-17; Luke 20.20-26 )

15 Matam aduda pharisi shingna chatkhiduna, ebungngobu mahaakki waangaangda karamna phaagadage haayna waa taanarammi.

16 Aduga makhoyna Herodki khutpuga loynanaa makhoygi sebokshingbu thaaraktuna haayhallei, oja, ebungngo nahaak achumbani, Eeshorgi lambibu chumna taakpi, amasung kanaabusu kide haayba eikhoyna khang-e; maramdi ebungngo nahaakti migi mishak mimaay yengbiba natte.

17 Maram aduna eikhoyda haaybiyu, Ebungngona kari khanbibage? Caesarda loipot haaba waayel kaaybara kaaydabara?

18 Touegumsung Jesusna makhoygi phattaba adu khangladuna haayrak-e, Apha shaajaningbasa, nakhoyna eibu karigi chaang yenglibage?

19 Loipotki shel adu eingonda utlu. Amasung makhoyna denari amaa ebungngoda purakle.

20 Maduda Jesusna makhoyda haay, makok amasung maming asi kanaagino?

21 Makhoyna ebungngoda haay, Caesargini, Matam aduda Jesusna makhoyda haay, adu oirabadi, Caesargi oiba adu Caesarda, aduga Eeshorgi oiba adu Eeshorda katlu.

22 Amasung makhoyna madu taabada ngakle, amasung ebungngobu thaadoklamduna chatkhre.

Hinggatpagi waahang

( Mark 12.18-27; Luke 20. 27-40 )

23 Hinggatpa haaybasi leite haayriba saddukishing aduna numit aduda ebungngoda laaktuna hanglammi,

24 Oja, Mosesna haayrammi, machaa leitba mi amanaa shirabadi, mahaakki machin manaaona maagi nupi adubu luhongduna machin manaao adugi dhaara thaamlamgadabani.

25 Eikhoygi erakta machin manaao taret leirammi; amasung ahal aduna luhonglaga sikhre, amasung machaa poktabanina, maagi nupi adu manaao nupaada thamlamle;

26 Anishuba, ahumshubanachingba taretshuba phaaoba adum toure.

27 Aduga makhoy pumnamakki ekon konbada nupi adu shire.

28 Maram aduna hinggatlakpa aduda nupi adu makhoy taret adugi karambagi oigadage? maramdi makhoy pumnamakna maabu lourammi

29 Touegumsung Jesusna makhoyda khumlak-e, shaastra amasung Eeshorgi paanggal adu khangdaduna nakhoyna lalle.

30 Maramdi hinggatlakpa aduda makhoyna luhongde, amasung makhoybu luhongduna pide, adubu makhoyna swargadut shinggumna lei.

31 Touegumsung ashibashinggi hinggatpagi maramda Eeshorna,

32 Eidi Abraham, Isaac amasung Jacobki Eeshorni, haayna nakhoyda ngangkhiba adu nakhoyna paadabra? Eeshordi ashibashinggi Eeshor natte, touegumsung ahingba-shinggini.

33 Aduda miyaam-shing aduna madu taaba matamda ebungngogi tambiba aduda ngaklammi.

Khwaai-dagi henna chaaoba waayel yaathanggi, marida waahang

( Mark 12.28-34; Luke 10.25-28 )

34 Touegumsung Ebungngona saddukishingbu khumba ngamdre haayba adu pharisi shingna taabada makhoy masen pullap tinnare;

35 Amasung makhoygi maraktagi waayel heiba amanaa ebungngobu chaang yengduna waahang amaa hanglak-e,

36 oja, waayel yaathang adugi manungda karamba yaathangna achoubano? 

37 Aduda Ebungngona maangonda haay, nangna nanggi Eeshorbu nanggi thamoi apumba, thawaay apumbaa amasung pukning apumbaa yaaona nungshigadabani.

38 Asina achouba amasung ahaanba yaathangni.

39 Aduga asigumna anishuba adu asini, nangna nanggi keiroy leikaaibu nashaamakkumna nungshigadabani. 

40 Yaathang ani asida waayel yaathang apumbaa amasung Eeshorgi waa taakthokpa shinggi yawaa adu suplabani.

Christagi maramda waahang

( Mark 12.35-37; Luke 40.41-44 )

41 Pharisi shingna pullap pullingeida Jesusna makhoyda hanglak-e,

42 Christagi maramda nakhoyna kari khan-bage? mahaak kanaagi machaanupano? makhoyna ebungngoda haay, Davidki machaanupani

43 Jesusna makhoyda haayrak-e, adu oirabadi, Davidna thawaaygi mapaanna mahaakpu karamna Eeshor koubage? madudi, 

44 Eeshorna eigi Eeshorda haay, Eina nanggi yeknabashingbu nanggi nakhong makhaada thambidriba phaaoba, Eigi yetta phammu.

45 Davidna mahaakpu Eeshor kouraba adu oirabadi, mahaakna mahaakki machaanupa karamna oiribano?

46 Amasung kanaanasu ebungngoda waa amata khumba ngamlamde, aduga numit adudagi houna kanaa amatanasu ebungngoda amuk haanna echang thouna waahang hangkhidre.