Ezekiel 36
Israelbu mapuna kubiba
36 he nupaa, Israelgi chingduda waa khara phongdok-u. haay-u he Israelgi chingsing, Eesor-gi yawaasi taro, 2 mapu ebungngo Eesor-na asumna taakpiri: yeknaba-singna nahaakki nathakta ema laokhiba amadi thaainagi awaangba urongsi eikhoygi oire hakhibadugi maramna 3 makhoyda asumna haay-u, mapu ebungngo Eesor-na asumna taakpiri: makhoyna nakhoybu leikangla oihanduna maaykei khudingdagi nakhoybu tuhatnaba laknakhiba maramduna Israelgi loibi chingsang, mapu ebungngo Eesor-gi yawaadu taro. Mapu ebungngo Eesor-na loibi chingjaao amadi chingdumsing, lokchap amadi tampaak, leikangla oiraba lam amadi mi tadraba saharsing, adugaa akoybada taariba Jaatsinggi mamaangda lakhatpham oinaa leirabasinggi maphamda asumna taakpiri. 5 mapu ebungngo Eesor-na asumna taakpiri: Eina jaat ateigi mathakta saaobana mei houraduna haayri. Edomgi mising eigi lamdubu lousinduna haraao tayaamna amadi tamthina manghan taahanbi haayna laknaribasingdugi mathakta eina waasi haayri. 6 Israelgi mising, loibi chingjaaosing amadi chingdumsing, lokchap amadi tampaaksingda asumna haiyu. Mapu ebungngo Eesor-na asumna taakpiri: yeng-u, eina saaobana mei houraduna nakhoyda haayri. nakhoy jaat ateigi minok yaamna nangle, 7 maramsina mapu ebungngo Eesor-na asumna taakpiri: Eina waasaktuna haayribasini nakhoygi akoybada leiriba Jaatsingsisu soydana minok amadi michei taagani.
8 adubu Israelgi loibi chingsing, nakhoydi thoina henna yaaiphaba oigani. Nahaakki napandu eigi mi oiriba Israelna lokkani. maramdi makhoy yaamna thuna yumda laaklagani. 9 Yeng-u eihaak nahaakkini. Nahaakki naphamda ei soydana maay ollakkani, nahaakki nathakta mahei marong thahn-gani. 10 Israelgi mi loynaba nahaakki nasaigonda leihn-gani. saharsingda mi taaba hougani adugaa leikangla oinaa leiramba lamsingdusu soydana mi taaba houragani. 11 Nahaakki nathakta mi amadi saa maraang kaina leihn-gani, makhoy maroi manaao yaamna taagani mamaangeida oikhibagumna nahaakki nasaigonda mi yaamna tahan-gani. Mamaangeida toukhiba aphaabadugi henna houjik toubigani. Matamduda nakhoyna Eisi Eesor-duni haayba khanggani. 12 eigi mi oiriba Israelgi misingbu nahaakki mathakta khongnethan-gani. Makhoygi maran oigani nahaak adugaa nahaak makhoygi mapaa mapugi maran oinaa leigani. Nahaakna makhoygi machasigbu thina toularoi. 13 mapu ebungngo Eesor-na asumna taakpiri: misingna nakhoyda haayri, makhoydi mi maanghalli. nakhoyna nakhoygi oiba nachaasingdu tumna maanghalli.' 14 maramsina nakhoyna mi manghan taahallaroi. adugaa nakhoygi jaat oinaa leiriba misinggi machaasingbusu maanghallaroi. maramsimak mapu ebungngo Eesor-na taakpiriba waaphamni. 15 Jaatsingna nahaakpu cheibagi makhondu amuk haanna eina nahaakpu taahallaroi. nakhoy amuk haanna misingna thina ngaangnabagi ethindu chararoi. nakhoyna nakhoygi jattu khudi thihalloi masimak mapu ebungngo Eesor-na taakpiriba waaphamni.
Israelgi anouba punsi
16 Eesor-na eingonda taakpikhiba waasing: 17 he nupaa, Israelgi misingna mareibaakta leiringei matamda makhoyna touba thabaksing amadi lamchat-tuna maasibu manghankhi. Chakhum changba yaadaba matamda kanagu-mba nupi amabu maangi haayna lounabagunna mahaak eigi emitta mangna ukhi. 18 leibaaksida makhoyna taahankhiba eedugi maramna eigi asaaoba meiridu makhoygi mathakta taahankhi. maramdi makhoyna masida laai murti kayaa amasu lattuna manghankhi. 19 maramsina eina makhoybu Jaatsinggi marakta chaikhaaikhi. Makhoy leibaak sinbaa thungna koyna chenduna leikhi. Makhoygi thabak amadi maramchatki matung ennaa eina makhoybu waayelbigani. 20 makhoyna chatluba mapham khudingda jaat ateigi marakta eigi minglensi makhoyna mangthokkhi. makhoyna asumna toubasida Jaatsingna haaynakhi makhoysi Eesor-gi manaaisingni. adubu makhoy ebungngo-gi lamthaadoktuna koyna chatpa taakhi 21 Israelgi misingna chatluba Jaatsinggi marakta mangthok-khiba eigi emingdu eihaak thaoidaba ngamde.
22 maramsina Israelgi misingda asumna haay-u, mapu ebungngo Eesor-na asumna taakpiri: he Israelgi mising, nakhoygi damak eihaak thabak hourakpa natte. nakhoyna chatluba Jaatsinggi marakta nakhoyna ngamnamak mangthok-khiba eigi sengthoiraba emingdu yengduna tougadouribani. 23 Jarsinggi marakta mangthokkhraba eigi sengthoiraba emingdugidamak nakhoygi nathakta eina laman singgani. Makhoygi mamaangda nakhoygi nathakta eina laman singba matamda makhoyna eisi Eesor-duni haayba khanggani, masimak mapu ebungngo Eesor-na taakpiriba waaphamni. 24 maramdi nakhoybu Jaatsinggi amadi leibaaksinggi maraktagi puraktuna nareibaakta thambigani. 25 asengba eesing nakhoybu khiktokpigani. nakhoygi nasada pakliba amaangbasingdu matamduda sengani, nakhoyna ningliba laai murtisingdugi amaangbadu eina sengdokpigani. 26 anouba thamoi amaa nakhoyda pinabigani. anouba thawaay amaa nakhoyda haappigani. Nungu-mna kallaba thamoidu louthoktuna leigum thotlaba thamoi amaa pibigani. 27 eigi thawaaysi nakhoyda happiduna eigi niyamsingdu ennaa phajanaa chathalgani. eigi yaathangsingdu nakhoyna cheksinna ngaakna chatpa ngamgani. 28 napaa napusingda eina pikhiba lamduda nakhoy leigani. nakhoy eigi mising haayna kounagani. adugaa eihaak nakhoygi Eesorni haayna lounagani. 29 nakhoygi nasada pakliba amaangbasingdu eina sengdopigani. Mahei marong maraang kaina lokhanduna nakhoy chaak tangba masak khnghalloi. 30 Upaalsingda mahei chumhn-gani. Louphamda phou yaamna thok-han-gani masina jaat ateigi mamaangda chaak tangba haaybadugi ekaaiba nanghalloidabani. 31 Matamduda nakhoyna toukhiba phattaba thabaksingdu ningsingani. nakhoyna toukhiba phattaba thabaksingdu ningsingduna paap amadi tukka chaaraba thabaksingduna nakhoybu potlum amaa pubagi matougumna lumhan-gani. 32 mapu ebungngo Eesor-na taakpiri makhoygi maramgidamak eina thabak tougadaba natte. Haayriba waaphamsi nakhoy sengna khngjou he Israelgi mising, nakhoyna toukhiba naramchat amadi phattaba thabaksingdu yengduna namai phiruk khum-u. 33 mapu ebungngo Eesor-na asumna taakpiri: Eina nakhoygi nasada pakliba amaangbasingdu sengdokpiba numittuda nakhoygi saharsingduda mi masing khangdabamakhei tahan-gani. Leikangla oinaa leiraba lamdusu soydana mahei yaan-gani. 34 Leikangla oinaa leiraba lamdu leihao chelhn-gani. maasibu samduna chatkhiba misinggi mamaangda maadubu eina leihao chenbalamoina leihn-gani. 35 Matamduda makhoyna haaygani. Leikangla oiramba lamsi Eden-gileikondagi henna leihao leire. Tumna maangkhraba khuntak lansikhraba saharsingsi mi yaamna taare. 36 Matamduda nakhoygi akoybada taariba Jaatsingduna Eesor Eina pumnamaksi semgat saagatlaklibani haayba khanggani. Leikangla oinaa leiramba lamsingsi anouba mayon chonghallibani khanggani. Eesor ouriba eina phongdokkhiba waasingsi soydana tougani.
37 mapu ebungngo Eesor-na asumna taakpiri: Israelgi misingna yaao sanggugi matougumna makhoygi mising hen-gatnaba eingonda haayjahn-gani. 38 Thouda katnanaba purakpa yaao mayaamdugumna, akhannaba dharmagi usobta Jerusalemda purakpa yaaosinggi matougu-mna khuntak lansi oiraba saharsingduda masing laakngamdraba mi tahan-gani. Matamduda Eisi Eesorni haayba khanggani.