Deuteronomy 19
Michensingna leigadaba sahar
(Singtha 35:9-28, Josh 20:1-9)
19 Nakhoigi napuroi Eshor-na nakhoida pibigani hairiba lam-sida leiriba mishingdu tumna manghanbiraba matam, nakhoina makhoigi saharsing amadi mayumsingdu lousinduna khundaraba matamda, 2 Napuroi Eshor-na nakhoida pinabiraba lamduda leiriba sahar ahumdi tonganna khaidokkadoubani. 3 Nakhoina lambelnachingba semduna nakhoigi napuroi Eshor-na pinabikhraba lamduda ahum thokna khaiduktuna mi hatpa mishingna hairiba maphamsida chen-gadoubani. 4 Kanagumba nupa amana yeknabadi nattaba kanagumba amabu hatlabadi, Hairiba saharsingsida mahakna chenjaduna mathawai kanjaba yai. 5 Khudam oina hairaga kanagumba nupa anikhak umangda sing chanba chatpa matamda, amana u yallingeida singjang makhok nanthoktuna atoppa nupadu sirabadi, mahakna asigumba sahar ahumsigi manungda amada chenjaduna mathawai kanjaba yai. 6 Karigu-mba asigumba saharsina amatta ngaiba tarabadi, yamna thappa yai aduga laman khumgadouriba mari matasingna saoduna adugumba nupadu phaduna maran leitaba nupa amabu hatkhiba yai. Asengbamak mahakna hatluriba nupadu yeknaba oiduna hatpa natte touigumbasu-ng soikhiduna toukhibani. 7 Maramsidagini eina nakhoida sahar ahumdi khaidokkadoubani hairibasi.
8 "Napuroi Eshor-na nakhoigi napa napusingda haikhiba matung inna nakhoigi lam chaothokhallaba matamda, aduga Ibungo mahakna nakhoida pinababigani haina takpikhiba lamsingdu pibiraba matamda, 9 Nakhoina sahar ahum amaga khandokpa tai. (Ngasi nakhoida eina piriba yathangsingsi kaidana nakhoina chatlaba aduga karigumba nakhoina napuroi Eshor-bu nungsijraba aduga Ibungo mahakna nakhoida takpikhibasingdu kaidana chat-chaba ngamlabadi, Ibungo mahakna nakhoida hairiba lamdu soidana pinabigani.) 10 Maran leijadaba mishingdu sidanabagidamak hairibasi nakhoina touba tai. Masimak nakhoina tourabadi Eshor-na nakhoida pinabiriba lamsida nakhoina maran leitaba mibu sinaba dandi pibagi marandu leiroi.
11 "Adubu kanagumba nupa amana mahakki yeknabadu hatke khanduna sem saraga hatpa taraba aduga hairiba saharsingsigi manungda amada chenkhrabadi, 12 Adugumba nupasina leiriba saradugi ahallamansingna hairiba nupasi lourunaba mi thagadoubani. Adugumba nupadubu hatnanabagidamak laman singadouriba mari matasingda pithokkadoubani. 13 Adugumba nupaduda minungsi utloidoubani. Adugumba mi hatpa nupadubu Israelgi manungdagi manghankhigadoubani. Adu oirabadi nakhoi mara chetna panba ngamgani.
Thainagi ngamkhei
14 "Nakhoigi napuroi Eshor-na nakhoida pinabiraba lamduda leiriba nakhoigi leironnaba mishinggi lamgi ngamkhei mamangngeidagi chatnaraklabadu henjilloidoubani.
Sakhi oibagi matangda
15 "Sakhi amagi machindagi mi amabu mihatpani haiba yaroi. Yamdrabada sakhi anigi mawa hangduna mi amabu maran leire haiba praman tougadabani. 16 Kanagumba atoppa nupa amabu nattaba haijinduna maran leihange hotnarabadi, 17 Animak ningnashang amada chatlaga, phambalda leiriba purohitsing amadi wayelbasingna makhoibu wayelbigadoubani 18 Wayelbasingduna wathoktu maru phangna thijingadoubani. Karigumba nupaduna mamannaba Israelgi midugi mathakta namthak sakhi pirambani haibasi khanglaklabadi, 11 Namthaktuda awap-ham taramgadouba nupadugi awaphamdu hairiba nupaduna phanggadoubani. Asumna tourabadi asigumba phattaba thabaksidagi nakhoi kanba ngamjagani. 20 Masi touraba matungda thokkhiba thoudoksi mipum tingna tagani aduga makhoina kiduna asigumba phattaba thabaksi keidoungeidasu touroi. 21 Asigumba thou-doksi thokpa matamda nakhoina thoujan utloidoubani. Phangadouba dandidi punsi ama manghanbagi punsi amana singgadoubani. Mi amagi mahut mi ama, ya amagi mahut ya ama, khut amagi mahut khut ama amadi khong ama manghankhibagi mahut khong amana singadoubani.